السلام عليكم ورحمة الله وبركاتة
كنت عاوز أستفسر عن حاجة بتحصلى كتير جدا اليومين دول ومش قادر أحدد السبب فيها بالظبط
لأنى لو فضلت أجرب كل شوية حاجة ومتطلعش هى ... هيتخرب بيتى :)
عربيتى لانوس 2 موديل 2003 بعد ما أمشي بيها 10 أو 15 كيلو وأقف فى زحمة بعد كدة شوية وابدأ أطلع بالعربية أحس إنى مش دايس بنزين أصلا والعربية مخستعه خالص وفجاءة تلاقيها فتحت وطارت مرة واحدة
الموضوع ده بيحصل بس بعد ما أمشي بالعربية الكام كيلو اللى قولت عليهم ... غير كدة العربية عادية جدا بس
حد عنده أى تفسير منطقى عقلانى للموضوع ده؟
طرمبة بنزين ولا موبينة (أنا عندى موبينة أوبل تيجرا) ولا سلوك بوجيهات ولا رشاشات ....عشان أنا لسه مغير بوجيهات ngk أصلية مبقاليش 3 شهور ومغير فلتر هوا وفلتر بنزين وزيت وفلتر زيت
بالله عليكم اللى عنده أى معلومة أو سابق خبرة يفيدنى