هل ممكن أبلغ الكمين عن سيارة اخري مخالفة و يصدقوني و يتخذوا معها اجراء ؟؟

**Samir Elshahawy** · 03-12-2008 02:42 PM

أولا.. كل عام و انتم جميعا بخير
ثانيا.. لي سؤال بسيط ألا و هو : هل يمكن لأي قائد سيارة ان يبلغ أي نقطة مرور أو لجنة أو كمين يقابله عن سيارة اخري مخالفة أو ارتكبت مخالفة مرورية او حادث و ولت هاربة ؟
و هل في هذه الحالة يؤخذ بكلام المبلغ و يتخذوا اجراء ضد السيارة المخالفة ؟

اعتقد لو تم هذا سيكون هناك تعاون ايجابي من مستخدمي الشارع مع شرطة المرور لاعادة الانظباط و القانون الي الشارع

**ahmed76** · 03-12-2008 03:24 PM

بص يا باشا انا مرة بلغت عن عربية ونوعها ورقمها امين شرطة مرور عن واقعه معينه فقالى لو جت هنا هامسكها قولت له طيب لو مجاتش قالى دى تبع محافظه تانيه مش تبعى
المهم رحت البيت واتصلت بغرفة عمليات المرور وردوا عليا بكل ذوق واحترام وبلغتهم بواقعة معينه ورقم العربية ونوعها الراجل بصراحة مشكور قاللى اعمل لهم محضر فى قسم الدقى
ههههههههههههههههههههههههه هههه
كان ناقص يقولى بلغ البوليس امال انا اتصلت بمين
ومن ساعتها وانا حرمت اتصل غير بالدليفرى بتاع مؤمن

**aratux** · 03-12-2008 03:45 PM

انت إيه اللى حصل لعربيتك؟
الحادثة دى حصلت الشهر ده؟

**Samir Elshahawy** · 03-12-2008 03:58 PM

انت إيه اللى حصل لعربيتك؟
الحادثة دى حصلت الشهر ده؟

شكرا علي سؤالك , الجمد لله اللي جت علي قد كده و عموما الموضوع ده هاتلاقيه في المنتدي العام تحت أسم :
لاحول و لا قوة ألا بالله , الهم لا أسألك رد القضاء و لكن اسألك اللطف فيه

**EslaM_NagY** · 04-12-2008 01:36 AM

المشاركة الأصلية كتبت بواسطة SE_coralsea

شكرا علي سؤالك , الجمد لله اللي جت علي قد كده و عموما الموضوع ده هاتلاقيه في المنتدي العام تحت أسم :
لاحول و لا قوة ألا بالله , الهم لا أسألك رد القضاء و لكن اسألك اللطف فيه

والله يا باشا كنت عايز أسألك على العربية بس قولت بلالاش نكد :k40:
الحمد لله على كدة وانا حدور على الموضوع
وربنا يسترها معانا اجمعين

**M.Osman** · 05-12-2008 03:44 AM

المشاركة الأصلية كتبت بواسطة SE_coralsea

أولا.. كل عام و انتم جميعا بخير
ثانيا.. لي سؤال بسيط ألا و هو : هل يمكن لأي قائد سيارة ان يبلغ أي نقطة مرور أو لجنة أو كمين يقابله عن سيارة اخري مخالفة أو ارتكبت مخالفة مرورية او حادث و ولت هاربة ؟
و هل في هذه الحالة يؤخذ بكلام المبلغ و يتخذوا اجراء ضد السيارة المخالفة ؟

مش عارف ...

بس اللى اعرفه ان لجان المرور المفروض تتحرك من المكان اللى بتكون لازقه فيه و تشوف الغلط بنفسها عن طريق دوريات عالطريق ....لكن انها تستنى واقفة فى مكانها زي قلته ..

**Strong** · 05-12-2008 09:15 PM

المشاركة الأصلية كتبت بواسطة SE_coralsea

أولا.. كل عام و انتم جميعا بخير
ثانيا.. لي سؤال بسيط ألا و هو : هل يمكن لأي قائد سيارة ان يبلغ أي نقطة مرور أو لجنة أو كمين يقابله عن سيارة اخري مخالفة أو ارتكبت مخالفة مرورية او حادث و ولت هاربة ؟
و هل في هذه الحالة يؤخذ بكلام المبلغ و يتخذوا اجراء ضد السيارة المخالفة ؟

اعتقد لو تم هذا سيكون هناك تعاون ايجابي من مستخدمي الشارع مع شرطة المرور لاعادة الانظباط و القانون الي الشارع

ياريت بس كان غيرك أشطر
أنا زهقت من المقطورات اللي بتمشي على سرعة أعلى من 100 كيلو وبيسابقوا العربيات الصغيرة بس للأسف مفيش حل مهما بلغت والمشكلة إن عدد المخالفين كتيييييييييييير أوبمعنى إن الكل مخالف ونادرا لو لقيت حد ملتزم.

الحل الوحيد إنك تسيب كل واحد يمشي على كيفه واللي تلقاه مش على بعضه خليه يسبقك أو طير من جنبه علشان تتجنب أذاه

**Samir Elshahawy** · 05-12-2008 11:04 PM

ياريت بس كان غيرك أشطر
أنا زهقت من المقطورات اللي بتمشي على سرعة أعلى من 100 كيلو وبيسابقوا العربيات الصغيرة بس للأسف مفيش حل مهما بلغت والمشكلة إن عدد المخالفين كتيييييييييييير أوبمعنى إن الكل مخالف ونادرا لو لقيت حد ملتزم.

الحل الوحيد إنك تسيب كل واحد يمشي على كيفه واللي تلقاه مش على بعضه خليه يسبقك أو طير من جنبه علشان تتجنب أذاه

طيب أقول لكم علي حاجة , يوم لما عملت الحادثة كانت السيارة المتسببة في الحادثة نقل بمقطورة و كانت تسير بسرعة و تتخطي سيارة نقل اخري من اليمين و فرت هاربة , و كل ذلك حدث علي بعد أمتار قليلة من قيادة طريق السويس و سيارة الشرطة الواقفة هناك , و رغم كل ذلك لم يحرك أحد من السادة أمناء الشرطة أو الظباط ساكنا الا عندما ذهبت الي أمين الشرطة بالسيارة المتوقفة علي جانب الطريق لاطلب منه رقم سيارة النقل و لكن ماذا تتصوروا انه قال لي ؟؟؟

" بصراحة ما أخدتش بالي من الحادثة "