الموضوع: مريض تم إكتشاف أن مرضه هو السرطان في الكبد وتجاوز مرحلة العلاج فكيف نخبره بذلك

لا حول ولا قوة إلا بالله .. ربنا يحسن خاتمته و خاتمتنا جميعاَ و يحفظنا من المرض .

بصراحة مش عارف الصح إيه في موقف زي ده .. إحنا مرينا بيه مرتين
عمتي و خالتي .. خالتي محدش قالها و رغم ذلك في أيام مرضها كانت مكتئبة جداَ و حاسة إنها مريضة و في مرة زنقت كام دكتور في المستشفي لحد ما قالولها علي كل حاجة و توفت بعدها بأسبوع من الإكتئاب .

عمتي قولنالها بس مقلناش إن مرحلة الشفاء عدت و سبحان الله ربنا طول في عمرها بشكل أدهش الدكاترة نفسهم و قعدت 3 سنوات كاملة الحمد لله و متعبتش جامد إلا في أخر شهور لحد ما توفاها الله و كان يوم عيد ميلادها سبحان الله .

الوضع ده فعلاَ بيبقي علي حسب شخصية المريض .. و طالما إنه رجل صلب من المحاربين و اللي شافوا الموت بعينيهم مخافوش منه فا انا رأيي إنكم تقولولوا و لكن لا تيأسوه من الشفاء ، بالرغم من ذلك في حالات فعلاَ بيكون عدم إخبارها أحسن .

ربنا يحفظنا جميعاَ .

موضوع صعب بس بيتهيألى ان افضل شىء هو اخباره بس عن طريق الشخص المناسب حتى يسدد ماعليه من دين ويتقرب الى الله بخالص الدعاء , والأصعب الناس اللى حواليه شعورهم لازم يكون متماسك وياريت لو حد يقترح عليه عمرة ويزور سيدنا النبى وبكده تكون نفسه اهدى وربنا يصبره ويصبر اللى حواليه , والأعمار بيد الله .

اللبت عليا المواجع, انا مريت بنفس الموقف ده مع امى الله يرحمها لمدة سنتين وكانو اصعب سنيين فحياتى, بس امى الله يرحمها عرفت الموضوع من أوله بعد التحليل مباشرة وهى كانت مؤمنة والحمد لله وتعايشت مع الموقف,ولاكن بعد مرور سنة ونصف الدكاترة أكدو ان العلاج مش حينفع وان ادمهه 6شهور وبصراحة مكناش عرفين نئولها ولا لأ لحد أبل الوفاه ب3 شهور جدى الله يرحمه أعد معاها وأخبرها وبصراحة الموضوع مفرئش معاها عشان انا حسيت انا كانت حسة بكدة,برضة المريض بيحس بأقتراب أجله (أسئلكم الدعاء لهما ولموتى المسلمين)

شكراً لآرائكم
الحمد لله على كل حال
المريض دخل في غيبوبة أول أمس
وتوفي صباح الأمس

فادعوا الله له بالرحمة
اللهم اغفر له وارحمه وتحمل ما بينه وبين خلقك من حقوق وأنزل عليه رحمتك الواسعة
آمين

انا لله وانا اليه راجعون
اللهم اسكنه فسيح جناتك واغسله بالماء والثلج والبرد واجعل مثواه الجنه امين

الله يرحمه ويصبر اهله سبحان الله ربنا اعلم به منا قاعدين نفكر نقوله ولا منقولش وهو فى عد تنازلى للموت ربنا يرحمه رحمه واسعه