اصحاب الكروس اوتوماتيك - مشكله فتيس
السلام عليكم
كنت في مشاركات سابقه قريت ان الكروس الأوتوماتيك راكب فيها فتيس هيونداي ، وحصلت معايا مشكله واتمنى اللي يلاحظ المشكله دي يقول هو عمل ايه والتوكيل اتصرف معاه ازاي
توصيف المشكله ان في تنتيش بسيط في الغيار من التالث للرابع واحيانا من التاني للتالت ، عربيتي عامله 40 الف و في التوكيل قالوا انهم هايعملوا فلاش لل valve body و هايغيروا زيت الفتيس ، بس ده ما عالجش المشكله على الرغم اني كنت باشتكي منها قبل كده في كل الصيانات و كانوا ماخرين الحل ده لحد معاد تغيير زيت الفتيس
كانت في مشكله قبل كده ان العربيه بتاخد غيارات بدري يعني في السواقه العاديه بتنقل غيار على 1500 rpm ، وتقريبا باوصل للرابع على سرعه 40 ، وطبعا كانت مضايقاني اوي في اي مكان في مطلع . المشكله دي اتحلت في التوكيل بس مش عارف ازاي وبقيت العربيه بتنقل غيارات على 2000 او 2500 rpm والرابع بيجي على 60 " مع اني شايف ان الرقم ده قليل "
اسئلتي كالتالي :
1- ايه سبب النتشه في الغيار ؟
2- هل في طريقع لمعايره الفتيس يعني تاخير الغيار الغيار شويه
3- ايه نوع زيت الفتيس المناسب ؟ كتالوج العربيه بيقول ان ATF SPIII و ده تمنه 800 جنيه وهو نفس نوع الزيت المستخدم في الفتيس الستيب ترونك لكل العربيات زي لانسر بومه . التوكيل حطلي نوع زيت ب 40 جنيه اللتر " 6 لتر عملوا 280 جنيه تقريبا "
4- هل في مراكز متخصصه في الفتيس الأوتوماتيك حد من حضراتكم اتعامل معاها
5- هل في حد من الأعضاء عنده نفس المشكله
6- هل الفتيس ليه فلتر زيت بيتغير ؟
في انتظار مشاركاتكم و ارائكم