الموضوع: مريض تم إكتشاف أن مرضه هو السرطان في الكبد وتجاوز مرحلة العلاج فكيف نخبره بذلك

حصل هذا الموقف مع احد الاقارب ولكن لما زوجته اخبرته توفى تانى يوم على طول
اما الموقف الاشد والاصعب بالنسبة ليا فهو والدى رحمة الله عليه لما اصيب بالمرض وفضلنا مخبيين عليه لفترة حتى قرر الاطباء اجراء عملية جراحية خطيرة وكان لازم يعرف لان العملية كان هيتوقف عليها تركيب جهاز معين وكان اكيد هيسأل ليه ؟ ولما قولناله ودا كان اصعب موقف مر عليا فى حياتى حتى الآن طبعا انصدم فى الاول وبعدين كان راضى بقضاء الله وعنده امل بسيط جدا فى العلاج وفى يوم العملية بدأ الاطباء فى اجراء العملية وبعد الانتهاء منها قالوا انهم معملوش حاجة خالص الا انهم فتحوا وقفلوا بس لانهم وجدوا ان المرض منتشر ولا وسيلة لعلاجه وان قدامه حوالى شهرين وادعوله ربنا يكون معاه وطبعا احنا مقدرناش نقوله الكلام دا ورجع معانا البيت وكانت أسوء فترة مرينا بيها جميعا تخيلوا حضراتكم الموقف دا ربنا ما يوريه لحد ابدا وطبعا هو بعد كده كان منتظر العلاج الكيماوى لانه كان فاهم انه هيعمل العملية وبعدين ياخد العلاج وكان دايما بيسألنا واحنا كنا دايما بنقدم اعذار ومبررات لكن هو مكنش مقتنع بيها وكان فى الفترة دى مكتئب جدا وبدأ يتعب جدا حتى ان المسكنات الشديدة جدا مكنتش بتعمل معاه اى مفعول وبعدين دخل المستشفى تانى وقعد حوالى اسب3 ايام وبعدين دخل فى غيبوبة ثم توفاه الله وكنا فى شهر رمضان ولكنه والحمد لله كنت دايما بسمعه بيحمد ربنا
معلش انا وجعت قلبكم معايا ولكن حبيت اذكر الموقفين اللى مروا بيا ومش عارف ايه هى الطريقة الافضل للتعامل مع هذه المواقف
وربنا يحفظكم وميوريكوش حاجة وحشة ابدا فى نفسكم او اى شخص عزيز عليكم

المشاركة الأصلية كتبت بواسطة sab3aawy

انا شفت هذا النوع من التجارب دى قبل كدة

وبصراحة شايف ان عدم اخباره افضل مليون مرة، اللى بيكون عنده حاجة بالمنظر ده لو له كام شهر بيعيشهم، لما بيعرف الخبر دة يأ اما بيعيشهم مكتئب ومتبهدل، يا اما الاكتئباب بيسرع بوفاته

ارحموه ومتقولولش ، هو فى النهاية هيوصل لمرحلة المسكنات القوية ومش هيحس بحاجة، سيبوه فى حالة سلام مع النفس فيما قبل هذة المرحلة بدل ما تقضوا عليه

انا متفق مع معاك