بنزين نى و فرقعه فى الشكمان

**Shiref_mohamed** · 04-12-2008 03:32 PM

حط عربيتك على سكانر وانت هتعرف كل مشاكلها وإن شاء الله تتحل

**aymanhh** · 04-12-2008 03:56 PM

الكاتينة مش مضبوطة
راجع ضبط الكاتينة

**samirayad** · 04-12-2008 05:53 PM

المشاركة الأصلية كتبت بواسطة crazy_it

المشكله ظهرت بعد تغيير الرشاشات تقريبا حسيت ان العربيه اتخنقت و صوتها بعلى لما ادوس بنزين و مفيش استجابه
انا بحط بنزين 92 و شايل فيشه الاوكتان
الرشاشات انا شوفتها مرتين مره و قبل ماتتركب وكانت المسطره بره و دورت و شوفتها بترش بنزين
و كمان حطيت منظف رشاشات ABRO اول ماركبتها
و شفتها تانى مره و انا بعمل عمره و برضه المسطره بره و دورت و الميكانيكى قالى الرشاشات زى الفل
بس مش عارف هل ممكن تكون الرشاشات دى بتضخ بنزين زياده؟؟ يعنى مش متوافقه مع اللانوس؟؟
رغم انى جبتها من عند بتاع BMW استعمال و لونها لبنى
و ممكن يكون فيه سبب تانى؟ يعنى الكهربا دى بتتظبط ازاى ؟؟ اصل بتاع الشكمان برضه قالى نفس الكلام ان الكهربا مش مظبوطه
بس اللى انا اعرفه ان اللانوس مفيهاش حاجه تتظبط غير فيشه الاوكتان
ممكن يكون ال coil؟ و اعرف منين لو فيه مشكله
معلش انا طولت عليكوا بس بجد العربيه مضايقانى اوى

لاحظ أن عملية التزرير للرشاش المستعمل ليست هى فقط المقياس فى الحكم على أن الرشاش سليم ولن يوجد منة مشاكل مستقبلا..........حيث أنة لابد من الاطمئنان على كفاءة احكام ابرة الرشاش مع قاعدتها......لأنة لو لم تكن الابرة مطبعة بصورة جيدة على القاعدة داخل الرشاش حينما لايكون هناك ضخ للبنزين.....فى هذة الحالة سيتم حدوث تسييل للبنزين داخل غرف الحريق بدون داعى.....وبالتالى ممكن أن يؤدى ذلك الى كل الأعراض التى سردت فى الموضوع

**crazy_it** · 06-12-2008 06:37 PM

طيب دلوقتى فيه ناس بتقول كذا حاجه
1- الكاتينه
2- الرشاشات
3 البوبينه
طيب انا اعرف المشكله فين بالظبط ازاى بقى؟
احطها على اسكانر؟ ولا فيه اختبارات سهله للحاجات دى
سير الكاتينه لسه مغيره مع العمره
و الميكانيكى كان عملى اختبار للشراره طلع الكابلات من البوجيهات و شاف الشراره قالى كويس ده من قبل العمره برضه
و الرشاشات انا معرفش بقى اختبر كفائتها ازاى؟
و انا روحت للميكانيكى و سمعته اللى بيحصل قالى عادى دى رده الشكمان العربيه طبيعيه
فمش عارف بقى اعمل ايه و ايه الصح

**Sherif Khalifa** · 06-12-2008 06:42 PM

السكانر هيعرفم اذا كان فى مشاكل فى الكهرباء او الرشاشات او اى حاجة تانية

**a3430** · 06-12-2008 07:03 PM

ممكن اعرف ليه العربيه دخل البلد بتكول بنزين كتير
ممكن

**crazy_it** · 08-12-2008 02:41 AM

اوك يا جماعه شكرا ليكم كلكم و لكل اللى ردوا على الموضوع و اهتموا معلش انا تعبتكم معايا و انشاءالله هابقى اكشف اسكانر و اشوف
و شكرا ليكم مره تانيه و للمنتدى الجميل اللى اتعلمت منه حاجات كتير

**A.samy** · 30-01-2009 03:38 PM

ممكن يكون مياة مش بنزين حصل معايا كدة

**samirayad** · 01-02-2009 09:36 AM

المشاركة الأصلية كتبت بواسطة crazy_it

اوك يا جماعه شكرا ليكم كلكم و لكل اللى ردوا على الموضوع و اهتموا معلش انا تعبتكم معايا و انشاءالله هابقى اكشف اسكانر و اشوف
و شكرا ليكم مره تانيه و للمنتدى الجميل اللى اتعلمت منه حاجات كتير

خللى بالك.....فى الغالب حتكون برضه الرشاشات اللى غيرتها تعبانه......ازاى....حتلاقى استجابة ياي احكام ابرة الرشاش ضايع وبيأخذ وقت....على ماتتم عملية احكام الغلق بصوره جيده بعد عملية ضخ البنزين........وعلشان كده بيكون لسه فيه نسبة بنزين بتسيل مع آخر مرحلة تبطيل للمحرك....وعلشان كده بتحصل الفرقعه....وأنا عارف انك اختبرت التسسيل قبل ماتغير الرشاشات.....بس دى حاجه ودى حاجه وبرضه عاوز اضيف ان ممكن يكون موجود أيضا تعليقه فى الكونتاكت مع التبطيل النهائى....والموضوع مش حيخرج عن حاجه من الاثنين دول