السلام عليكم
مش هطول عليكم.. معايا تيمبرا بتاكل بنزين يعتبر 40 لتر يمشي العربيه 200 كيلو..
العربيه 1600 انجكشن
والمكنه عندي خفيفه سنه بسيطه
وروحت لمكانيكي غيرلي فلتر البنزين والبيجوهات وقالي جرب ومفيش حاجه حصلت..
ياريت حد يقولي ده من ايه.....
شكرا للاطاله عليكم.. في انتظار الرد
انت عايز قعده
العربيه كاربراتير ولا هاف انجكشن وطريقه سواقتك ومتوسط سرعتك وسفر ولا داخل البلد
انا الحمد لله وصلتها ل12 لتر ل120 كيلو طرق سريعه متوسط 100 كيلو السرعه
شكرا لاهتمامك
اولا هيا هاف انجكشن
بالنسبه لسواقتي الحمد لله متقلقش من رجلي
السواقه جوه البلد زي الطرق عمتا.. كده كده الاستهلاك واحد
انا نفسي اوصل المعدل ده بتاعك ده ماشاء الله.. ربنا يباركلك فيها
الشباب اصحاب التيمبرا فينكم؟؟؟
لا جوه البلد استهلاك وطرق سريعه استهلاك مختلف
فى بديهيات بتظبط الاستهلاك
تغيير فلتر الهوى ظبط ضغط العجل 32 سلوك البوجيهات القياده فى معدل 2500 الى3000 ار بى ام بهدوء بدون تحريق
بعد كده بتركب ترموستات الكوع وده بيظبط الحراره على الشعره وبيوفر كتير جدا(بس لازم تكون دوره التبريد زيرو ومتظبطه)
تسلم يا ياكبير للافاده
وجاري التجربه.