السلام عليكم
انا جتلى الصورة دى على الايميل واول مرة اعرف ان شل هولندية
http://www.mlfk.net/download/11934936b76f6dfc5.jpg
عاوز اعرف رايكم فى الموضوع ده
عرض للطباعة
السلام عليكم
انا جتلى الصورة دى على الايميل واول مرة اعرف ان شل هولندية
http://www.mlfk.net/download/11934936b76f6dfc5.jpg
عاوز اعرف رايكم فى الموضوع ده
هى هولندا عملوا ايه
اتا سمعت عن الدنمارك اه ، هولندا لسه
بيقولوا رسومات برضوا
هولندا من ضمن الدول اللي اشتركت في موضوع الرسومات قبل كدة
والخبر الجديد هو الاتي
تعتزم هولندا بث فيلم كرتوني يسيئ للمسلمين في الأشهر القادمة بعرضه لقطات مشينة لزوجات النبي صلى الله عليه وسلم .
ويصنف الفيلم بأنه 'إباحي' ويصور زوجات النبي محمد - صلى عليه وسلم - في مشاهد فاضحة ومشينة .
ورغم اعتراض تجار هولنديين على قرار السماح بعرض الفيلم خوفاً من ردود افعال اعتراضية وعنيفة من المسلمين إلا ان نائباً في البرلمان اصر على رأيه في الموافقة على بث الفيلم المسيئ , ووصف الامر بأنه حرية اعلام وتعبير .
وهدد التجار بمقاضاة النائب في حال تعرضت تجارتهم للمقاطعة والتي بدأ المسلمون يلوحون بها كسلاح فعال ضد كل من يحاول المساس بمقدساتهم .
وبدأت علامات الغضب تدب سريعاً في الوقت الذي انتشرت دعوات للمقاطعة في البريد والمواقع الالكترونية ورسائل الجوال والتي تحض على مقاطعة كل منتج هولندي انقاماً للنبي صلى الله عليه وسلم ضد الهجمة المتواصلة في السنوات الاخيرة من قبل دول اوربية .
بلاها شل هو اللى خالقها مخلقش غيرها
لكل من يدعو للمقاطعة
اولا الناس دى ليس لها دين
مش بيسخروا من الاسلام علشان الاسلام انما يسخروا من كل الاديان
فى افلام اباحية كتير اوى بها رموز دينية مسيحية و موجودة فى كل حته
"ارجو الا يفهم احد انى معهم و لا مش هاممنى انهم يسبوا ديننا-معاذ الله"
ثانيا حكاية المقاطعه انا معاها كحد ادنى من التعبير عن الغضب
و لكن يجب ان يكون مدروس ليس هوجائى غوغائى و شوية و خلاص
اولا يجب ان تكون المقاطعه فى مقتل
يجب ان نربى البديل الذى يمكننا الاعتماد عليه
يعنى مثلا الدنمارك لما نقاطع مصنع جبنة و لا شركة maerskمثلا
ما هو مثلا لا ينفع ان اقاطع مثلا زيوت شل و استخدم بدلا منها زيوت الجمعية التعاونية للبترول
لنا فى حرب اكتوبر مثل
يعنى لما اتقطع البترول عنهم ضربوا اخماس فى اسداس
و لكن بعد ذلك عملوا كل حاجة تجعل من المستحيل ان نكررها ثانية للضغط عليهم
لكى نقاطع يجب ان نفكر مثلهم
بالبلدى كده
ماينفعش نقاطع و ايدينا فى بقهم
طيب بالمناسبة يارجالة هى موبيل ايه؟امريكانى؟
امريكا بتضرب وتعذب فى العرب بس لسه مبقتش بجحة وبتسىء للرسول مباشرة ( صلى الله عليه وسلم )
هحط شل و لو اسرائيلي...بصراحة افضل و اطول الزيوت عمرا على الأطلاق
بلا مقاطعة بلا دياولو...و هية كانت عملتلنا ايه المرة الأولانية؟
انا مش ضد المقاطعة ....ولا شايفها الحل
الحل اننا نكون اقوى من اننا مجرد (زبائن غاضبين) لشهر وللا اتنين
و قرار المقاطعة لازم يكون مؤلم و مؤقت يعني
نقاطع شهرين فقط بس تكون مقاطعة كاملة تقطع نفسهم
و مانطولش علشان يتعلموا الدرس
انما المقاطعة الطويلة الخفيفة بتخليهم يتعودوا عليها و يمونوا اشرس في الهجمة التالية (وده اللي حصل)
و علشان نقاطع لازم نوفر البديل عن المنتج الهولندي او الدانمركي بس و النبي مايكونش البديل فرنسي و لا الماني ماهم زيهم برضه و اللي تصاحبه النهاردة ما تضمنوش بكرة ...
البديل لازم يكون من عندنا احنا
و للأسف في ظل عدم وجود بديل قومي قوي .....و عدم وجود اقتصاد حيوي ...و غياب ثقل دولي
للأسف لن نستطيع ان نذود عن نبينا الكريم
لأننا خنا الأمانة
و رمينا الراية
يبقى نتلهي و نسكت و نتفرج على خيبتنا علشان نعرف اننا ضعاف و عايزين نقوى
انما الناس اللي بتهول و تقول المقاطعة عملت ايه و مين طلع و اعتذر و الرسام ايديه اتشلت و اتحرق بجاز
كل ده (مخدر) للهمة فقط و تحس انك لما ما اشتريتش نيدو امبارح بقيت شاطر و جامد و خلاص
كفاية بقى علشان بدأت اتعصب
ما احنا مقدمناش غير المقطعة كشعب لان الحكومات ودن من طين وودن من عجين ولو كل واحد قاطع مقاطعة
جادة الباقيين سواء فرنسى او المانى هيفكر الف مرة قبل ما يعمل حاجة زى دى و المشكلة فينا احنا كل واحد بيقاطع شهرين ويحسسك انه فتح
عكا وبالنسبة للمنتج الوطنى انسى يا عمرو
لو حد فينا أبوه اتشتم هيعمل ايه؟
دا بقى النبي صلى الله عليه و سلم يعني أحسن و أحب لينا من أهالينا كلهم المفروض و اقل حاجة نعملها اننا نقاطع
و يعنى توتال دى تبقى منين و اصلها ايه
فرنسى
لا اعتقد انها تفرق كتير
و على العموم بما اننا فى منتدى سيارات لى تساؤل
كل واحد فينا و الحمد لله يملك سيارة
لو كان مثلا هناك سيارة هولندية او دنماركية مثل تويوتا او بيجو
هل سوف تقاطعونها
بلاااااااااااااااااش دى
كام واحد معاه البروتون و يكون اشتراها لتدعيم دولة اسلامية و مقاطعة ما دون ذلك
"طبعا مع الاحتفاظ بحق الاستاذ توت الذى يتبنى تلك النظرية قلبا و قالبا و احييه على ان عندهه وجهة نظر يحافظ عليها"
طبعا لأ و ألف لأ
بس ما أعنيه و اريد ان أذكره ان المقاطعه تكون بأسلوب معين و ليست هوجاء لانها ستصبح جوفاء
يعنى لا تبقى مقاطعة شهر و لا اتنين و زى ما قال بعض الاخوة يحس انه فاتح عكا
من نقاطعه لن يهمه هذا لانه عارف انها مسألة وقت و راجعين له تانى و يمكن اكتر من الاول
او عارف انه ممكن يضحك علينا بكل سهولة
بدل ما يصدر حاجات مكتوب عليها اسم بلده مثلا يكتب اسم عام كألأتحاد الاوربى مثلا
لذا يجب ان تكون المقاطعه بأسلوب اخر
يجب ان يكون لديك بديل و بديل مضمون فى يدك و ليس فى يد اصدقائك
الملك فيصل رحمة الله "على ما اذكر" عندما اراد ان يزرع القمح بالمملكة اشاروا اليه ان تكلفة زراعته ستصل حوالى 3 اضعاف تكلفة استيراده
و لكنه ذكر انه عندما يكون بين يدك بيدك افضل "على ما اذكر ايضا"
موقف اخر
عندما منع البترول عن الغرب فى حرب 73 و زراره مسئول امريكى للتفاوض و اظهار العين الحمرا عندما يلزم
اشار الى الصحراء و الخيمة المنصوبة و قال تلك حياتنا من قبل و لن نمانع ان عدنا لها
\\\\\\\\\\\\\\\\\\\\\\\\\\\\\\\
غاندى لما قاطع المنسوجات البريطانية لم يقل قاطع انجلترا و اشترى من العرب"مع انهم كانوا اصدقاء له" او اشترى من الشرق
انما ما فعله هو غزل ملابسه بنفسه طبعا ما فعلة هو رمز
و المقصد عندما نقاطع نقاطع صح
نقاطع بطريقة مدروسة
ده اللي اقصده بالضبط
ما للاسف مفيش منتج محلى علشان نعتمد عليه