الموضوع: الناس اللى جربت الامجراند ايه رايكم فيها بصراحه والرد على الاتهامات الموجهه لها

كنت ناوى اشترى جيلى امجراند7 وفى اثناء البحث جالى رسائل ناس بتحزرنى منها لوجود عيوب فى الصناعه ومنها الرساله دى (اكتر عربية معروضة على olx مع انها موديل حديث يعنى 2013 و2014 و2015و2016 وكلها ماشية قليل وفبريكة بالكامل وصيانة توكيل كمان ...المهم مفيش حد سأل نفسه ليه هى معروضة كتير قوى وموديلات عالية دا اللى اشتراها ما لحقش يفرح بيها... صح؟ السبب ودا عن تجربة زى الزفت مع العربية دى يعنى انا اشتريتها موديل 2015 زيرو فى شهر 9 لما كان سعرها 92 الف وكنت بعمل صيانة فى التوكيل لما كان فى سموحة قبل ما يتنقل مرغم واللى راح هناك اكيد عارف المهندسة مونيكا وم . محمد لان مونيكا هى اللى كانت بستقبل العربيات هناك وكالعادة كل اللى بيتعمل فى التوكيل مجرد تزويد السوائل وتغير الزيت وادفع 500 او 600 جنيه والعربية تطلع زى ما هى مع انى وانا بسلمها للمهندسة مونيكا كنت بقدم عريضة شكاوى وخد عندك....1-فيه مياه بتدخل العربية من فوق البربيز الامامى
2-فيه برومة ظهرت تحت غطا التانكال
3-باب يمين امامى بيخبط لما تيجى تقفله وبيحك فى كاوتش الباب
4-برومة فوق شبكة العربية الامامية
5-فروق كبيرة بين الاكصدام الامامى والفوانيس
6- فروق فى الصاج بين الشنطة يعنى تعدى صوبعين
7-برومة بدأت تظهر فى العتب
8-صوت الماتور خشن جدا وبيزيد مع الوقت
9-العفشة ناشفة جدا وواطية من ورا قوى يعنى اقل مطب تحك
وغيره كتير من الاعطال والمشكل المهم بعد اللى انا شوفته بعت العربية قبل ما تكمل 6 شهور وعلشان كده بقدم نصيحة لكل واحد بيفكر )
فياريت اللى جرب العربيه لفتره يعرفنا من واقع تجربته هل الكلام ده حقيقى ولا ممكن تكون حاله فرديه

ودى رساله اخرى

تحب تغير ماشى لكن تبقى ظاهرة عامة لنفس العربية فى مصر كلها يبقى حاجة غير عادية ..تانى حاجة انا كنت باروح التوكيل باستمرار علشان المشاكل اللى فيها وكنت بقابل كتير من ملاك العربية وكنت بعيد عنك بأسمع بلاوى والله من كترها كنت بقول اللى يشوف بلاوى الناس تهون عليه بلوته وكنت بحمد ربنا وبعدين يا افندم انا ذكرت المحرك والله كان زفت تكفى لما تشغل التكيف وتسمعه وهو بيون وصوته يعلى والعربية تتخنق ولو انت شايف ان العيوب دى كلها كانت فى عربيتى بس يبقى غبور فاشل بالثلث لما تطلع من عنده عربية مشرحة ومع احترامى لسيادتك اتفرج على موديل 2013 من العربية دى عامل ازاى هتحس انها بقالها 20 سنة شقيانة وتكفى عفشتها اللى عمرى ما شفت انشف منها ولعلم حضرتك يا افندم قطع غيارها مش رخيصة وتحياتى ليك