بعد تعويم الجنيه وارتفاع الدولار وغلاء الاسعار: سوق الهاي كوبي
إزيكم يا شباب :Y_hi_3[1]:
طبعاً إحنا داخلين على شتا واضح من الصيف اللي عدى علينا هنشوف عصر جليدي (ربنا يستر) :ask:
بعد تعويم الجنيه ونطة الدولار المجنونة، الواحد بقى يفكر الف مرة علشان يشتري لبس شتوي جديد الا لو الواحد ربنا كرمه بسفر برة مصر عرف يجيب لبسه معاه.
انا جربت الشراء اونلاين ولجل الحظ وكرم ربنا (الحمد لله) اشتريت قبل التعويم بأسبوعين بالسعر الرسمي والحاجة وصلت من كام يوم 7 قطع نفس الماركة صيفي على شتوي وسويتر كلهم سعرهم بالشحن والجمرك والذي منه ارخص ب1000 جنيه من سويتر جودة اقل من نفس الماركة في التوكيل بتاعهم في مصر!! (حسبنا الله ونعم الوكيل في الجشع)
طبعا التعويم تم وكنت ناوي اشتري احم احم شوز (حذاء) براند من برة وغالبا بوت او هاف بوت تمبرلاند او كات، لكن طبعا الموضوع اصبح ضرباً من دروب الخيال في الوقت دا، حتى التوكيلات هنا في مصر، دخلت توكيل ما بغض النظر عن اسمه وشوفت شوز كان وقتها ب1475، حطيته وببص على اللي جنبه لقيت البياع شال الشوز اللي لسة شايله وشال الاستيكر وهوب قام لازق السعر الجديد 1750 وانا واقف والشوز على الرف!
بسأله ايه دا قالي الإدارة لسة باعتة ميل قالت زود!! يعني البضاعة معروضة مش حتى ستوك وبتزيد اوتوماتيك! وبالطريقة دي بقى مستحيل الواحد يشتري حاجة من مصر او برة مصر
الفكرة بقى اني لفيت على كذا محل احذية في نطاق مدينة نصر ولقيت حاجات تقريبا نفس اللي شوفته في التوكيلات دي بس كوبي وبأسعار لحد 450 جنيه! بس الصراحة كخامات وتقفيل شئ مختلف تماما عن الأصلي (الغالي تمنه فيه)، ومع ذلك اعرف ان فيه منتجات مقلدة بجودة اكبر بيسموها فيرست هاي كوبي بس الغريبة اني مش لاقي الموضوع دا للاحذية الرجالي
حد يقدر يدلنا على محلات ومناطق الاقي فيها فيرست هاي كوبي من الاحذية البراند زي كات وتمبرلاند وكلاركس في القاهرة؟
آسف طولت عليكم :Zb_sor1[1]: