من كلام حضراتكم فهمت انى اصبر وحرام بعد تعبى افرط فيها وححاول اشوف ميكانيكى كويس جايز عيب صنايعى لو فى ميكانيكى بيجو فى حى الظاهر القاهره حد يدلنى عليه لانى بتعامل مع واحد فى عين شمس بقيت اشك انه مش كويس جايز واجرب التغيير وربنا يسترها وتتظبط
عرض للطباعة
من كلام حضراتكم فهمت انى اصبر وحرام بعد تعبى افرط فيها وححاول اشوف ميكانيكى كويس جايز عيب صنايعى لو فى ميكانيكى بيجو فى حى الظاهر القاهره حد يدلنى عليه لانى بتعامل مع واحد فى عين شمس بقيت اشك انه مش كويس جايز واجرب التغيير وربنا يسترها وتتظبط
اسمه عبد الصبور عند منزل كوبرى غمرة و انت رايح ناحية العتبة
بس دول اولاده و مش بنفس كفاءة والدهم
العربية يشتغل فيها اى حد بس يكون عنده ضمير...و يكون هو اللى يشتغل بإيده مش يسيب صبى يتمرن عليك
الميكانيكا رباطات
اولا .. تفلئلوا و لا تشائموا .. فان التشاؤم يجلب الشؤم
يعنى بلاش تشاؤم و توجس .. و ده ما يمنعش ان الحسد حقيقى .. بس انت ادعى ربنا و اتوكل على الله
20 الف كتير .. و ده دلوقتى لازم يدخل فى الاعتبار فى قرارك بالنسبه للعربيه .. احسب حسبتك بهدوء و تروى
و ده سبب انى قلت لك اشترى عربيه سليمه و موش عايزه شغل من الاول .. حتى لو اغلى من السوق شويه .. حتكون فى الحقيقه اوفر .. فى الفلوس و النتيجه النهائيه و المجهود
الكلام ده موش من فراغ .. دى تجارب كلنا مرينا بيها فى السن الصغير .. و اثبتت فشلها .. ما تأخذش الا عربيه سليمه نظيفه موش عايزه شغل من اول يوم
و نصيحه سيبك من فكره شد العربيات و الكلام ده .. خسرانه 100% .. اولا لانك ما عندكش خبره فى العربيات ( و اوعى تفتكر انك كده عرفت ازاى تشد عربيه .. انت عرفت خبره ازاى يتنصب عليك فى عربيه ) .. ثانيا انت بتشد علشان تركب ( و التاجر بيلصم علشان يبيع )
كون العربيه ضايقتك حتى فى الترخيص .. ده اللى خلانى اقول لك انها موش بتاعتك
من دلوقتى لحد ما تترخص .. و تتظبط مشى و ترضيك .. مفيش مصروف تعريفه واحده على اى كماليات او اضافات .. المصاريف تكون اقل ما يمكن
ربنا يسهل لك الامور و يصلح حالها معاك
بص انا كان معايا بيجو 307 و قرفتني اخر قرف فبعتها بخسارة 5000 جنيه ووفرت اللي اهم من الفلوس حرقة الاعصاب يا عم بيعها و لو بخسارة وهات حاجه حلوه ماتقرفكش
بيعها...
كان معايا تويوتا كريسيدا موديل 82.. وكنا جايبينها عالزيرو (بيتي أهه)... والعربية ماكانش فيها نص المشاكل اللي بتقول عليها دي...
كل الحكاية إنها عايزة مبلغ حوالي 5000 جنيه كل 5 سنين تقريبا علشان تغير الأجزاء الاستهلاكية اللي فيها (اسطوانة وديسك.. كاوتش.. تيل فرامل.. بطارية [مرتين] .. مساعدين أمامي وخلفي.. خراطيم رادياتير... خرطوم باور.. طقم إصلاح لماستر الفرامل وطقم زيه لطلمبة الباور.. شحن فريون للتكييف.. وسمكرة ودوكو نظافة طبعا)..
ده غير الحاجات التانية اللي بتتغير بطبيعة العمر الطويل للعربية.. زي طلمبة مية.. رادياتير .. رداخ.. طقم جنوط.. كاوتش أبواب وأي أجزاء كاوتش تانية في العربية... ده غير شغل السروجي والذي منه... وأخيرا عمرة موتور على حوالي 350 ألف كيلومتر..
العربية بشكل عام كانت ممتازة بالمقارنة مع العربيات من جيلها ويمكن اللي بعدها بشوية كمان.... ونادرا لما عملت معايا دقات نقص...
بس الواحد لما بيركب عربيات جديدة بيحس بالفرق الكبير... وده اللي خلاني أحاول أبيعها .. وكنت طالب مبلغ معين بس للأسف ما حدش اداني السعر اللي كنت عايزه.
في الآخر.. اضطريت أبيع العربية يعد فترة لظروف مادية وكانت العربية اتبهدلت مني.. وللأسف ما جابتش حتى نص اللي طلبته قبل كده :(
...