صوت بلوف الزيت (تك تك تك ... ) في اول الدوارة فقط ده عادى ولا خطر

الســــــــــــــــــــــ لام عليكم ورحمة الله وبركاته,,,,


ماتريكس 2006 مانيوال 1600 16 صباب



سؤالى بعد إذنكم ... صوت بلوف الزيت 16 بلف ( الكوستبانات) والعربية باردة في اول الدوارة بيبقى ظاهر وعالى(تك تك تك تك .....) لمدة 50 ثانية بالظبط وبعدين يختفى واول ما اطلع بالعربية على السرعة البطيئة بيظهر برضو لمدة دقيقتين لما اسيب بنزين بين الغيارات فقط وبعدين يختفى خالص لما العربية تسخن
( الصوت مش مستمر اول الدوارة والعربية باردة والصوت بيبان لما اسيب بنزين مش ف التسارع او تزويد البنزين لغاية لما تسخن بيبقى الموتور ملهوش صوت ناعم )
سألت الميكانيكي قالى عادى تمشي على كده الصوت من بلفين ولا حاجة
وعشان يغيرهم هيغير ال 16 بلف
للعلم غيرت نوع الزيت اكثر من مرة خلال الفين كيلو فقط شيل الأصفر ثم التعاونsm واخرهم شيل هيليكس ألترا 10000 5-40
هل المشى بالوضع ده غلط ولا عادى طالما الصوت مش مستمر؟
وشكرا للجميع

عادي جدا .. خصوصا إذا كنت بتستخدم زيت تخليقي خفيف

أنا معايا سيراتو 2014 .. والموتور بيعمل نفس الصوت بالظبط .. بالذات لما بشغل العربية في الصباح.. وبيفضل حوالي 3-4 دقايق لحد ما الموتور يسخن تماما..

عايز أقوللك إنك لو فتحت الكبوت والعربية دايرة (حتى بعد ما تسخن) .. بتسمع صوت التكتكة ده بوضوح..

طبيعي وما تقلقش.


عموما.. ما تقلقش من الصوت ما دام بتستخدم الزيت المظبوط ومعدل استهلاك البنزين كويس..

ومعلومة زيادة لحضرتك... الصوت مش دليل على جودة الزيت..

يعني مش معنى إن الزيت خلى صوت الموتور واطي إن دي حاجة كويسة أو حتى وحشة...

طبيعة الزيوت التخليقية إنها بتخلي صوت الموتور عالي شوية.. خصوصا لو بتستخدم لزوجات خفيفة... فماتقلقش خالص.


...

أشكر حضرتك جدا على أسلوبك الجميل في توصيل المعلومة وتبسيطها وذوقك في الرد
ربنا يطمنك وكان نفسي حضرتك بالأخص ترد عليا في موضوع الصوت ده ونوع الزيت واديه حصل
وبشكر كل القائمين على المنتدى الجميل نايل موتورز اللي كل اما الواحد بيحتاج استشارة فنية بيلاقى اهل الخبرة والذوق والأحترام موجودين هنا

ده الطبيعي بتاع محركات هيونداي وكيا
تحديدا فيرنا وماتريكس
لو مبوظتش كوستبان تقلق !!!

ولا بتأثر في اي حاجة
بس الاهم انك متقرصشي على المكنة الا لما توصل لدرجة حرارتها الطبيعيه
طول ما هي باردة امشي عليها تاتا تاتا

لان المكن الكوري بيلوي بوزه بسرعه وقماص الصراحة
عاوز رجل حنينه تطبطب على الموتور

اقتباس:

---

المشاركة الأصلية كتبت بواسطة tameem2010

ده الطبيعي بتاع محركات هيونداي وكيا
تحديدا فيرنا وماتريكس
لو مبوظتش كوستبان تقلق !!!

ولا بتأثر في اي حاجة
بس الاهم انك متقرصشي على المكنة الا لما توصل لدرجة حرارتها الطبيعيه
طول ما هي باردة امشي عليها تاتا تاتا

لان المكن الكوري بيلوي بوزه بسرعه وقماص الصراحة
عاوز رجل حنينه تطبطب على الموتور

---

أشكرك Mr.tameem2010
الصوت مزعج صراحة لأنه ماكنش موجود قبل كده وانا ودني شويه مع العربية اول ماطلع بالعربية كأن صوت بلية فارطه او طرق معدني خفيف طول ما هي باردة بامشي عليها تاتا تاتا زى ما حضرتك وصفت اسمع الصوت ده ... لغاية لما العربية تسخن بيروح
استفسار بعد أذنك ممكن يكون السبب ان الميكانيكي ساب زيت الماتور الأستيراد(لأني غيرت شورت بلوك إستيراد) وكان بيقول فيه شعر وهو فعلا كان شكله كويس جدا ومختلف عن اللي موجود هنا وغير فلتر الزيت بس وكمل الزيت الناقص بكيلو زيت جديد وقاللي جرب المكنة بالزيت ده لمدة 1000 كيلو وصراحة مكنش فيه الصوت ده خااالص وزى الفل وسافرت بيها للتجربة وكان السحب ومقاس الزيت تمااام وقرب اخر ال 1000 كيلو ظهر الصوت الغلس ده ممكن يكون الزيت فقد خواصه او الرواسب سدت سوستة الكوستبانات ولو كده ايه العمل ... انا غيرت زيت وفلتر شيل الترا 10000 لزوجه 5-40

اقتباس:

---

المشاركة الأصلية كتبت بواسطة borio1704

عادي جدا .. خصوصا إذا كنت بتستخدم زيت تخليقي خفيف

أنا معايا سيراتو 2014 .. والموتور بيعمل نفس الصوت بالظبط .. بالذات لما بشغل العربية في الصباح.. وبيفضل حوالي 3-4 دقايق لحد ما الموتور يسخن تماما..

عايز أقوللك إنك لو فتحت الكبوت والعربية دايرة (حتى بعد ما تسخن) .. بتسمع صوت التكتكة ده بوضوح..

طبيعي وما تقلقش.


عموما.. ما تقلقش من الصوت ما دام بتستخدم الزيت المظبوط ومعدل استهلاك البنزين كويس..

ومعلومة زيادة لحضرتك... الصوت مش دليل على جودة الزيت..

يعني مش معنى إن الزيت خلى صوت الموتور واطي إن دي حاجة كويسة أو حتى وحشة...

طبيعة الزيوت التخليقية إنها بتخلي صوت الموتور عالي شوية.. خصوصا لو بتستخدم لزوجات خفيفة... فماتقلقش خالص.


...

---

أشكرك Mr.borio1704

استفسار بعد أذنك ممكن يكون السبب ان الميكانيكي ساب زيت الماتور الأستيراد(لأني غيرت شورت بلوك إستيراد) وكان بيقول فيه شعر وهو فعلا كان شكله كويس جدا ومختلف عن اللي موجود هنا وغير فلتر الزيت بس وكمل الزيت الناقص بكيلو زيت جديد وقاللي جرب المكنة بالزيت ده لمدة 1000 كيلو وصراحة مكنش فيه الصوت ده خااالص وزى الفل وسافرت بيها للتجربة وكان السحب ومقاس الزيت تمااام وقرب اخر ال 1000 كيلو ظهر الصوت الغلس ده ممكن يكون الزيت فقد خواصه او الرواسب سدت سوستة الكوستبانات ولو كده ايه العمل ... انا غيرت زيت وفلتر شيل الترا 10000 لزوجه 5-40

اقتباس:

---

المشاركة الأصلية كتبت بواسطة mhmd alexndria

أشكرك mr.tameem2010
الصوت مزعج صراحة لأنه ماكنش موجود قبل كده وانا ودني شويه مع العربية اول ماطلع بالعربية كأن صوت بلية فارطه او طرق معدني خفيف طول ما هي باردة بامشي عليها تاتا تاتا زى ما حضرتك وصفت اسمع الصوت ده ... لغاية لما العربية تسخن بيروح
استفسار بعد أذنك ممكن يكون السبب ان الميكانيكي ساب زيت الماتور الأستيراد(لأني غيرت شورت بلوك إستيراد) وكان بيقول فيه شعر وهو فعلا كان شكله كويس جدا ومختلف عن اللي موجود هنا وغير فلتر الزيت بس وكمل الزيت الناقص بكيلو زيت جديد وقاللي جرب المكنة بالزيت ده لمدة 1000 كيلو وصراحة مكنش فيه الصوت ده خااالص وزى الفل وسافرت بيها للتجربة وكان السحب ومقاس الزيت تمااام وقرب اخر ال 1000 كيلو ظهر الصوت الغلس ده ممكن يكون الزيت فقد خواصه او الرواسب سدت سوستة الكوستبانات ولو كده ايه العمل ... انا غيرت زيت وفلتر شيل الترا 10000 لزوجه 5-40

---

بص
كل محركات الهيونداي (خصوصا الفيرنا والماتريكس )كده حتى لو بتحط لها زيت العفريت الازرق
كده كده الكوستبانات بتاعاتها بتخشن بعد فترة
والموضوع مفيهوش مشكلة
انا كان معايا فيرنا زيرو وشغال مع التوكيل ونفس الموضوع حصل معايا على 40 او 50 الف وهي لسه زيرو ومشيت بتاع 100 الف عليهم كده وكانت زي الفل مفيش اي مشكلة

بس موضوع انك تلاقي الزيت ناقص وتزود لها والكلام ده بلاش منه
يعني لما تزود زيت يكون نفس النوع اللى في الموتور
ده لازم وضروري جدا
وفي نفس الوقت الطبيعي ان الزيت ما ينقص الا بكيمات قليلة جدا غير مؤثرة اطلاقا

اقتباس:

---

المشاركة الأصلية كتبت بواسطة tameem2010

بص
كل محركات الهيونداي (خصوصا الفيرنا والماتريكس )كده حتى لو بتحط لها زيت العفريت الازرق
كده كده الكوستبانات بتاعاتها بتخشن بعد فترة
والموضوع مفيهوش مشكلة
انا كان معايا فيرنا زيرو وشغال مع التوكيل ونفس الموضوع حصل معايا على 40 او 50 الف وهي لسه زيرو ومشيت بتاع 100 الف عليهم كده وكانت زي الفل مفيش اي مشكلة

بس موضوع انك تلاقي الزيت ناقص وتزود لها والكلام ده بلاش منه
يعني لما تزود زيت يكون نفس النوع اللى في الموتور
ده لازم وضروري جدا
وفي نفس الوقت الطبيعي ان الزيت ما ينقص الا بكيمات قليلة جدا غير مؤثرة اطلاقا

---

ربنا يجازيك خير على تعاونك ومساعدتك بخبرتك ... ربنا يطمنك.... وانا كده خلاص مش هفتح على نفسي فتوحات واغير بلوف الزيت من ماتورى القديم(سليمة) والحوارات ديه... خلاص هسيبها على حالها

اقتباس:

---

المشاركة الأصلية كتبت بواسطة MHMD Alexndria

أشكرك Mr.borio1704

استفسار بعد أذنك ممكن يكون السبب ان الميكانيكي ساب زيت الماتور الأستيراد(لأني غيرت شورت بلوك إستيراد) وكان بيقول فيه شعر وهو فعلا كان شكله كويس جدا ومختلف عن اللي موجود هنا وغير فلتر الزيت بس وكمل الزيت الناقص بكيلو زيت جديد وقاللي جرب المكنة بالزيت ده لمدة 1000 كيلو وصراحة مكنش فيه الصوت ده خااالص وزى الفل وسافرت بيها للتجربة وكان السحب ومقاس الزيت تمااام وقرب اخر ال 1000 كيلو ظهر الصوت الغلس ده ممكن يكون الزيت فقد خواصه او الرواسب سدت سوستة الكوستبانات ولو كده ايه العمل ... انا غيرت زيت وفلتر شيل الترا 10000 لزوجه 5-40

---

تكتكة البلوف دي بتظهر بوضوح لإن الزيت اللي حضرتك استخدمته زيت تخليقي خفيف.. خصوصا لما الموتور والزيت يكونوا باردين..

الموتور بيبقى لسه ما أخدتش وضع التشغيل لإن الأجزاء الداخلية جواه ما اتمددتش كما يجب..
والزيت بيبقى خفيف جدا لإنه لزوجته الباردة خفيفة جدا (5W)

لما الموتور بيسخن كل الحاجات دي بتتغير

الزيت القديم ممكن يكون زيت معدني تقيل (غالبا 20W-50 أو حتى 10W-30).. والزيوت دي ما بتعملش الصوت ده في بداية التشغيل.. أو على الأقل.. الصوت ما بيبقاش واضح كده..

بس بصراحة.. ما كانش المفروض الميكانيكي يسيبك تمشي على الزيت ده كيلو واحد... الزيت المفروض يتغير كل 6 شهور.. والله أعلم الزيت ده بقاله في الموتور قد إيه...

عموما.. تبدأ تقلق لو الصوت كان مكمل بنفس الطريقة بعد ما العربية تسخن.


هقوللك على تجربة صغيرة معايا شخصيا..


أول ما جبت العربية السيراتو كان زيت الفبريكا فيها .. واتعودت على صوتها وأداءها ومفيش مشاكل.. وبصراحة ما ركزتش قوي في موضوع الصوت ده.. مش شاغل دماغي.

أول صيانة عملتها كانت في محطة بنزين بترومين معتمدة من التوكيل هنا.. وسألت المسؤول عن المحطة على الزيت اللي بيحطوه في العربية.. قام شاورلي على زيت اسمه بترومين A-1 تخليقي وتمام جدا مطابق لطلبات الكتالوج في كل حاجة..

http://img.montada.haraj.com.sa.s3-w...a28092f5c0.jpg

أنا قلت تمام.. أغير عندهم كل مرة...

حطيت الزيت وبردو ما لاحظتش فرق .. يمكن لإن العربية كانت سخنة أصلا... ولما بشغل العربية الصبح ما لفتش نظري إني أسمع أي صوت مختلف... تقريبا كده الأصوات قلت جامد..

بعد فترة سنة تقريبا اكتشفت إنهم بيحطوا زيت 10W-30 بأقل مواصفات أداء.. اللي المفروض تستخدمها في حالة الطوارئ أو لو ما لقيتش الزيت الصح بتاعها..

http://gccautoparts.net/Uploads/Gall...B313ivb121.png

أنا ما كنتش أعرف لإن الزيت بيحطوه من مسدس في الحيطة زي بتاع البنزين كده.. بس شفت برميل الزيت اللي عندهم بالصدفة ومكتوب عليه لزوجة الزيت

المهم.. قررت إني أشتري الزيت بمزاجي وأروح أغيره عندهم.. وجبت نفس النوع اللي شاورولي عليه قبل كده..

أول ملاحظة ليا إني أول ما بشغل الموتور الصبح بيبقى الموتور عامل كإن مفيهوش زيت!!!

الموتور بيدور بسرعة جدا لمدة ثانية أو اتنين تقريبا وبعدين تحس إن الزيت وصل فالموتور سرعته تهدى وصوته كمان يهدى..

الكلام ده بيحصل بس في حالة إن العربية مركونة بقالها يومين مثلا... إنما لو كانت مركونة من بالليل بس مفيش حاجة من دي بتحصل..

بس كمان تكتكة البلوف بقت واضحة.. وما كانش الموضوع ده ظاهر كده زمان


أنا عارف ومتأكد إن الزيت التخليقي اللي بجيبه ممتاز وهو ده الأفضل للموتور لإنه بيحقق كل طلبات الكتالوج وأعلى منه كمان.. فما بقيتش أشغل دماغي بالصوت..

لإن الصوت فعلا مش مقياس.



ويا ريت تدخل كمان على الموضوع ده.. هيفيدك قوي إن شاء الله

www.nilemotors.net/Nile/481878-a.html


...

باختصار كل العربيات الماتريكس تقريباً بتعانى من مشكلة كوستبانات الزيت و صوتها العالى فى بداية الدواره .. الموضوع لا يؤثر اطلاقاً على اداء و كفاءة الموتور .. و ترك البلوف كما هى لن يؤثر بشكل سلبى نهائياً على اى جزء اخر من اجزاء الموتور .. اتعود عليه و تعايش معاه و انسى الموضوع

اقتباس:

---

المشاركة الأصلية كتبت بواسطة samyomar

باختصار كل العربيات الماتريكس تقريباً بتعانى من مشكلة كوستبانات الزيت و صوتها العالى فى بداية الدواره .. الموضوع لا يؤثر اطلاقاً على اداء و كفاءة الموتور .. و ترك البلوف كما هى لن يؤثر بشكل سلبى نهائياً على اى جزء اخر من اجزاء الموتور .. اتعود عليه و تعايش معاه و انسى الموضوع

---

أشكرك Mr.samyomar
تماام كده كل الأراء نفس كلام حضرتك وزى ما قولت هتعايش معاها على كده
ان شاء الله مع غيارات الزيت والفلتر ف كل مرة تتظبط وتقل بالتدريج وممكن اجرب نوع زيت تخليقي تاني فيسيكو او ليكومولى او كاسترول ,,,,,,,

تحياتي لكم جميعا
:tumb: