المهندسين كل ألي عملوه أنهم أكتشفوا عيب في العفشة بس ميعرفوش منين بالظبط علشان كدا راحوا المصنع في الصين علشان يعرفوا المشكلة في أي جزء من العفشة و أكيد هتتظبط أنشاء الله
عرض للطباعة
المهندسين كل ألي عملوه أنهم أكتشفوا عيب في العفشة بس ميعرفوش منين بالظبط علشان كدا راحوا المصنع في الصين علشان يعرفوا المشكلة في أي جزء من العفشة و أكيد هتتظبط أنشاء الله
هيا لحقت , اادى الصينى يا سيدى, فيييييين الquality دة ارواح ناس مش لعبة, حسبى الله ونعم الوكيل
بلاش التسرع في الردود خلينا منطقيين:rfds: ....ايه اصلا مشكله العفشه دي ولا هي مشكله مالهاش اسم
و يا ريت الزميل wildwest يشوف صاحبه بتاع بافاريا يسأله على نوعيه المشكله ..علشان الافاده تهم الجميع و ده المفروض يكون هدف المنتدى - الاستفاده من خبرات بعض - والكلام اللي مش محدد بيكون لدرجه كبيره غير مريح ...فيا ريت توضيح من الزميل wildwest , و ياريت تعليقات من ملاك ال frv يا اما بالنفي أو الايجاب
طيب عيب ايه بس اللى اكتشفوه
لأن فى ناس استلموا وعملوا بالعربية فوق ال 2000 كم ومفيش عندهم مشاكل (ما شاء الله)
يبقى اكتشفوا ايه بالظبط
ولو فى مشكله يا ترى فى كل العربيات ولا ايه
ولو فى كل العربيات يبقى كانوا بلغوا اللى استلموا علشان يسلموا العربية ويحلوا المشكلة ولا كلامى غلط
نرجوا الإيضاح لأن فى ناس بردو حاجزة ومنتظره الإستلام فيبقوا فاهمين
وشكرا على كل حال
عفوا
حتى هذه اللحظة
أنا أنظر للموضوع على انه (إشاعة) عن السيارة لضربها لا أكثر ولا أقل ..
عيب في العفشة ...هو ايه ؟؟ عيب و خلاص
حد اشتكى منه ؟؟؟ لأ المهندسين هما اللي اكتشفوه
طب نسمع أراء أصحابها !!! أصلهم مش هايكتشفوه دلوقتي
اسمحلي ...
وثق كلامك لو سمحت
شوف يا احمد معاك فى ان الكلام غير موثق
بس خلينا لآخر الخط ونشوف الناس اللى استلمت ليهم ملاحظات أو مشاكل
ولا كله تمام
بالضبط:Ta_clap[1]:
iwant to know ana nfsi agib elfrv bs ema roht 3lshan ashtriha wahed shbi fe abo ghaly ely el3rbia whsha awi whowa 3ml test drive 3liha wl2ha si2h gdnn fwbi2olo elmator mosh mitsubishi wfih b3d elkmaliat mosh mogodh zi elsm3at
انا بتفق مع الاخوة اللي بيقولوا منتسرعش في الحكم علي العربية . اولا لان العدد اللي مشتريها دلوقتي مش قليل و كتير منهم اعتقد عدي ال 1000 كيلو متر يعني عمل صيانة ال1000 كيلو يعني راح التوكيل و اتكشف علي العربية و كون ان التوكيل مسحبش منهم العربية بعد الكشف يدل ان مفهاش مشكلة يعني مفيش مشكلة عفشة . يبقي الموضوع ايه بقي
انا مبشككش في الموضوع علي العموم لاني عارف ان في مشاكل ميكانيكية متظهرش بدري في التشغيل بس كون الاخ صاحب الموضوع يقول ان الشركة اكتشفت المشكلة ده معناه ان المشكلة ده بتظهر بسرعة وده اللي محصلش مع معظم الناس (انا معرفش حد حصلت معاه المشكلة ده ) الحمد لله . اتمني بجد تحديد المشكلة لان ده حيريح الناس كلها لان ابسط شئ حتلاقي كل اصحاب ال frv راحوا التوكيل و طلبوا الكشف علي الجزء ده و يشوفوا فيه مشكلة و لا لأ , فيطمنوا او تتسحب عربياتهم و يتعملهم التعويض المناسب