هل السيارة الجين2 للشباب فقط ام لجميع الاعمار السنية.......
ولماذا.... علما بان الشكل اذواق!!!:049:
عرض للطباعة
هل السيارة الجين2 للشباب فقط ام لجميع الاعمار السنية.......
ولماذا.... علما بان الشكل اذواق!!!:049:
أعتقد إنت رديت علي نفسك ... وعلي فكره الجولف والفورد فوكاس وحاجات تانيه من الفئة دي من أنجح السيارات العائلية بره
الحقيقه انا كتير بلاقى ناس كبيره فى السن و راكبين جين 2
و بلاقى اجانب كتير كمان راكبينها !!!
هنا فى 6 اكتوبر فى واحد اجنبى " تقريبا يابانى " معاه جين 2 حمرا و لازق علم اليابان بحجم السقف بالكامل :-)
هى الجين مش مقصود انها تكون شبابيه فقط و لكن هى انتشرت بين الشباب اكثر و ده مايمنعش ان فى ناس كبيره راكبينها بس ده بييرجع ان هى فيها كل حاجه الشاب ممكن يحتاجها من قوة و جمال و .. و .. .. فعشان كده هى منتشرة للشباب و كمان فى البيرسونا دى هى هى الجين بس تنفع اكتر للناس الكبيره شويه عشان سيدان ..:B4_048:
بصراحة مش بحب العربية دى ..
ولكن هى مناسبة جدا جدا لسعرها وامكانيتها ...
صاحبي اشتراها من قيمة 4 اشهر وندم انه اشتراها وباعها , جاب Mazda 3 قسط احسن ...
لان والده لما نزل من قطر وركب الجين تو دى خلاه نزل تانى يوم باعها ...
انا مش بقلل من قيمة الجين تو على فكرة ولكنها ليست الافضل ...
معلش ممكن تسال صحبك هو ايه ال معجبهوش في الجين 2اقتباس:
المشاركة الأصلية كتبت بواسطة Terrible_DaRsH
ممكن تسألي صحبك في امكــانية ان لما والدة ينزل من قطر تاني يتبنااااااني :049:اقتباس:
المشاركة الأصلية كتبت بواسطة Terrible_DaRsH
بضحك معاك يا لورد بس تظل اذوتق و راحة نفسية ... و لك كل التقدير
[QUOTE=elmadawy;534456]معلش ممكن تسال صحبك هو ايه ال معجبهوش في الجين 2
+1000000000000000000
ياريت نعرف ؟؟؟مش ممكن يكون قلق علية منها :11:
ربنا يوفق
ده انا اخر مرة وانا بعمل صيانة لقيت واحد بجلابية وصعيدي وبيعمل صيانة لجين2 برتقالي ....يبقي عايزين ايه بقي
يا سيدى انا بحكى موقف شفته ولما اشوف الواد هساله بس مش هقول ليه :36_6_3[1]:اقتباس:
المشاركة الأصلية كتبت بواسطة mazagnge
العربية دى منتشرة هنا فى المنتدى مش عايزين مشاكل ..:O_stupid[1]::Ka_che1[1]:
العربية شكلها رياضي ..... قوي .... بس أنا بشوف ناس كبيرة في السن راكبها و بشوف ستات كبيرة في السن راكبها برضه
طيب ما الجولف شكلها رياضي و هاتش باك قوي و برضه بشوف ناس كبيرة في السن راكبها
و فيه عربيات كتيرة شكلها بيبقى رياضي و بشوف ناس كبيرة في السن ركابها زي البونتو مثلا أو الجراند بونتو
أحنا في مصر اللي معقدين شوية بس ....
بالنسبة لمداخلة الأستاذ تيربل ( فظيع و شنيع ) :k10: دي ترجمة بس للكلمة يا باشا و مقصدش بيها حاجة ..... بنهزر يعني
عادي جدا أن واحد يشتري عربية و يرجع بعد شهر يبيعها
هو شاف أنها مش مناسبة له ..... أيه المشكلة
ياما ناس تشتري عربيات من ماركات ياباني و أوروبي و بعد ما يتشري يكتشف أنها مش مناسبة له
هل ده معناه ان العربية وحشة ؟؟؟
طبعا لاءة
معناه ان اللي باع العربية مش معجب بيها
الكلام يتعمم لما يكون كل اللي أشترى ندمان و مش طايقها
يعني نتكلم مثلا في نسة لا تقل عن 95 %
إنما تجبلي حالة فردية ......... لا يمثل أي شئ عن السيارة ده رأي شخص واحد فقط لا غير
و أدام الرأي منافي لرأي الأغلبية ..... يبقى رأيه لا يؤخذ به
و طبعا أنا بتكلم عمومي حتى لو أنا اللي كنت مكانة و أشتريت عربية مثلا و طلعت معجبتنيش
في الحالة دي و لو كان أغلب الملاك معجبين بنفس العربية اللي معجبتنيش
يبقى أنا رأيي و لا حاجة أدام رأيهم
يعني أنا بقيت واحد قصاد كتير .... يبقى أكيد مش أنا اللي صح
هي بس ممكن أون كنت مستني حاجة منها و ملقيتهاش ....فيها .....و في الحالة دي يبقى العيب مش عند حد خالص
يبقى العيب في أختيار من الأول أن انا منقحتش أختياراتي كويس قبل ما أشتري و ادفع فلوس
بس اولا واخيرا انا مش بقلل من العربية دى يا سيدى وقلت فى المشاركة الاولى كده ...اقتباس:
المشاركة الأصلية كتبت بواسطة tutankhamoun
والله عربية محترمة وكل حاجة ...
بس ميزة العربية دى انها ( امكانيات وقوة مقابل سعر) بمعنى ان العربية دى لو كانت اغلى شوبة محدش كان اشتراها ولو ارخص كانت الناس كلها اشترتها ..وربنا يبارك لك فى الجنجن بتاعتك:k10: .. .
اقتباس:
المشاركة الأصلية كتبت بواسطة Terrible_DaRsH
بُص يا باشا العربية دي فعلا لو أغلى من كدا مكنش حد هايشتريها
مش علشان هي ما تستاهلش
لاءة علشان عليها علامة بروتون اللي محدش في مصر يعرف عنها حاجة
العربية دي لو إنتاج مصنع مشهور بالأداء ده مع وجود تقفيل أحسن من كدا و كمان أغلى من كدا
كانت باعت بالهبل بالهبل ...لأن علشان تعرف العربية لازم تركبها
أنا ركبت عربيات كتيرة و منهم على سبيل المثال أوبل فكترا
و أقدر أقولك .............بدون مبالغة و الله
العربية في الأداء و الثبات .......... زيها زي العربيات الغالية عنها زي الأوبل فكترا مع أختلاف أن موتور الأوبل أنعم من موتور الجين 2 و قاعدة الصالون أحسن من قاعدة صالون الجين 2
إنما في الثبات و الأتزان على الطريق و قوة صاج مع وجود الكم الهائل من الكماليات
العربية دي بجد ينقصها حاجة واحد فقط
جودة تقفيل أحسن من كدا و خي تكتسح بجد لأن 100 % من الشكوى من العربية في التقفيل فقط ....... و محدش أشتكى من موتور أو من عفشة
حاجة كمان أحب أقولها
العربية نازل منها الفاس ليفت 127 حصان برة مصر ( ممكن ينزلمصر السنة اللي جاية )
و دي لما تنزل ....... هاتقطع السوق لو نزلت بسعر منافس
لأن جودة التقفيل فيها أحسن من الجين 2 الحالي و كمان موتور 127 حصان هاتنزل تنافس عربيات جامدة مع إمكانياتها ..........
أنا عايزك تركبها و تجرب و تقولي ايه رأيك
و محدش قال أنها الأفضل
أحنا بنقول هي أفضل صفقة ........ قيمة مقابل سعر مقابل أداء = روعة
مع الاعتراف بوجود بعض عيوب التقفيل عند بعض الناس مش كل الناس
هي دي قصة الجين 2
عايز كمان أقولك إن فيه عربيات في السوق أقل منها بكتير ......و بتتباع أغلى منها و بإمكانيات أقل و مع ذلك بتتباع و الناس متهافتة عليها
ليه ؟؟؟
علشان عليها أسم ماركة مضمون ........ مع أن العربية يجب أنها تقل على الأقل 10 إلى 15 ألف ..... بس بقى الأسم له السحر
كلامي ده يا جماعة مش معناه أن الجين 2 أحسن من كل العربيات اللي في السوق
أنا بكرر تاني الجين 2 كصفقة .......... صفقة ممتازة
سيارة حلوة جدا + ثبات عالي + أداء محترم + اعتمادية - جودة تقفيل + سعر ممتاز = الجين 2
و مش معنى كلامي أنها أحسن حاجة في السوق كسيارة و بكرر تاني
هي أحسن كصفقة
إنما كسيارة يمكن مقارنتها بسيارات كتير و ممكن السيارات التانية تكسب مبس لازم تكون حاجة عالية في الفئة علشان نقدر نقارن و أنا شايف مثلا أن أحسن حاجة في الفئة الحجمية ( و ليس السعر فقط ) مع السعر في المستوى ده هم
الجين 2 و الواجا و البيرسونا والنيسان صني و الكيا سيراتو
عربيات محترمة جدا و في فئة حجمية أغلى من اللي هما فيها ........... و بسعر منافس جدا
يعني مثلا النيسان صني و السيراتو و الواجا في فئة السيارت الكورولا و السيفيك و الحاجات دي
و لكن أنظر إلى فارق السعر ..... و لا يوجد فارق كبير في الجودة أو الأداء
نيسان صني 118 حصان و موتور محترم جدا و سيراتو 124 حصان و تقفيل رائع و السعر منافس للسيارتين
و معاهم بروتون بس أنا شرحت على السيارتين دول علشان الناس متفهمنيش غلط و تفتكر إن أنا منحاز لبروتون بس
أنا بنحاز لأي عربية منافسة في امكانيتها و سعرها و جودتها
و هذا ليس تقليل من السيارات الأغلى
أنا عارف ليه العربيات اللي أنا ذكرتها أغلى من العربيات اللي قارنت بينها
علشان فارق العملة الكبير و فارق أسعار العمالة في الدول المنتجة للسيارة و فارق أسعار الضرائب في الدول المنتجة عن بعض
يعني فيه فارق بين أسعار عملة كوريا و ماليزيا عن اليابان و فارق في أسعار الضرائب و فارق في أسعار العمالة العالي في اليابان مما يرفع السعر بالاضافة إلى جشع الوكلاء المحليين لما عربياتهم يكون عليها إقبال
و هذا رأيي و ضحته مرة تانية بتفاصيل أكتر علشان الناس متفهمنيش غلط
اكيد جين 2 تنفع للكبار برضو
اللي يأكد كامي شفت رجل سنه حوالي 45 ل 50 سنة راكب هيونداي كوبيه (مبهزرش)
يبقى اكيد الجين 2 تنفع للكل بس الشباب هيعجبوا بيها اكتر
طب يا استاذ توت اثبت كلامك ده واعمل موضوع مقارنة فى الفئات السعرية والامكانيات للسيارة دى ...
وحط معاها السيارات الاغلى قليلا والارخص قليلا ونشوف مين الاحسن والافضل ...
اجمع معلومات عن باقى السيارات وحطهم كلهم فى موضوع واحد ...
وصدقنى والله اتمنى تفوز الجين تفوز خصوصا على الفيرنا ...
ولازم انت اللى تعمله لانك من مالكى السيارة ...
والد واحد اعرفه عندنا فى الجامعة جه ياخده يوم من الجامعة لاقيناه راكب كوبيه برده بس متظبطه جامد اوى فاستغربنا جداااا..(55سنة) تقريبا ..اقتباس:
المشاركة الأصلية كتبت بواسطة MoDyBeNz2008
كانت المفاجاة بقي انه عامل الابواب لامبو .... FLY ..
روح الشباب بتبقى موجودة عند الناس دى وشيء عادى جدا والله لما يتكرر كتير ...
اقتباس:
المشاركة الأصلية كتبت بواسطة Terrible_DaRsH
يا باشا أنت مفهمتنيش
ايه اللي جاب الفيرنا في النص .... هي علشان بتطلع من الجين 2 ؟؟؟
و بتطلع برضه من عربيات تانية كتيرة زي الأوكتافيا مثلا
طيب ليه
علشان العربية فيها موتور حلو و قوته متقاربه مع أغلب العربيات 1600
بس وزنها أقل من أغلب العربيات على الأقل 100 كجم أو أكتر قليلا
و ده بيديها قوة دفع رهيبة علشان وزن خفيف ..... و أنا مش هاتكلم عن الثبات و الكلام ده
-----------------------------------------
عايز تقارن أنا تحت أمرك
لو نفرض مثلا أن الجين 2 نزلت مصر بتقفيل أحسن من كدا و متساوي مع سيارات أحسن منها في التقفيل و لا يوجد أدني مشكلة و بالسعر ده
طيب مين العربيات اللي في فئة الجين2 الحجمية اللي ممكن نقارنها بيهم
هي السيارت السيدان الصغيرة compact sedan
مثل المازدا 3 مثلا مع وجود فارق في الحجم لصالح المازدا 3
و لكن في النهاية بيتم تصنيف على أساس الحجم ده
طيب تعالى نقارن
موتور ...... متقارب قوي 110 للجين و 105 حصان للمازدا
الثبات و الأتزان ....... متساويين و طبعا ثبات رهيب
نقطة تفوق المازدا هي التقفيل الرائع و خامات الصالون الممتازة
الكماليات مش نقطة مقارنة قوي غير لما بنتكلم عن السعر
ده طبعا غير الحالة النفسية لما واحد يكون راكب ماركة مشهورة قوي و ده بتفرق عند الناس اللي موضوع الماركة بيفرق معاهم قوي
ده رأيي مثلا لو قارنه الجين 2 بالمازدا 3
--------------------------------
ممكن نبص على ماركة تانية في نفس الفئة الحجمية
نيجي للانسر الشكل القديم اللي هو بيسموه البوما تقريبا
الموتور مواصفات مصر 104 حصان و مواصفات الخليج 120 حصان و الجين 2 موتورها 110 حصان ..... يعني فيه فرق بس مش رهيب لصالح أو على الجين 2 حسب مواصفات اللانسر
الثبات و الأتزان أعتقد أن أغلب الناس متفقة أن الجين 2 أكثر ثباتا من اللانسر
الأهم نقطة الضعف الدائمة في الجين 2 بمقارنتها بعربيات أغلى منها
جودة التقفيل و خامات الصالون .....أنا شايف أن خامات اللانسر الداخلية مصنوعة من الجلد الرائع و التقفيل جميل
في النهاية فرق السعر أنا شايف أن ما يستاهلش
و ده رأي شخصي
أما بالنسبة للصني فهي أكبر من الجين 2 و تتقارن بالكورولا و السيفيك و مفيش فرق بينهم غير أن الصني تجميع محلي و ده بيبين فرق السعر ما بينهم
يعني الصني لو نازلة ياباني كاملة ..... كانت هاتبقى في فئة سعرية تانية
و مع ذلك أن شايف ان الصني المصري ممتازة و ما هي إلا مشكلة نفسية خوفا من التقفيل المصري
بس لو فيه أي عربيات تانية حضرتك عايزني أقارن بينهم و ما بين الجين 2 أنا تحت أمرك
في الأخر أنا أيه اللي خلاني أقول أن الجين 2 فئة محترمة
موتور محترم و إن كان فيه منافسين عندهم مواتير محترمة برضه و فيهم الأفضل من موتور الجين 2
ثبات رهيب رهيب بمعنى الكلمة و إتزان رائع لا تجده إلا في السيارات الغالية السعر
طبعا كماليات كتيرة و محترمة
صاج قوي و محمل ..... مش علشان يستحمل في الحوادث علشان في الحوادث كله زي بعضه و لو أن الحوادث الخفيفة بيستحمل معاك فيها
بس هو صاج قوي علشان يستحمل معاك شوارع البلد اللي أحنا عايشين فيها و مش من أي لمسة يطبق
طبعا النقطة السلبية في المقارنة فقط
هي ان خامات الصالون أقل من العربيات الغالية اللي في فئتها الحجمية
و برضه مشكلة جودة التقفيل اللي ناس كتير بتشتكي منها
إنما الجين 2 كعربية و ركوبة ........ فعلا محترمة و باين قوي تأثير لوتس الرياضي في العربية من ناحية الثبات و الاتزان و المناورات
افهم من كلامك ان المشكلة فى التقفيل والصالون ...
يبقي ده سبب المشكلة الحقيقية فى انها تكون سيارة شباب فقط ..ليه ؟
لان الناس الكبيرة بيهمها الصالون والراحه الداخلية والتقفيل اكثر من القوة والتحمل والامكانيات ...
وهطلب طلب يمكن يكون غريب شوية ...وهو مقارنة بينها وبين (سيراتو ونيو اكسنت ) و سيبك من الاسعار ...
اقتباس:
المشاركة الأصلية كتبت بواسطة Terrible_DaRsH
موتور السيراتو أقوى
ثبات السيراتو الناس بتشكر فيه
فتيس السيراتو الأوتوماتيك تكنولوجيا أحدث ستيبترونيك على ما أعتقد
يبقى مفيش فروق كبيرة غير في الكماليات و الشكل لصالح الجين 2 مع الفتيس الأوتو لصالح السيراتو و السعر المحترم للعربيتين
( بس أنا شديت مع سيراتو قبل كدا و مكنش فيه فرق يذكر في قوة الموتور )
النيو أكسنت ...... عربية حلوة و تسارعها حلو و تقفيلها من جوه زي الجين 2 و برضه خاماتها الداخلية عادية زي الجين 2
و أنا ماسوقتهاش بصراحة بس واحد صاحبي معاه جين 2 ركبها و شكر فيها جدا جدا فسألته لو رجع بيك الزمن تشتري الأكسنت و لا الجين 2
قالي الجين 2 ركوبة تانية خالص و متتقارنس بالأكسنت
مع أن الراجل ده عنده مشاكل في تقفيل الجين 2
و مع ذلك .......... رأيه كان مع الجين 2
يمكن علشان الاتزان و الثبات و سهولة التحكم في العربية
لأن أنا شايف ان المواتير ال 1600 متقاربة من بعض
و ربنا يوفق و يبارك لكل واحد في عربيته و يحفظهاله من الطريق و من سواقين الميكروباص
انا كل الي بشوفهم راكبين العربية كبار في السن انا اتعقدت
انا بشكر جميع الاعضاء على ارائهم والاستفادة الكبيرة من خبراتهم وبالذات من مالكى الجين.............. ولكن انا شايف ان الموضوع اطرف شوية لحاجات تانية
زى الخامات والمقارنة بغيرها
............................ مع تكرار شكرى:k10:
يا باشا سيبك من برة احنا بنتكلم على جوا (مصر)....... وفين الرد الى على نفسى(الشكل اذواق) طيب وبالنسبة للامكانيات والكمالياتاقتباس:
المشاركة الأصلية كتبت بواسطة fadynabil
.... وشكرا على مشركتك
انا مفتكرش ان اى حد اشترى الجين2 ويندم عليها.........اقتباس:
المشاركة الأصلية كتبت بواسطة Terrible_DaRsH
اقتباس:
المشاركة الأصلية كتبت بواسطة sherif2010
لية؟
مش للدرجة دى.......زى اى عربية ممكن تعحب وممكن ماتعجبش
بس انا الصراحة معجب بشكلها وثباتها
وعلى فكرة االى بيحط حاجة فى دماغة بيصمم عليها بيشوفها احلى حاجة
وهذا لايقلل من الجين خالص
بالعكس نفسى امتلكها
الgen2 سعرها منخفض عشان حاجه واحده بس
انها واخده اعفاء ضربي كامل في ماليزيا عشان دي اول عربيه ماليزيه الصنع و اول ما نزلت كانت مستحوذه علي اكتر من 60% من السوق الماليزي
فالحكومه اديتها اعفاء ضريبي عشان تشجع المنافسه و خصوصا انها ماركه تعتبر جديده علي السوق و محتاجه حاجه تميزها
و ممكن تراجعو wikipedia اكتب بروتون و شوف قصه حياتها
لكن لو نزلت بضرائب زي اي عربيه تانيه فكانت حتنزل بسعر الياباني عشان امكانيتها رهيبه
كفايه انها تبع لوتس و ميتسوبيشي
و احنا مالنا بالاعفاء الضريبى بتاعها فى ماليزيا احنا هنا فى مصر و العربيه بيتدفع عليها ضرايب زى أى عربيه 1600
اه و كمان لوتس هيا اللى تبع بروتون
مع احترامي الشديد لرأيك، اختلف معك و بشدة و بوضوح حول نقطة إن الصاج قوي و محمل!!!اقتباس:
المشاركة الأصلية كتبت بواسطة tutankhamoun
و انا بشوف العربية في معرض في المنصورة، فتحت غطاء الكابوت، و لما جيت أقفله، طبعا الواحد بيضغط على صاج الكابوت من قدام عشان يقفل، انا حسيت إن إيدي هتعدي الناحية التانية و الصاج بيلب من تحت ايدي و خوفت احسن اطبقلهم الكابوت و انا بقفلع، فناديت على البنت اللي في المعرض، راحت رفعى باب الكابوت لفوق و سابته ينزل هبد عشان يقفل.
انا موش شايف ان دي مشكلة، فبراعة صنع عربية رخيصة بتكمن اساسا او بشكل كبير في إمكانية انتاج و تشغيل صاج ارق توفيرا للنفقات، و لكني اعتقدت انه المفروض حتة حساسة زي دي من الصاج ( مقدمة غطاء الكابوت ) اللي بنضغط عليها دايما عشان نقفله و اللي الشباب الروش بيقعد عليه في الشارع، لازم كان يبقى مدعوم اكثر من كدة و لو بخوصة حديد صغيرة او بطانة.
انا شايف انها شبابية جدا
انا مكنتش متخيل ان النوضوع شد اوي كده وبقى في مقارنات جامدة, بس بجد يا استاذ توت معلومات قيمة جدا, وطلب بسيط بس ان المقارنات اللي حضرتك كتبتها تعملها في موضوع منفصل, علشان دي نفس المقارنات اللي كانت محيراني واكيد هتكون محيرة ناس كتيرة بتفكر في الشراء.
وبالنسبة للعربية هي شبابية اكتر, اغلب الكبار في السن بيفضلوا وبيقتنعوا اكتر بأي عربية سيدان, وفعلا بهتموا اوي بالخامات وجودة التقفيل.
الأخ amirrk يقصد إعفاءات ضريبية على عملية تصنيعها و تصنيع مكوناتها في ماليزيا.اقتباس:
المشاركة الأصلية كتبت بواسطة madooo