اسبرانزا m11 ضرورى جدا

**sherif309** · 29-11-2016 09:57 PM

السلام عليكم.. معايا اسبرانزا ام11 عامله 120 الف كيلو موديل 2010 وشاريها من 7 شهور وصيانات توكيل الاهرام فى الاسماعيليه.. الى مش عارف اوصل لرقمه تانى.. وكانت زى الفل.. مرة واحدة العربيه مبدورش وهيا باردة تدور ثانيه وتبطل كام مرة لحد ما تقوم... كشفت على البطاريه والدينمو زى الفل غيرت البوجيهات وفلتر الهوا والبنزين ونظفت البوابه والحاسات واداء العربيه اتحسن اوى بس بردو عملت نفس المشكله ... مش عارف اعمل ايه ... يا ريت الافادة ضرورى. مرفق فيديو للتوضيح

http://d.top4top.net/m_333l31os1.3gp

**dvdaio15** · 30-11-2016 09:10 AM

ممكن تحطها علي جهاز كمبيوتر بطلع حساسات نسبه كام في ميه بيعرف انهي حساس فيه مشكله تقريبا ممكن يكون حساس كرنك او موبينه بس كل ده احتمالات الافضل تحطها علي جهاز
الل لاحظته في فيديو لمضه الاعطال منوره مش بتطفي بعد دواره ده دليل علي وجود مشكله متخزنه في كمبيوتر يجب كشف علي جهاز

**الهاشمى** · 03-12-2016 06:52 PM

افتح المفتاح عشان الطرمبه تحضربنزين بدون مدور العربيه كررها 3مرات بين كل فتحه كونتك والثانيه خمس ثوانى وبعدكدا دور العربيه لودارت يبقى بلف راجع البنزين ضعيف لودورت وبطلت وجيت تدور تانى دارت على طول يبقى كدا بلف الراجع انتهى وعايزيتغير

**hemaa_82** · 04-12-2016 10:25 AM

العربية عاملة كام كيلو ؟؟؟
جربت تسندلها بنزين و تشوف رد الفعل؟؟؟
جربت تركن العربية علي حاجة عالية من ورا ؟؟؟؟ مثلا العجلتين اللي ورا علي الرصيف ؟؟؟
بتعمل نفس الحركة لو باردة بس في نص النهار ؟؟؟ولا وهية باردة الصبح بس ؟؟؟

اسباب اللي بيحصل عندك ممكن تبقي ايه ؟؟؟؟ حساسات .. مباين .. طرمبة بنزين .. سدد فلتر ... بلف سايكون

لو العربية لما بتدور بتطفي كل لمبات التحذير و بتبقي طبيعية يبقي غالبا مفيش مشاكل حساسات ...

لو لما بتعلي من ورا بتدور كويس يبقي الموضوع طرمبة بنزين او خراطيم راجع..
لو مع كل اللي قلناه لسة زي ما هي يبقي غالبا بلف السايكون و ان شاء الله مفيش حاجة تاني و مفيش حاجة جاية في دماغي

مع تجاهل ان لا قدر الله الكاتينة يكون فيها حاجة لانك بتقول العربية مشيها تمام التمام