ولسة يابلد ؟

**ibrahimsaad** · 03-12-2008 07:48 PM

المشكله ان الشعب المصرى واخد على الكوسه وواخد على ان الناس طبقات وهو ده اللى مخلى فيه مشكله

يعنى لو بص للحروف على انها مجرد حروف هتكون العمليه طبيعيه جدا لان دى حروف منفرده وليس لها دلاله

ولكن المشكله فى انه بيجمع الحروف لتعطى معنى وطبعا اصحاب الكوسه سوف يكون لهم نصيب الاسد من اختيار حروف معينه لتدل على انهم من الكبار

المشكله فينا نحن مش فى اللوحات

المشكله اننا مش عايزين نتغير وكل اللى على لسانا انت مش عارف انا مين وابن مين واقدر اعمل فيك ايه

للاسف طول مافيه كوسه فى البلد مش هينصلح حالها

**shankosi** · 03-12-2008 07:52 PM

لو الواحد اضطر يكسر البرشام المربوط بيه النمرة يرجعه تاني ازاي؟؟؟؟

**د.محمود صلاح** · 03-12-2008 08:03 PM

مستحيييل استلمها على عربيتى ولو عملت 1000 خناقة

**MoToRiZeR** · 03-12-2008 08:18 PM

انا شايف دي الكلمة الوحيدة اللي تليق تحت كلمة "مصر" في الوقت الحالي و مستعد اعلقها علي عربيتي إعتراضاَ علي الوضع الحالي .. دي أكبر دليل علي ما نعيش فيه ، عشان أبقي قايل "شايفييين !!!؟؟" لكل اللي ماشيين في الشارع .. أدي أخر شغل البصمجية .

**Ahmed Selim** · 03-12-2008 08:27 PM

المشاركة الأصلية كتبت بواسطة shankosi

لو الواحد اضطر يكسر البرشام المربوط بيه النمرة يرجعه تاني ازاي؟؟؟؟

حصلت مع واحد صاحبى.........واحد ريح على الأكصدام بتاعه كسرهمله....

راح المرور مرضوش يدولو بدالهم وقالوله روح المرور المركزى باين وهما يدوهالك.
راح هناك قابل واحد لواء كبارة كده الراجل قاله مفيش مشكلة...اكتبلى طلب بس
كتب الطلب واللواء وقع عليه وقاله أرجعلهم هيدوهملك.....وقد كان.

حسبى الله ونعم الوكيل.........كل ده عشان طبتين بلاستيك؟؟؟؟؟؟؟؟؟

بكره ينزل منهم صينى ويتباع على الأرصفة.

**Jato.33** · 03-12-2008 08:44 PM

نمرة جامدة جداً

**Jato.33** · 03-12-2008 08:46 PM

المشاركة الأصلية كتبت بواسطة MoToRiZeR

انا شايف دي الكلمة الوحيدة اللي تليق تحت كلمة "مصر" في الوقت الحالي و مستعد اعلقها علي عربيتي إعتراضاَ علي الوضع الحالي .. دي أكبر دليل علي ما نعيش فيه ، عشان أبقي قايل "شايفييين !!!؟؟" لكل اللي ماشيين في الشارع .. أدي أخر شغل البصمجية .

شوفتها على الميل من يومين بس إنكسفت أحطها هنا
أحلى نمرة شوفتها في حياتي
تحيا مصر