الموضوع: استفسار بخصوص الفترة الزمنية لتغيير زيت الفتيس!؟

زيت الفتيس وضعه مختلف عن زيت الموتور من كذا ناحية..

أولا.. زيت الموتور معرض للرطوبة بسبب دخول نواتج الاحتراق (العادم) إلى البلوك ووصوله للزيت..

العادم هو عبارة عن خليط من ثاني أكسيد الكربون + بخار مية بالإضافة إلى نواتج تانية ناتجة من الشوائب الموجودة في البنزين.. وكل ده بيدخل منه جزء ويختلط بالزيت.

زيت الفتيس مش معرض للظروف دي خالص.


ثانيا.. زيت الموتور بيشغل سواء العربية ماشية أو واقفة طول ما الموتور داير..

زيت الفتيس اليدوي مش بيشتغل إلا والعربية ماشية... إنما الأوتوماتيك شغال في جزء بسيط بس بدون أحمال فعلية.


وعموما كإجراء وقائي... تقدر تكافئ المسافات المذكورة في الكتالوج بالمدة الزمنية حسب طريقة الكتالوج نفسه..

بمعنى إن تشوف الكتالوج بيحسب كل سنة بكام كيلومتر.. هل هي 12 ألف؟؟ 15 ألف؟؟ 20 ألف؟؟

وبناء عليه تحسب المدة الزمنية.


...

المشاركة الأصلية كتبت بواسطة ahmedz310

الفتيس اوتوماتيك،
الكتالوج بيقول التغيير كل 100000كم في ظروف التشغيل الشاقة
و التوكيل بيقول التغيير كل 60000كم
ممكن تبقي الفترة الزمنية كإجراء وقائي ( كل قد ايه)؟

60 ألف؟؟

يعني أنا كده كان المفروض أغير زيت الفتيس من 5000 كيلو؟؟؟؟ !!!!!!!!!!!!!!!!!!!


طيب..

أنا متهيألي إن فترة 5 سنوات كويسة جدا.. على أساس إن معدل المشي بيبقى في حدود 20 ألف كيلومتر في السنة.

أعتقد إنه في التوكيل عامل حساب إن السنة بتعمل حوالي 12 ألف كيلومتر.


...