الموضوع: ماتور الاسكورت بيعلى ويوطى لوحدة برجاء سرعة الإفادة؟

المشاركة الأصلية كتبت بواسطة madmido

روح للميكانيكي بتاع شبرا و ريح دماغك رحت له ظبط العربيه تماما في شارع اسمه احمد حافظ عوض متفرع من ابو الفرج و ابو الفرج ده اخر شارع روض الفرج شمال هتلاقي كازيون و بنزينه التعاون الشارع في نصهم و هو في اول الشارع و البنزينه ديه بعد ميدان السوق و انت رايح عل شارع روض الفرج

تمام ياباشا بس فى واحد اسمه المهندس بيتر فى العمرانية ياترى تعرفه؟

المشاركة الأصلية كتبت بواسطة madmido

لا الي حصل معايا ان من كتر لعب الميكانيكي الي فات فيها و هو مش بتاع فورد كان شايل حاجات و بدا يألف و الي رحت له عمل خاجات بسيطه بس محدش يعرف يعملها الا ميكانيكي الفورد بس يعني اولا لقيت التكيهات عندي مقفوله ظبطها و خرطوم الابنص و الخراطيم الي في الكاربيرتير ملغبطه ظبهم و في خرطوم كان متشال بتاع فايظ من تحت ركبه و الميكانيكي القديم كان لاغي خرطوم واصل من كوعه المايه للمنافولد بخلي المايه تمشي احسن في العربيه و يبردها اسرع و لقي صوت الكربيراتير مش عاجبه راح مغير بك البك الي كان راكب 120 الي ركبه 107 بتاعها الاصلي فصوته اظبط و نظفه و خلي صوتها ممتاز و كل ده و مخدش اكتر من 150 جنيه مصنعيه بس الي كلفني اني غير سلك البوجيهات و جبت الخرطوم الي كان ملغي و جوان وش التاكيهات لما وديتها لبتاع الكاربيرتير خد بتاع 150 جنيه برده و ظبطه و نظفه و قبلها رحت لواحد بتاع كابريتر في شبرا خد 225 و حسيت اني اتنصب عليا

كلامك سليم لازم اروح لواحد متخصص عشان محدش يفتي فى العربية أول يلغى حاجة من نفسه
بالنسبة لبتاع الكاربيراتير قصدك على هشام الفى شارع العشرين فيصل

المشاركة الأصلية كتبت بواسطة madmido

هشام كويس مش وحش بس عشان تروح له لازم تتاكد ان الماتور مظبوط عشان يعرف يظبط لك الدنيا كويس فلروح لميكانيكي يكون بيفهم اوي عشان مترحش لهشام مرتين مثلا و لو رحت لبتاع شبرا بيفهم في الكاربيراتير برده فممكن يغنيك عن هشام لكن لو شغل فيه اكس و باب و كده لازم هشام

ان شاء الله هاروح بكرة للمهندس بيتر فى العمرانية بيشكرو فيه يظبطلى المكنة وبعدين اشوف موضوع الكاربيراتير

روحت لبيتر بتاع العمرانية عشان موضوع العربية عندى كانت بتعلى وتوطى والسلانسية مكنش مظبوط وبعد الكشف قالى هانغير الفلتر وجبت اسبراى تنظيف الكاربيراتير
النتيجة:
البرجلة بتاعة الماتور قلت خالص بس للأسف الار بى أم عمال يعلى ويوطى مش مستقر فكشفنا على بك والسلانسية لقاه حرفة مكسور فقالى لازم يتغير وممكن أجيبه بتاع الشاهين واجيب ٤بوجيهات عشان العربية تتظبط وكمان شلنا فلتر ألهوا لانه كان بيكتم العربية كل أما نحطة مع إنها مكنتش كده وانا رايحله محتاج رأيكو ضرورى

روحت للمهندس هشام بتاع الكاربيراتير(صنايعيى محترم وفاهم) عشان موضوع الrpmالبيعلى ويوطى وفكلى الكاربيراتير وغير الجوانات بتاعته ونضف البكات وغيرت فلتر البنزين وقفلنا لقينا لسه الماتور بيعلى ويوطى برضو فضل يدور على العيب لحد أما فصل الخرطوم ألخارج من وحدة التحكم ألى عاليمين وسد مكانها لقينا الماتور اتظبط
السؤال هنا بقى هل فصل الخرطوم ده غلط وهايأثر معايا على حاجه ولا لأ وهل الوحدة دى بيتعملها صيانة يمكن تتظبط ولا بتتغير وبكام!؟