صعوبة في تشغيل محرك السيارة

**MKilany** · 19-11-2016 04:14 AM

السلام عليكم . عندي مشكله محيراني فى العربيه (دايو نوبيرا 2)
العربية بدأت من فتره لمما تتركن فتره كبيره او لمما اشغغلها الصبح بدري بتعمل كالآتي..
المارش يدور شويه صغيرين و الموتور يبدأ يشتغل فا بسيب المارش .. لكن الموتور مش بيدور علطول
بيفضل يعمل إضطرابات شديده و هززه وكركبه و دربكه و تقطيع على 300-500 RPM لمدة مثلاً 10 ثواني. و فى الآخر ينتظم على 1000 ل 1200 RPM.
بعد ما ينتظم .. في الوقت دا لو ضغطت بنزين مرره واحده بيروح مكتوم ويعمل نفس الدربكه دي وميزوودش RPM و ممكن يبططل لو استمرريت ضاغط بنزين. ولو حتتي بنزين قليل اللي يحرركني بس بيعمل كده بردو.
الحل انني بستنني عالعربيه فتره طويله تسخن (خمس دقايق مثلا) . و دا على غير العاده كانت بتدور و تمشي عادي علطول. و بعد التسخين كل الكلام دا وكأن لم يكن .. بتمشي عادي جدداً و بتشد جامد و بتمشي هادي سلانسيه عادي جدداً منغير تقطيع ولا رجه ولا عدم انتظام ولا ضعف فى السحب .. الموتور بيبقي تمام.

- تم تغيير البوجيهات من اسبوع ونفس المشكله.
- جرربت دوورتها وشيلت فيلتر الهواء يمكن يكون الهواء مكتوم
- جرربت غيرت مسطرة ال Injection بواحده عارف انها كانت شغغاله كويس

إقتراحاتكم الكريمه ...

**bahaa mohamed** · 23-11-2016 05:12 PM

متابع

**MKilany** · 24-11-2016 02:53 AM

تم حل المشكله .. للإفاده :-
المشكله طلعت في طرومبة البنزين كانت ضعيفه مش موصصله بنزين كويس فا كانت بتسبب الكركبه الجامده في بداية تشغيل العربيه .. و مؤخخراً بقت تأخخخر جامد فى التشغيل لحد 5 او 6 مررات تدوير ..
المهم بعد تغيير الطرمبه و الفلتر كل شيء رجع لطبيعته
شكراً