تنتيش وخستعة بعد قيادة 15 كيلو

**أسامة الصاوى** · 03-11-2016 04:25 PM

المشاركة الأصلية كتبت بواسطة colin chapman

ده فرامل وليس عفشة
جايز جدا يكون عندك ماستر عجلة بيقفش لوحده !!

العربية بتخستع كأنها مفيهاش بنزين أو فاصلة كهربا مش بتقفش منى قفشة فرامل

**محمود فوكش** · 16-11-2016 02:02 PM

الموضوع دة عن تجربة حصل معايا وطلع عينى على الصنايعية مع مصاريف كتير وتغيير بوجيهات وسلك وحساسات طلع فى الاخر طرمبة بنزين لما تسخن العربية بتنتش وتموت فى دوسة البنزين

**ahmed_wagih** · 16-11-2016 03:13 PM

عن تجربة ممكن يكون السبب بوجيهات او سلك بوجيهات انت بتقول انك غيرت بوجيهات من 3 شهور ممكن يكون سلك بوجيهات شوفه وهو رخيص

وحاول لو تعرف جرب بوجيهات تانية

علشان العطل دة بيحصل من بوجيهات او سلوك بوجيهات

**borio1704** · 16-11-2016 03:30 PM

أتوقع العيب من البوجيهات..

البوجيهات - بغض النظر عن كونها أصلية أو تقليد - فيه منها أنواع وموديلات كتير علشان تناسب المواتير المختلفة..

اتأكد إنك جبت البوجيهات المناسبة لموتور عربيتك.

أنا فاكر من زمان كان معايا تويوتا كريسيدا 82.. وكنت دايما بجيب البوجيهات الأصلية بتاعت دنسو.. وفاكر كويس رقم موديل البوجيهات...

المهم.. رحت جبت بوجيهات من دنسو بردو بس بموديل مختلف... مش عايز أقوللك أداء العربية كان سيء ازاي..

تنتيش وتقطيع وكإن البوجيهات بقالها 20 سنة في العربية.

اتأكد من موضوع البوجيهات ده.. مش هيكلفك 100 جنيه.

...