الموضوع: حد قابله المشكله دى ؟

المشكله تتلخص في ال خراطيم تبريد زيت الفتيس في ةال 620 كان فيه خرطوم منهم عاوز يتغير وده اتغير لانه كان بينسم زيت وتم التغيير في التوكيل بعد كام كيلو متر لاحظت ان الكوليه ببدايه الخرطوم متحرك من مكانه وتم عند الميكانيكى اعاده التثبيت له .... لما ذهبت للتوكيل بالصدفه حكيت لهم الموضوع ده قاموا مغيرين الخرطومين الكاوتشوك بآخرين افضل صناعه ايطاليه وتم تزويد مانزل من زيت اثناء التغيير وجربوا وكله تمام ....بعدها بفتره كنت رايح مشوار ومشيت بالعربيه وتقريبا حوالى 5كم حسيت بتحرك امبير السرعه لاعلى وهبةطه وشممت رائحجه زيت الفتيس وهو له رائحه اكيد معروفه توقفت على الفور ولاحظت ان العربيه بتسرب زيت بسرعه زى الحنفيه ولما فتحت الكبوت لقيت خرطوم منهم انفك من مكانه والزيت كان خرج منه ... زيت الفتيس .... وطبعا غرق الموتور ومنه شويه دخنوا علشان سخونه الموتور وكتييييير على الاسفلت ... المهم تم اضافه 5 لتر زيت لغايه القياس الصحيح للمقاس بعد اعاده الخرطوم والربط بشده على الكوليه ..... ملحوظه انه سبق وان تم تغيير الكوليهات في التوكيل ... انا مش عارف سبب ده ايه وقلق من التحرك بالسياره .... منتظر تعليقاتكم .....

تم تغيير الخراطيم بنوعيه أخرى مماثله للاصليه تايلاندى المنشأ وتغيير الكوليهات باخرى المانيه ..... وجارى التجربه والله المستعان .