يا جماعة انا محتار اوى اجيب جولف 4 موديل الفين ولة اجيب عربية جديدة كورى ولة صينى بحدود 70 الف الناس تقولى الجديد مفيش احسن منو وناس تقولى الالمانى يعيش معاك العمر كلوةةةة
عرض للطباعة
يا جماعة انا محتار اوى اجيب جولف 4 موديل الفين ولة اجيب عربية جديدة كورى ولة صينى بحدود 70 الف الناس تقولى الجديد مفيش احسن منو وناس تقولى الالمانى يعيش معاك العمر كلوةةةة
المانى طبعا, انا لمل كنت بشترى, كان معايا 55,000 و كان قدامى Charade زيرو فى نفس الحدود, سوقت الPolo قلت اجرب و جبتها بنفس التمن.
سوق دية و سوق دية وانت احكم بنفسك.
الجديد مفيش احسن منه - عربيه مافيهاش غلطة (بس تكون كويسة يعني ماركة نضيفة و ما فيهاش مشاكل) اصحابي بيشكروا اوي في الجين 2
اما المستعمل فهتركب كاركة نضيفة بس اكييييييييييييييييييييييي يييييييد فيها مشاكل لان لو مافيهاش صاحبها مش هيفرط فيها و توقع كل شوية مشاكل - و الميكانيكية زيهم زي اي حاجة في مصر (دقة زيرو- امانة مشكوك فيها و العمولات من بتوع قطع سبوبة حلوةليهم - و تعامل زبالة مغ عربيتك - )
- بص الخلاصة المبلغ اللي معاك حلو ماتجيبش مستعمل حتي لو جولف
الالو انت بتفهم جدا في الميكانيكا و محدش يغلبك و عارف مسالك الصنايعية و مستعد لمفاجات زي مثلا ممكن تعطل علي طريق السويس في الضلمة و الصحرا و تتصرف (لسه حاصلالي قريب :H_angry[1]:)
يا جماعة المانى مستعمل احسن من زيرو اى ماركة تانية و الله مش تحيز ولكن التجربة بتثبت يعن الGolf 2 موديل ثمانينيات افضل من سيارات كثيرة طلعت زيرو بعدها فى الحالة العامة حسب الإستخدام طبعا و حسب السعر وة حسب متعة الركوب على السرعات العالية حقيقى سيارات تقلها ذهب .
هات جولف ابعد عن الصيني و الكوري
انا جبت كورى اللى هى الانترا 2010 طبعا لسه مشفتش حالتها ولا حتى جريت بيها عشان اعرف هتقعد اد ايه
والالمانى تحفه وقعد معايا 5 سنين من غير ما تقول اى حاجه
بس هاجى واقولك لما تيجى تركب مستعمل حتى ولو كان المانى خصوصا انك بتتكلم فى موديل 2000 هتصرف معاك شويه
والجديد الكورى فى ناس اشتكت من السيراتو واشتكوا من الصينى
فأرشحلك نيو اكسنت اسبورت او نيو اكسنت او الانترا لو تقدر تقسط الباقى
من وجهة نظرى انت تبعد عن حاجة اسمها صينى وانسى حاج اسمها صينى
بالنسبة للكورى والالمانى انا لو مكانك انا هشترى جولف 4 واظبطها بنفسى واحافظ عليها لان ميزة العربيات الالمانى عن اى عربيات تانية انك لما بتشدها وبتجددها بتكون معاك كالزيرو وتفضل معاك فترات طويلة من غير ما تفك فيها مسمار ودا عن تجربة ودا طبعا يديك
امان اعلى
ثبات اعلى
عمر افتراضى اطول
قطع غيار معمره ومتوفرة
فا انت ليك حرية التجربة بس اعرف ان 70 الف فى الكورى مش هيركبوك حاجة كويسة بالعكس هتركب فئات صغيرة زى الفيرنا وامثالها والكيا ريو والشيفرولية لانوس
وبالنسبة لل 70 الف فى الالمانى هيركبوك جولف 4 وتظبطها من حيث الموتور والكهربة والعفشة واركب يا معلم عربية حرير فى الارض وزلطة واثبت من اتخن عربية كورى فى بلدك فا انت ياباشا ليا حرية الاختيار وربنا يوفئك للصح وما تنساش صلاه الاستخارة
بدون تحيز تجيب جولف 4 رنج السعر 55 الى 60 ألف وبالعشره الباقيين تظبطها وتنساها لمده 3 أو 4 سنين وهتبقى برقبه أى عربيه فى الرنج ده ولو حبيت تبيع هتبيعه زى الهوى الجولف بتبيع نفسها
يا جماعة, الراجل كان بيسأل فى ديسمبر 2008 يعنى زمانة اشترى و باع و هو اصلا مردش تانى على الموضوع من ساعتها.
فاتت علينا موضوع التاريخ دا تمام مش مشكلة اهو كل واحد يقول راية والمعلومات الى عنده لان فى اكيد الى هيستفاد من المعلومات الى احنا بنقولها