إشتريت لادا جرانتا من 4 أيام ودى حبة معلومات عنها
السلام عليكم
أنا لسه شارى العربيه يوم الخميس اللى فات يعنى من 4 ايام
شارى الروسى
مبدأيا بالنسبة لإستهلاك البنزين كويس موش عالى
والسيارة عضمها ناشف الحمد لله
وسعرها كويس نسبيا وسط أسعار دلوقتى
ثابتة على الطريق
عاليه عن الارض
العفشه بتاعتها حلوه موش وحشه ولا ناشفه ولا طريه بتعتبر وسط
هى واسعه وملمومه
و موش صعبه فى السواقه زى اللانسر مثلا و البى واى دى كا حجم العربيه
إضائتها حلوه
لكن العربيه بتسخن
القعده فيها موش مريحه لو لمسافات طويله
مفتاح العربيه زبااااله بمعنى الكلمه . ممكن يتكسر منك
تانك البنزين بيتفتح بالإيد
الروسى مفيهاش كاسيت معرفش هيوفر معاهم كام يعنى علشان ميركبوش :eee:
الازاز اللى ورا أوكر
الازاز اللى قدام مبينزلش للأخر
مبتجمعش بسرعه
مفيش سويتشات فى الأبواب - فى واحد بس بتاع السواق
لمبة الشنطة مبتنورش ألا ومفتاح السيارة موجودة فى الكونتاكت
الكراسى بترجع لورا ب بكر يعنى تقعود تلفها ع شان ترجع لورا
فيبر البيبان ردىء جدا
مفتاح النور عامل زى مفتاح تايمر المروحه بيتلف كده ناحية الشمال فى التابلوه
صوتها عالى نسبيا
الكلاكس لازم تضغط عليه بقوة علشان يزمر
