مشكله في فتيس كيا 2011

**Medhat01000** · 02-11-2016 01:44 AM

مشكله في سيراتو 2011 خليجي الفتيس الجديد
الفتيس بياخر في الغيار r اماا ادي العربيه الغيار مش بتتحرك تحس انها واخده غيار n اما ازود بنزين تنتش وترجع اكن العربيه اخدت الغيار فجاه
كشفت علي العربيه اكتر من مره بيقولو الفتيس سليم لان المشكله دي بتظهر اوقات بسيطه مع الوقت بدات تذيد في نفس الغيار r للرجوع ورا مع العلم ان العربيه في باقي الغيارات سليمه وشغاله تمام
من يومين العربيه بدات تنتش اكتر من الاول في كل مره اديها r ومش تاخد الغيار غير بصعوبه وحتي قدام بدات العربيه عزمها يقل والمفاجأ بتاع العربيه مش موجود بطلت العربيه وسبتها دقيقه وشغلتها مشيت تمام
وانا راجع من الشغل العربيه طلعت دخان بفتح الكبوت العربيه جايبه زيت فتيس من فوق مش عارف ده من ايه من عند طبة تغيير بتاعت الزيت
سحبت العربيه خفت امشيها للمكانيكي قالي ده طرمبه الزيت بتاعت الفتيس جواه ولازم ينحل بعد طبعا ماشيك علي البلوف والفلتر والزيت ولقي كله تمام قال كدا دي مشكله بداخل الفتيس مش عارف اعمل ايه

**borio1704** · 02-11-2016 12:57 PM

حضرتك غيرت زيت الفتيس قبل كده؟؟؟

لو كان حصل... إيه نوع الزيت اللي حطيته؟؟

ولو ما غيرتش الزيت قبل كده.. العربية ماشية قد إيه؟؟؟

...

**Medhat01000** · 02-11-2016 03:23 PM

العربيه ماشيه 200 الف كيلو ومغير الزيت بس انوعه مش فاكر هو ذيت كهربا الكيلو ب 135 جنيه . بس لان العربيه انا شاريها استعمال فانا غيرت الزيت اول المشكله دي ماظهرت معايا وبدات تزيد كل يوم عن الا قبله .. المكانيكي قال انه كشف عن البلوف والزيت والفلتر وتمام

**borio1704** · 02-11-2016 07:43 PM

طيب...

مبدأيا... كده احتمال كبير قوي يكون الزيت هو السبب.. ﻹن الفتيس الأوتوماتيك حساس جدا جدا لنوع الزيت اللي بيتحط فيه. .

وإذا كان الزيت غير مناسب فطبيعي تلاقي مشاكل من عينة المشاكل اللي بتحس بيها دي...

واللي مزود الاحتمال ده هو إنك بتقول إن المشاكل بتزيد من ساعة ما غيرت الزيت...

طيب..

فتيس السيراتو ال6-سرعات لازم يتحط فيه زيت اسمه ATF SP-IV (أو SP-4)..

أي زيت تاني هيسببلك مشاكل كتير..

ما تسمعش كلام أي حد ينصحك بأي زيت تاني علشان ده الزيت اللي مكتوب في كتالوج عربيتك.. وهو ده الزيت اللي فتيس عربيتك متفصل عليه

الزيت ده موجود في التوكيل .. وممكن تلاقيه في السوق بإسم هيونداي

خلي بالك ...

مش أي زيت مكتوب عليه رقم 4 أو IV يمشي معاك

الكمية اللي حضرتك محتاجها حوالي 7.5 لتر

...