عداد الكهرباء القديم الفاتوره احسن ولا الجديد الشحن ؟ وليه ؟
عرض للطباعة
عداد الكهرباء القديم الفاتوره احسن ولا الجديد الشحن ؟ وليه ؟
ماتستعجلش العداد ابو كارت سابق الشحن هيكون اجباري على كل الناس
الناس اللي بتركب لسه جديد لازم يركبه
واللي مركب هيغيروهوله اجباري بعد فتره
ناس بتشكر و ناس بتشتكي...لكن للاسف محدش بيذكر تفاصيل
لو بتقارن ديجتال بديجتال الفرق انه بكرت والاتنين مبيرحموش دقه قرايتهم 1 اوط يعنى بيعد عليك وانت بتشحن الموبايل
اما القديم ده باشا ماشى براحته
وجهة نظرى المسبق الدفع افضل لانه كتاب مفتوح ولا يحتوى مفاجآت قد تفجعنى بعد فتره شهرين تلاته مثلا او المحصل عيان او اترفد او اتنقل او مات يجيلى المحصل الجديد ليفاجئنى بمبلغ محترم متراكم .......العداد الكارت افضل طبعا ودى وجهة نظرى بصرف النظر عن ان الديجيتال سيصبح اجبارى من عدمه
مسبوق الدفع اللى بالكارت احسن
الناس بتسمع كلام الفنيين اللى بيقولوا عليه وحش - لانهم مش بيعرفوا يجيوا جنبه ولا بيعرفوا يفتوا فيه وبالتالى مفيش عندهم فرصة للتلاعب وده مش عاجبهم
مزايا العداد مسبوق الدفع
- مفيش كشاف بيجيي مرة ويغيب مرة ويضع قراءات عشوائيه بناء على المتوسط وكل كام شهر يعمل تصفية للقراءة بمبلغ كبير
- مفيش محصل يصحيك من النوم علشان تتفاجئ بفاتورة الكهرباء اللى ممكن ميكنش معاك ثمنها وقتها
- ممكن تشحن رصيد كل ما يكون معاك فلوس يتحوش فى العداد للاستهلاك مقدما
- اول باول تقدر تعرف الرصيد المتبقي فى العداد وتشحن قبل ما يخلص الرصيد
- لو خلص الرصيد استخدم الكارت بيزودك برصيد لليوم التالى وبيخصمه من الشحن
بلاش تراقب الكيلو المتبقي - فقط راقب الرصيد بالجنية المتبقي
وراقب تغيير شريحة الاستهلاك اللى بتبدا ب1 وبتزيد مع الايام و- وترجع ل1 مع بداية الشهر للتاكد من صلاحية العداد
باتكلم بناء على عداد راكب عندى
المسبق الدفع افضل مش هتدخل فى شرائح لاتستحقها بسبب تأخر الكشاف عنك
وبيخلى بينك وبين العداد ود وصداقه كل شويه تبص على الرصيد :)
راكب عندي عداد بكارت شحن بقاله 4 شهور
هو ميزته كما سبق وقيل في الموضوع هو الدقة، مفيش فواتير تراكمية، مفيش محصل يضرب فواتير وارقام من دماغه، مصداقية في الاستهلاك الحقيقي
عيوبه: حساس جدا لأقل شعرة سحب في الكهرباء يعني حنبلي في شغله بس مبيعدش عليك استهلاك او يدخلك في شارئح استهلاك اعلى بدون وجه حق
وعيبه التاني انه فعلا مفيش اي وسيلة للتلاعب فيه او في توصيلات الكهربا للشقة علشان تتجاوز العداد لأنه ذكي بطريقة غبية يعني العداد ده يعتبر كمبيوتر ومحطة كهربا متكاملة لوحده