الموضوع: هو انا في بلد تانية و لا ايه

المشاركة الأصلية كتبت بواسطة shalabota

التاكسي الجديد لما تركبه ويكون المشوار مثلا بعشرة جنيه تلاقي السواق بيبصلك ويقولك ايه ياباشا العربية 2008 طيب وانا مالي اعملك ايه يعني ؟؟؟؟؟؟؟ ما صدقنا نرتاح من حاجة تطلعلنا حاجة تانية ويصمم ياخد زيادة

للأسف ده اللى بيحصل دلوقت ، كان الأول بيقعد يدى محاضرة طول الطريق على غلاء البنزين و المعيشة و عدم تقدير الزباين المفتريين للملائكة الغلابة سواقين التاكسى المطحونين و المظلومين و فجأة يكشر عن انيابه لو حس انك مش فارق معاك الكلام ، دلوقت عنده سبب زيادة يغنى عليه و هو اقساط التاكسى

المشاركة الأصلية كتبت بواسطة OlaOsman

أهو ده اللي توقعت انه يحصل. بس ده يكون منطقي نوعا ما لو في الصيف مثلا و مشغل التكييف طول الطريق و حاجة آخر طراوة.. انما في الأيام العادية ماهو العربية موديل 77 برضه بتوصل

مكيف مين يا باشا ، ده مرة ركبت تاكسى بيجو مركب مروحة على التابلوه و راح السواق طافيها اول ما ركبت و قعد يمثل انها عطلت و بعد ما نزلت بصيت لقيته شغلها تانى ، دول عالم تستخسر الكلمة او البصة الحلوة فى وش الزبون لحسن يطمع فيهم (عمرك شفت سواق تاكسى مبتسم حتى؟؟) ، تقوم تقول لى مكيف و بتاع ؟؟ ، ده لو الزبون بيطلع دخان من الحر مش هايصب عليه كوباية ميه