شراء سيارة من السعودية

**ali ashraf** · 17-11-2016 11:13 PM

السلام عليكم اود شراء سيارة suv من السعودية و الفئة المطلوبة حجم المحرك 1600 سى سى و بدون تربو و السيارة الوحيدة الموجود بها " الشروط " هى كيا سبورتاج الاساسية ب68 الف ريال و الاعلى منها ب 81 الف ريال هل هناك اقتراحات اخرى و اكون لكم من الشاكريين

**bluemail** · 18-11-2016 02:08 AM

عليكم السلام
الفئة اللي ب 81 تمام جدا
في هيونداي توسان
في عندك سوزوكي فيتارا 1600
اعتقد افضل اختيار سبورتاج او توسان
بالتوفيق

**Alking99** · 24-11-2016 02:10 AM

بالتوفيق

**Ashraf_Ashraf** · 26-11-2016 05:14 PM

ربنا يوفقك للخير ويرزقك الاحسن
لكن رائى الشراء من بره مصر فى والوقت ده خساره كبيره اذا افترضنا انك اختارت الفل اوبشن ب 81 الف ريال × 4.63 سعر لريال فى البنك مش السوق السودا كمان يبقى العربيه بدون جمارك 375 الف ضيف جمارك اللى هيتحسب فيها الدولار ب 18 تقريبا + القيمه المضافه وباقى المصاريف شوف هتوصل كام
احسبها وشوف وبالتوفيق

**engaass** · 26-11-2016 06:10 PM

المشاركة الأصلية كتبت بواسطة bluemail

عليكم السلام
الفئة اللي ب 81 تمام جدا
في هيونداي توسان
في عندك سوزوكي فيتارا 1600
اعتقد افضل اختيار سبورتاج او توسان
بالتوفيق

التوسان فى السعودية ٢٠٠٠ سى سى واعتقد كمان الفيتارا
الاختيارات الاخرى الهيونداى كريتا والديهاتسو التريوس
بس برضه بعد تحويل العمله وومصاريف الجمارك والنقل ممكن تلاقى انك تشتريها من مصر ارخص واريح
تنزيل عربيه من السعودية بيبقى ليه جدوى لو اشتريت العربيه وقعدت معاك فترة علشان تاخد تخفيض على الجمارك

**ali ashraf** · 26-11-2016 10:31 PM

المشاركة الأصلية كتبت بواسطة engaass

التوسان فى السعودية ٢٠٠٠ سى سى واعتقد كمان الفيتارا
الاختيارات الاخرى الهيونداى كريتا والديهاتسو التريوس
بس برضه بعد تحويل العمله وومصاريف الجمارك والنقل ممكن تلاقى انك تشتريها من مصر ارخص واريح
تنزيل عربيه من السعودية بيبقى ليه جدوى لو اشتريت العربيه وقعدت معاك فترة علشان تاخد تخفيض على الجمارك

كلام حضرتك معقول جدا و الاختيارات قليلة فى الفئة ال1600 سى سى و احب اوضح بعض الامور اولا انا بعت سيارتى البيجو 508 اثناء وجودى بالسعودية لعدة اسباب اهمها رفع السيارة لعدة سنين بدون استخدام ينتهى فيها الضمان و تتلف اجزاء كثيرة فالبيع كان لابد منه و الاسباب الاخرى الاقل اهمية موضوع المحركات التربو و التى لا انصح بها مطلقا , التربو فى حد ذاته رائع و يضفى قوة سحب و تجميع هائلة بالاضافة لصالون البيجو الفخم و المريح جدا وللللللللكن البنزين المغشوش افة التربو و تقريبا اجلا ام عاجلا ستعرض لبنزين مغشوش سواء 92 او 95 مسئلة وقت و انما ستحصل و العواقب وخيمة و الحقيقة مما قرأته من السادة الافاضل فى موضوع البنزين المغشوش جعلنى اعيد النظر فى محركات التربو. نرجع لموضوع شراء عربية من السعودية حكاية الريال ارتفع سعره فده على المستوى المحلى انما سعر العربية فى الواقع ثابت و نفس الموضوع على الجمرك الزيادة لا تعكس زيادة فى السعر بقدر ما تعكس انخفاض فى قيمة الجنية , الشئ الثانى اعتقد ان موضوع الاعفاء من الجمرك مقابل تحويل و دائع دولارية للبنوك المصرية بات شبه مؤكد و الان يتم دراسة الموضوع و التفاصيل بشكل جدى و اتوقع انخفاض فى الاسعار بشكل مؤثر فى النصف الثانى من 2017