الموضوع: التجربة مع نقص مياة القربة امس للافادة

نقل تجربة نقص قربة المياة امس للاستفادة وبالمناسبة كل الشكر للاعضاء المحترمين الذين لم يبخلوا علينا بتجاربهم ومازلنا نتعلم منهم ندخل فى الموضوع :-

امبارح بالصدفة بشوف قربة الماية لقيتها فاضية كان معايا لتر مياة حمرا زوتها بية ولما روحت الشغل 35 كيلو بفتح لقيتها فاضية وبصات حسات بمياة على الماكينة من تحت بس مش عارف التسريب من اين

بسرعة اشتريت جركن 4 لتر ماية حمرا موبيل وعلى الميكانيكى كبس الدورة واكتشف ان الشجرة مشروخة اشتريت واحدة تانية وكان عايز يحط الماية الحمرا بعدها قولت له لا اكبس تانى قال لى خلاص قلت له معلش وفعلا لقى اويلسيل من كتر الفك نفس اشتريت واحد تانى وركبة وكبس ثالث بقى تمام نزلت النهاردة الصبح لقيت الماية تمام ولما جات الشغل بردة تمام والحمد لله

التكلفة
الشجرة كورى اصلى 60 جنيه
اويل سيل 4 جنية (هو ممكن ميكنش اسمة كدة هو عبارة عن افيذ كدة بمسمار بيربط على الخرطوم)
جركن مياة حمرا موبيل 113 جنية
مصنعية 100 جنية (تعب بصراحة ومحترم نزل تحت العربية وخذت وقت تقريبا ساعة ونص )

هو للاسف معنديش صورة للشجرة بس هى عبارة عن ماسورة بيبقى ليها اكتر من مخرج بيركب فيه خراطيم

اما بالنسبة للمياة حمرا ولا خضرا انا احترت كتير بس اخر حاجة وصلت لها انها بتكون حسب نوع الردياتير لو نحاس تبقى خضرا ولو الومنيوم تبقى حمرا او زرقا وبناء علية حطات حمرا
لو حد من الاعضاء عنده راى تانى ياريت يصحح لى