سؤال لذوي الخبره في فتيس بومه 2012

**alfa2000** · 14-11-2016 08:56 PM

السلام عليكم
عربيتي لانسر بومه 2012 فتيس ستبترونك
العربيه ما شاء الله في السحب والسلانسيه وكل حاجه تمام باستثناء شي واحد
العربيه بتنقل غيارات بسرعه ، بمعني ان العربيه بتنقل من التالت للرابع علي سرعه 45 كلم في الساعه ، وده في السواقه العاديه و عداد rpm لا يتجاوز 1500 لما العربيه بتنقل غيارات
طبعا كلنا عارف يعني ايه الغيار يجي قبل السرعه المناسبه
اللي انا عاوز اعمله اني ااخر الغيار لحد ما العربيه توصل السرعه المناسبه للغيار او بمعني اخر انا عاوز العربيه تنقل غيار لما rpm يوصل 2500 مثلا

هل في طريقه لمعايره الفتيس حسب السرعه ، هل محتاجه جهاز ضبط ، مين ممكن يضبطه

انا روحت التوكيل اللي في جسر السويس قالولي الجهاز اللي عندهم يشوف هل الفتيس شغال صح او لا ، لا يقدر يبرمج او يعمل اعاده معايره

كان معايا عربيه نوع تاني وكان فيها نفس المشكله ، بس اتحلت في التوكيل بعد ما قلتلهم ان الغيار الرابع بيجي علي 40

انا من باب التاكد غيرت زيت الفتيس وعملت ليه فلاش وما زالت المشكله موجوده

برجاء الافاده

واتمني لو حد يدلني علي مركز صيانه متخصص لانسر اتعامل معاه ويكون فاهم وخبره ومتجرب

**alfa2000** · 16-11-2016 02:23 PM

ف انتظار مشاركاتكم

**amr011111** · 16-11-2016 02:51 PM

متابع
بس هل حضرتك بتعرف انها غيرت عالرابع يعنى بتبقى ماشى ومثبت رجلك على البنزين وتلاقى الار بى ام وطى وبعدين على لحد ما وصل للرابع

**tasaka** · 16-11-2016 03:41 PM

لو انت دايس دوسه ثابته خفيفه جدا من بدايه الحركه ( يعنى من الاول ) .. و العربيه بتنقل على ار بى ام 1500 مثلا بدأ من السرعه الاولى .. يبقى ممكن جدا انها تجيب الرابع على 45 .. طبيعى جدا جدا

لو دوسه ثابته اشد شويه و العربيه بدأت من الصفر و كانت بتنقل على 2000 مثلا .. حتلاقى الرابع اصبح ينقل على سرعه اعلى يعنى ممكن 60 مثلا

**alfa2000** · 17-11-2016 01:08 PM

تحيه لكل الساده الأفاضل اللي شرفوني بالرد

اللي انا باعمله بالضبط هو اني بدوس على دواسه البنزين بالتدريج يعني باعمل تسارع للعربيه وباشوف RPM بيعلا شويه وبعدين ينزل مع الغيار و ده الطبيعي ، الفكره ان النقلات بتيجي بسرعه يعني التالث بيجي على 30 كلم ساعه ، والرابع على 45 كلم ساعه ، لو ضغط الدواسه اكتر( يعني 2500 rpm ) الغيار بيتاخر شويه وده طبيعي ومعروف
انا كلامي كلع على الضغط على دواسه البنزين بالتدريج بهدف تسارع العربيه ، مش كيك داون ، لو العربيه غيرت على سرعه قليله احنا بنفقد جزء من العزم او باور العربيه تضطر تعوضع بدوسه بنزين زياده ( استهلاك بنزين )

انا بحثت في الموضوع شويه لاقيت ان ممكن يكون العيب في سنسور TPS وهو عباره عن مقاومه متغيره ، ممكن يكون بيدي قرايات ومش بيطلع حاجه لما العربيه يتكشف عليها بالجهاز بس القراءات مش دقيقه

اتمنى اسمع رأيكم

**tasaka** · 17-11-2016 01:41 PM

المشاركة الأصلية كتبت بواسطة alfa2000

تحيه لكل الساده الأفاضل اللي شرفوني بالرد

اللي انا باعمله بالضبط هو اني بدوس على دواسه البنزين بالتدريج يعني باعمل تسارع للعربيه وباشوف rpm بيعلا شويه وبعدين ينزل مع الغيار و ده الطبيعي ، الفكره ان النقلات بتيجي بسرعه يعني التالث بيجي على 30 كلم ساعه ، والرابع على 45 كلم ساعه ، لو ضغط الدواسه اكتر( يعني 2500 rpm ) الغيار بيتاخر شويه وده طبيعي ومعروف
انا كلامي كلع على الضغط على دواسه البنزين بالتدريج بهدف تسارع العربيه ، مش كيك داون ، لو العربيه غيرت على سرعه قليله احنا بنفقد جزء من العزم او باور العربيه تضطر تعوضع بدوسه بنزين زياده ( استهلاك بنزين )

انا بحثت في الموضوع شويه لاقيت ان ممكن يكون العيب في سنسور tps وهو عباره عن مقاومه متغيره ، ممكن يكون بيدي قرايات ومش بيطلع حاجه لما العربيه يتكشف عليها بالجهاز بس القراءات مش دقيقه

اتمنى اسمع رأيكم

بص .. انا معايا اسبرانزا 620 .. موتور ميتسوبيشى جالنت و فتيس ستيبترونيك 4 نقلات

لو كنت ماشى هادى اوى يعنى ار بى ام 1500 مثلا من الطلعه .. العربيه عندى بتنقل على نفس السرعات اللى انت كاتبها تقريبا سواء للثالث او الرابع

كل ما كانت الدوسه بتاعتك خفيفه و التدريج لدواسه البنزين بطيئ .. حتلاقى النقل كده فى حدود 1500

عايز نقل على ار بى ام 2000 .. يبقى لازم رجلك تكون اتقل سنه على البنزين .. و بتدريج اسرع قليلا

يعنى نصيحه بلاش تلعب فى ال TPS او تعمل Remapping للعربيه

ملحوظه انا عربيتى شبه زيرو .. يعنى ده الطبيعى بتاع الفتيس

**alfa2000** · 17-11-2016 03:20 PM

اشكر لك مرورك ومشاركتك
اتمنى تصححلي التالي ، لو انت بعربيتك طالع مثلا مطلع زي المقطم مثلا ومش بتجري ، العربيه في اول المطلع هاتاخد الرابع علاطول وعلى سرعه منخفضه ، لو حبيت تجري شويه ودوست على دواسه البنزين هاتلاقي العربيه مش متجاوبه معاك لو زودت على دواسه البنزين rpm هايرتفع والعربيه هاتسقط غيار و هاتجيب التالت

هل ده فعلا بيحصل معاك ؟

اتمنى لو في رابط بيتكلم عن mapping الفتيس مع السرعات اتمنى تشيره هنا للأستفاده

**tasaka** · 17-11-2016 05:17 PM

المشاركة الأصلية كتبت بواسطة alfa2000

اشكر لك مرورك ومشاركتك
اتمنى تصححلي التالي ، لو انت بعربيتك طالع مثلا مطلع زي المقطم مثلا ومش بتجري ، العربيه في اول المطلع هاتاخد الرابع علاطول وعلى سرعه منخفضه ، لو حبيت تجري شويه ودوست على دواسه البنزين هاتلاقي العربيه مش متجاوبه معاك لو زودت على دواسه البنزين rpm هايرتفع والعربيه هاتسقط غيار و هاتجيب التالت

هل ده فعلا بيحصل معاك ؟

انا موش ساكن فى القاهره

بس مطلع زى المقطم .. و المفروض المطالع الجبليه زى دى ما تكونش على ال D

حتلاقى كتالوج اى عربيه اتوماتيك ليه تعليمات محدده للمطالع الجبليه القاسيه الطويله

عاده بتكون انك لا تتخطى سرعه 80 مثلا .. و السواقه ما تكونش على D .. عاده بيطلبوا تمشى على الثانى فى الاوتوماتيك العادى ( ممكن الثالث فى العربيه الاربعه غيار ) .. يعنى حتمشى ستيبترونيك على الثانى او الثالث حسب سرعتك

اتمنى لو في رابط بيتكلم عن mapping الفتيس مع السرعات اتمنى تشيره هنا للأستفاده

ال Remapping ده اعاده برمجه سوفتوير العربيه ECU بقيم معدله .. عاده بيكون للموتور .. و معرفش هل ده بيتعمل للفتيس ام لا ( اعتقد ممكن )

**tasaka** · 17-11-2016 05:23 PM

العربيه في اول المطلع هاتاخد الرابع علاطول وعلى سرعه منخفضه ، لو حبيت تجري شويه ودوست على دواسه البنزين هاتلاقي العربيه مش متجاوبه معاك لو زودت على دواسه البنزين rpm هايرتفع والعربيه هاتسقط غيار و هاتجيب التالت

حاجه طبيعيه فى اى اتوماتيك

**tasaka** · 17-11-2016 05:26 PM

للمطالع الجبليه القاسيه الطويله

المقصود هنا هو طريق صاعد بشده و لمسافه طويله عده كيلومترات

الموضوع: سؤال لذوي الخبره في فتيس بومه 2012

LinkBack

أدوات الموضوع

عرض

-

المواضيع المتشابهه

رينو كليو اتوماتيك (لذوي الخبره)

سؤال لذوي الخبره في الكاوتشات والجنوط وخاصة مالكي الافيو

تعديل وتركيب التكييف في جولف 1 لذوي الخبره أفيدوني أفادكم الله

لذوي الخبره الفاهمين اوي بيجو 205 ولا مازدا 323 مو 82

استفسار لذوي الخبره---سيينا

الكلمات الدلالية لهذا الموضوع

المفضلات

المفضلات

ضوابط المشاركة