السلام عليكم
معايا لوجان اوتوماتيك 2012
اول مرة تحصل المشكلة دي - العربية فصلت تماما علي كوبري أكتوبر - وتابعت مع مهندس الصيانة الخاص بتوكيل رينو - اكدلي ان العربية فاصلة بنزين مع العلم ان عداد البنزين كان فيه 3 شرط يعني تقريبا تلت التانك.
المهم اتصرفنا في بنزين بعد شوية اكشن علي الكوبري والعربية دارات.
رحت اقرب بنزينة التفويلة عملت 52 لتر - حاولي 185 جنيه يعني فعلا العربية مكنش فيها بنزين- طبعا تفسيري ساعتها ان العداد بايظ - لكن بعد التفويلة لاقيت العداد شغال وواصل لاعلي حاجة.
السؤال دلوقتي مفروض اعمل ايه عشان الموضوع ده ما يتكررش؟
وهل حد من حضراتكم قابله موضوع ان البنزين يخلص بدون لمبة البنزين ما تنور والعداد معلم علي اكتر من شرطة؟