الموضوع: تجربة وتحذير من فوكاس 2014 شريتها زيرو من اسبوع

السلام عليكم
اخوكم مقيم في جده
من اسبوع لقيت واحد عامل اعلان لبيع فوكاس زيرو 2014 كسبها ف مسابقه واخدتها منه بسعر ممتاز وانا بنفسي اللي خرجتها من التوكيل كان عدادها 13 كيلو فقط يعني متلمستش
كان معايا قبلها فلوانس وسبورتاج وسيراتو واحر اتنين كانو زيرو
المهم عشان مطولش عليكم
تجربتي للعربيه كل شيء فيها روعه باستثناء مصيبه ف الفتيس استجابه اوقات تكون ملخبطه غ الزحمه متردد ف اوقات كتير وممكن ينط او ينتش بالرغم من سواقتي الهاديه واوقات وانا واقف ف الزحمه اجي اتحرك الاقي الاستجابه متاخره نوعا ما مع الاسف ال dual clatch فيها اكتر من سيء بالمختصر تجربه سبئه العربيه لسه معملتش بعا 1000 كيلو وكرهتها مع الاسف
ولما دخلت لقيت هنا ف المنتدي كتير اشتكوا من نفس المشاكل لكن مع الاسف كان بعد مااشتريتها
رايكم اروح التوكيل ممكن يكون في سوفتوير ابديت يحل المشكله او يقللها؟
حاجه كمان ملاحظها وياريت ملاك نفس العربيه ياكدوها عداد ال rpm مثلا وانا ع ال120 بيكون فوق ال 3 هل ده طبيعي؟ لان ف كل العربيات اللي امتلكتها مكنش بيكون فوق ال 2.2 مثلا كاقصى حد على نفس السرعه
اعتذر ع الاطاله ونصيحه اللي قدامه العربيه دي يبعد عن مشاكلها انا لقيتها حتى ف امريكا نفس المشكله

المشاركة الأصلية كتبت بواسطة ادهم حفنى

الفتيس dualcluch مختلف عن الفتيس الاتوماتيك العادى والتبترونك الاتوماتيك العادى والتبترونك فية كلتش واحد الى عندك فية اثنين كلتش واحد خاص بالنقلات 1و2و3 والتانى خاص بالنقلات 2و4و6 لما الكلتش الاول بيكون معشق على الاول بيكون الكلتش التانى معشق فى نفس الوقت على الثانى يعنى انت ماشى على الاول على الكاتش الاول اول متنقل العربية على التانى تروح مستخدمة الكلتش التانى لما تنقل على التالت تروح على الكلتش الاول الرابع تروح على الكالتش التانى الخامس على الاول والسادس على التانى والعكس مع الغيار العكسى انت طبعا متعود على الفتيس اتوماتيك عادى والفتيس دة عايز تعود عشان يظبط معاك ومتحسش بالنتعة فى الغيار المشكلة انك كرهت العربية ودة حيخليك كل مرة تركبها مش حتبقى مرتاح ومنتظر العربية حتعمل معاك اية يبقى الحل انك تغير العربية وتريح دماغك وشكرا

انا بالفعل بعتها من وقتها وارتحت منها وعدادها كان 300 كيلو فقط والحمدلله مخسرتش فيها بس بصغه عامه الفتيس ده سيء جدا واكتر من واحد هنا لقيت العربيه مش ماشيه معاه كتير ومغير الفتيس والمصيبه انهم مصممين علي غبائهم ومغيروش الفتيس ف الموديل اللي بعدها بجد اي واحد ف مصر حرام يرمي فلوسه ف الارض ف عربيه زي دي ضيقه جدا جدا وفتيس سيء وعداد الrpm عالي جدا تكون ماشي ع ال100 والعداد فوق ال3 بأي منطق العربيه تكون كده