الموضوع: استفسار تأميني

لو الخدوش بسيطة مفيش مشاكل بس لو كتير وظاهرة يبقة تعملها قبل التأمين هيه والفانوس
عشان الشركة بتعمل معاينة قبل التأمين ولو المعاين كتب الخدوش والفانوس في تقرير المعاينة الشركة حتأمنلك عادي خالص بس لو لاقدر الله عملت حادثة حيستبعدولك الحاجات المذكورة في تقرير المعاينة من التعويض
ده اول هام بالنسبة بقا للشركة اللي تأمن عندها احب اقولك متدورش علي ارخص سعر عند مين وتأمن عنده لأن ده حيأثر عليك في مبلغ التعويض لا قدر الله لو عملت حادث ورأيي الشخصي انك تأمن في شركة مصر للتأمين وده عشان مبدئيا هيه اكبر شركة تأمين موجودة وامكانيتها المالية تخليها تقدر تدفع تعويضات بشكل معقول ده غير انها مملوكة للدولة يعني مش حيتنصب عليك فيها ومش حيقولك الشركة قفلت او مفيهاش فلوس تدفع تعويضات
تالت هام بقا مبلغ قسط التأمين اللي انته بتدفعه بيتحسب ازاي (اقولك انا )
احسب عربيتك تساوي كام النهاردة في السوق وبعضين اضرب المبلغ ده في ٤,٥ % يطلعلك تقريبا قيمة القسط السنوي اللي حتدفعه شامل الرسوم الادارية
رابع هام ودي عايز كل حد مبتدأ في التأمين ياخد باله منها كويس لو اي شركة عرضت عليك تقللك مبلغ القسط نظير حاجة اسمها (تحمل) متوافقش لأن ده حيأثر عليك في كل تعويض حتصرفة وحيبقة مصيبة لو العربية لا قدر الله حصلها تلف نهائي (total lose) لأنك تلاقي نفسك تقريبا مش واخد حاجة من التعويض
خامس هام في حالة انك طلعت برنس ومعملتش ولا حادثة في السنة اللي انته كنت مأمن فيها علي عربيتك (مع ان ده شبه مستحيل في مصر )
السنة اللي بعدها وانته بتجدد التأمين حيتعملك خصم اسمه (خصم عدم مطالبة) وبيزيد الخصم ده كل سنة عن اللي قبلها (ده في حالة انك فركيكو ومبتعملش حوادث كل سنة ) بس مع اول حادثة تعملها وتبلغ بيها الشركة ترجع بقا من الاول خالص من غير خصومات
اتمني اني اكون قدرت افيدك بمعلومة - وشكرا-

تسلم يا كبير .. انت كدة وصلتلي كل اللي كنت محتاج اعرفه ... الف شكر ليك