انا عندى خرابيش بسيطة فى جسم العربية كنت عاوز اعرف احسن طريقة للتخلص من هذه الخرابيش بنفسى دون اللجوء لبتاع الدوكو و لكم جزيل الشكر
عرض للطباعة
انا عندى خرابيش بسيطة فى جسم العربية كنت عاوز اعرف احسن طريقة للتخلص من هذه الخرابيش بنفسى دون اللجوء لبتاع الدوكو و لكم جزيل الشكر
هو الاحسن انك تروح لبتاع الدوكو و تلمع العربيه كلها.
بس لو حابب تعملها بنفسك تجيب بولش و قطن و تلمع الاجزاء المخربشه فقط بس تاخد بالك انك ما تضغطش علي القنه اوي علشان البويه ما تطلعش في البوليشيعني تضغط ضغطه بسيطه لحد ما تحس ان الخرابيش راحت و كده يبقي خلاص
الف شكر يا حازم باشا على الاهتمام
الخرابيش التى فى الدوكو الميتالك لا تختفى ابدا لا بالبولش ولا باى مادة اخرى وعن تجربه
فعلا الخرابيش مش بتروح بالبولش متتعبش نفسك - انا حاولت كتير والنتيجة للاسف غير مرضية بالمرة .
امال بتروح باية
امال اية الحل؟؟؟؟؟؟؟انا عندى نفس المشكلة
و طبعا بركات الشوارع هنا حلت عليا انا كمان :mrgreen: بس دخلت حته في الجنب :cry:
الكومبوند بيفيد في حاله ان لون العربيه اللي حكت عربيتك طلع على البوهيه عندك... في الحاله دي الكومبوند بيزيلها لأن لون عربيتك بيكون سليم تحتها.
الخرابيش اللي بتزيل اللون بتاع العربيه ملهاش حل غير انها تترش و في الحاله دي هترش العربيه كل يوم و حسبي الله و نعم الوكيل.
حلو أوي يعني ممكن أرش العربية كل يوم علشان تمشي مع الطقم :D :D :D
اكييييد علشان البرستيج حتي يااخي
:idea: :shock:
الخرابيش لو بسيطة و مجرد تجريح بسيط في طبقة علوية من البوية بس مش طالع لون البوية او باين البطانة اللي تحت اللون سهل تروح بالبولش, و لو لون عربية تانية طالع فوق الدهان بتاع العربية برضة زي استاذ محمد ممدوح ماقال تطلع بالكومباوند
لكن لو التجريح شايل طبقة البوية و باين من تحتها البطانة مش حاتطلع بالبولش
و الحل هنا هو قلم بلون العربية و يتملي بية التجريح دة, يعني مثلا لو العربية سوداء اشتري قلم دوكو اللي بيستعملوة في الكتابة عاللوحات بس يكون لون ثابت (بيرمنانت) و تمشي بية جوة التجريحه تغطي لون البطانة اللي باين
وممكن بالطبع تلاقي قلك ازرق او اخضر او فضي بس المشكلة ان فية بالطبع الوان مش حاتلاقيها و طبعا الميتاليك حاتضطر تعملة بلون سادة, و في كل الاحوال التجريح مش بيختفي تماما بس مش بيبقى ظاهر قوي من بعيد زي الأول
يعني نقول انة حل بنسبة 60%, و أهو نص العمى و لا العمى كلة
الكومباوند
????????????????????????????????????/
ما هو
+10اقتباس:
المشاركة الأصلية كتبت بواسطة barakat_1986
ايه الفرق بين البولش والكومباوند؟؟
الكومباوند هو كريم لتلميع دهان السيارة بيشتغل بتكنيك انة بيشيل طبقة من الدهان, و في الميتاليك مش بيأثر في الورنيش بس بيشيل الزفارة و البقع و اي بويات من تجاريح من عربيات تانية
و لما تمسح بية بقطنة عالعربية حاتلاقي ان القطنة بقت بلون العربية نتيجه انة شال طبقة بسيطة جدا من دهانها زي ما قلنا
علشان كدة لا يوصي باستخدام الكمباوند الا للضرورة قوي و على فترات متباعده جدا و لعدد محدود من المرات
و لو زودت حاتلاقي العربية اتمسح الدهان من عليها و بقت عالبطانة
البولش هو كريم ناعم جدا للتلميع بدون مايشيل من طبقات البوية و لا يؤثر و لا يزيل من البوية و يمكن استعمالة لعدد لا نهائي من المرات
لأنة بيضيف طبقة زي ماتقول كدة واكس او طبقة تشميع فوق الدهان بدون ما ياكل من طبقات دهان العربية
و دايما تستعمل البولش بعد الكمباوند على طول علشان تلمع الدهان كويس بعد ما الكمباوند ما شال منة البقع و الزفارة و غيرة
بس عادي جدا انك تستعمل البولش بس عالعربية كل فترة من غير كمباوند
و على فكرة العربيات اللي اوالنها سادة (مش ميتاليك) لما تدهنا دوكو بلدي (مش فرن) لونها بيبقى مطفي و مبنط (محبب) اول ما تترش
و بعدين تاني يوم الصنايعي لازم يلمعها وش كمباوند علشان الدهان ينعم و يلمع
عشره علي عشره يا ادهم باشا :-)اقتباس:
المشاركة الأصلية كتبت بواسطة Adham
فعلا مفيش حل غير الرش
الله ينور على المعلومة المنظمة يا ادهم