الموضوع: مشاكل ليس لها حل في الجين 2

السلام عليكم و رحمة الله و بركاته
أولا ألف شكرا يا أستاذ تويتي على صراحتك و محاولتك تنوير الأخوة المقبلين على الشراء و هذا بصراحة شئ يُحترم جدا و نرفع لحضرتك القبعة و ربنا يباركلك

بس فيه حاجة عايز أنوه عليها
المشاكل اللي عندك دي مش عند ناس كتير
يبقى التصحيح إن المشكلة دي فردية عند حضرتك علشان برضه الناس تبقى على بينها من أمرها

أنا أعرف 3 غيري معاهم العربية ( أصحابي ) يعني مش معرفة سطحية
و محدش فيهم عنده أي مشكلة من اللي عندك
و أعرف ناس تانية ( مش أصحابي ) و لكن معارف و سألتهم على المشاكل اللي بيواجهوها ......... و برضه محدش ذكر أي مشكلة من اللي حضرتك واجهتها
على فكرة الناس كلها اللي أنا سألتها عاملين أكتر من 15 ألف و فيهم اللي عامل فوق 90 ألف

أنا برضه حبيت أنور الناس ....... باللي أعرفه

المشاركة الأصلية كتبت بواسطة tweety26980

1-صوت هواء بعد سرعة 100 كلم من الابواب الخلفيه
2-صوت تكتكه في احزمة الامان والابواب والطابلوه
3-خنقه في السحب في موديلات 2008 ونازل في النقطه 2500 الى 3000 من الار بي ام
4-تغير الوان الطابلوه وعصا الفتيس من الذهبي الى اللون الابيض
5-تزييق عند لف الدريكسيون تسمعه من داخل السياره
6-خشانه بسيطه جدا بعد السرعات 120كلم
ولكن مع كل هذه المشاكل والتي ليس لها حل مع التوكيل الا بالرد انها كده
تصبح الجين 2 من احلى السيارات اللي ركبتها في مصر طبعا
ومميزاتها تغطي على عيوبها
وده رأيي الشخصي
علما بأن سيارتي جين 2 2008 اوتوماتيك
13000 كلم

تعالى نفكر مع بعض بصوت عالي يمكن نوصل لحل إن شاء الله
1 صوت هواء ده معناه إن الكاوتش المحيط بالباب مش راكب كويس و ده أحتمال كبير جدا
2 - صوت تكتكة ....... مقدرش أفتيك بصراحة لأني لازم أسمعه علشان أقدر أحكم
3 - الخنقة دي في الأوتوماتيك بس و تم حلها في موديلات 2009 و برضه الخنقة دي مبالغ في التعبير عنها .... اللي يجرب غير اللي بيسمع علشان برضه الناس تكون على بينة مع الأعتراف بوجود نزول في العزم عند النقطة المذكور إلى 130 نيوتن فقط ..... يعني برضه العربية مش ميتة
4 - فعلا فيه ناس ظهرت معاهم بعض التقشيرات بس التقشير مش في التابلوه ده في وش الكاسيت بس ..... مع الأعتراف بوجود تلك التقشيرات لأن الدهان البلاستيك ليس جيد جدا و لكن برضه مش مع كل الناس و نادرة الحدوث

5 - تزييق ........ و لا خبطة لما تلف الدريكسيون على الأخر ؟؟؟
لو الخبطة دي طبيعية علشان نهايات الدريكسيون كله حديد و أعتقد أن فيه ناس معاها عربيات تانية دخلت و أكدت أنهم بيسمعوا خبطة عند لفة الدريسكيون على أخره و أعتقد أن ده طبيعي في أي عربية لأن أنا شخصيا كان عندي عربيات قبل كدا لو لفيت الدريكسيون على الأخر بتسمع صوت خبطة
إنما التزييق مقدرش أفيدك فيه و أول مرة أسمع المشكلة دي

6 خشانة بعد سرعة 120 ...... مش فاهم بصراحة .... خشانة في أيه ؟؟
لو بتتكلم عن صوت الموتور العالي .... هو تصميمه كدا .... و ده في كل العربيات .... طبعا في ناس بتحب الصوت العالي للموتور و بتروح تركب ديفلات و شكمانات مخصوصة علشان الصوت و فيه ناس بتحب الموتور يكون ناعم على الأخر ,,,,,,,,,,,, موتور الجين 2 مش موتور ناعم ده موتور رياضي من تصميم شركة رياضية بتاعة عربيات سباق .... و هي شركة لوتس


و مرة تانية ربنا يباركلك و يحفظك من الطريق و يارب تلاقي حل لأي مشكلة تظهر عندك

بس ياريت يا جماعة محدش يعمم و يقول دي مشاكل بتظهر في عربيات الجين 2

اللي عنده مشكلة فردية يقول أنا ظهر عندي كذا و كذا بدون تعميم علشان أغلب الناس معندهاش المشاكل دي

المشاركة الأصلية كتبت بواسطة fighter410

السلام عليكم
انا من اسكندرية و عايز اعرف اعمل صيانتى فين عشان وصلت 5400 كلم ومش لاقى اى توكيل للجين 2هنا فى اسكندرية
ياجدعان انا عندى مشكلة الدركسيون دى كأنك بترفع فرامل اليد نفس الصوت كده بس اخف شوية طول ما انا با احرك الدركسيون و ارجة الافادة لان الموضوع ده خنقنى
فى حاج كمان عايز اقول ان اللى شايف عربيته بتسحب بنزين كتير العربية بتحسب معدل استهلاك البنزين كل 100 كلم انت ممكن اول ما تدور العربية تمشى بيها شوية بطئ و هى بتظبط نقل السرعات على اقل من 2500 ار بى ام حتلاقى معدل البنزين اقل انا بسافر بيها من ساعت ما جبتها و مافيهاش مشاك على السرعات البطيئة و لا العالية (اقصد 170 كلم و انت طالع) و لسه وخدانى من بورسعيد لحد ميامى بتفويلة واحدة
انا حبيت اعرف الناس يمكن افيد حد من اللى بيسافرو كتير
العربية ممتازة
رجاء خاص حد يرد عليا انا عايز اعمل الصيانة بس مش عارف فين ابوس اديكم
و السلام عليمن و رحمة الله

معرض الأسكندرية ومركز الخدمة
الكيلو 1 طريق مصر اسكندرية الزراعي
هاتف 035003001 035003002 035003003 035003004
فاكس 035003005