مأساتى مع عفشجى النوبيرا

**Maged_Samy** · 30-11-2016 07:46 PM

يوم الجمعة الماضيه رحت لعفشجي شهير بالاسكندرية لتركيب صدادات في المساعدين لمنع الحك في المطبات ، والكشف علي جلب المقصات ، وتم تغيير جلب المقصات وكبسها عند خراط ، وتركيب صدادات ، وتغيير عمودين الميزان وبعد التركيب وجدت ان العجله اليسري مائله بشكل ظاهر للخارج من الجهه العليا وتم فكها مرة اخري وافاد سيادته ان ذلك بسبب مساعد مخبوط وبه عوجة وارسل بليه لشراء مساعد فاضي ب 200 جنيه وتم تركيبه ونفس المشكله .... قالي اه يبقي الشمعدان معووج اشوفلك شمعدان عندي ... وملقاش عنده شمعدان واخذ المسمار بتاع المساعد رفعه 3 درجات عند الخراط علشان يجيب الفرق ، ونسيت اقولكم كمان انه طلب تغيير البطاحات مع اني شايفها سليمه وده كلفي بطاحتين ب 500 جنيه وركبلي عمودين ميزان استعمال من عنده ....
النتائج :
1_ صوت طقة جامدة مع اي مطب بسرعة ( شاكك في عمود الميزان اللي ركبه الباشا )
2_ بتاع الزوايا نزلني البير ووراني ان فيه جلبه مش راكبه مكانها وطالعة 2 سم .
حاجة تحرق الدم ..... اغير مساعد وهو سليم وجلب مقصات طالعة كويسة وبطاحات سليمة واصرف 1500 جنيه والعربية بقت اسؤا من الاول ........
تفتكروا صوت الطقة سببه عمود الميزان ولا المساعد ??

**mohamedibk** · 30-11-2016 10:43 PM

ياريت تقول اسم ومكان العفشجى ده عشان الواحد ميروحش عنده طالما هو بالسر ده

**bluemail** · 30-11-2016 11:29 PM

اجابة سؤالك الاول انت شوفت المساعد قبل ما يركب
تعالي ناحية المساعد اللي شاكك فيه واضغط علي العربيه لتحت جامد، شوف هيكون في صوت ولا ايه

نصيحه متعملش شغل كبير غير عند حد انت تعرفه ويكون ثقه
الاشكال دي كترت اوي ومابيصدقوا يصطادوا زبون ويدفعوه مبلغ وقدره ويشيله اي بضاعه عنده
وكل ما الشغل يكتر تكون المصنعيه اكتر
حسبي الله ونعم الوككيل

**tasaka** · 30-11-2016 11:35 PM

المفروض تقول اسمه علشان لا يؤذى الاخرين

و ما اعتقدش انك حتشتغل عتده تانى بعد البلاوى دى ..

و بعدين مشهور او مغمور .. كلهم مبيفهموش حاجه ( الاغلبيه منهم )

**ahmed.biso13** · 01-12-2016 10:09 PM

روح لحد بتاع ضبط زوايا
وغير الصنايعى ده

**zeroten** · 01-12-2016 10:54 PM

المفروض مستقبلا لمشاكل عفشة النوبيرا انك تغير المقصات كل سنتين بمقصات gm عشان تريح بالك او الحل التاني تغير جلب المقصات والمساعدين بس يركبو صح وعند حد بيفهم ومتجرب لان الاغلبية بيركبوهم غلط

اليك رابط فيديو يوضح حل نهائي للمشكلة دي

وربنه يعافيك ويعافينا من امثال هؤلاء الصنايعية

اللي مافيش اكتر منهم وما تعرفش تغلبهم

الفيديو ده مهم يا ريت تتفرج عليه

[youtube]https://www.youtube.com/watch?v=3G4MzWJekLc[/youtube]

**bahaa mohamed** · 02-12-2016 12:24 AM

كنت لسا حكتب عاوز عفشجي كويس لقيت موضوعك بطحات ايه ال ب٥٠٠ جنيه دول ده راجل مجرم ربنا ريحنا من امثالو يا ريت تقولنا اسمو و مكانو و ربنا يعوضك خير باذن الله و حد يقدر يسعدك

**zeroten** · 02-12-2016 01:05 AM

انا اتعلمت حاجه مهمة جدا لما بروح لصنايعي انك مش توافق علي اي اقتراح بيقوله علي طول وتسيبه بأي حجة وتسأل اكتر من واحد .... ده بالظبط عامل زي الصيدلي لما تطلب منه دوا ويحاول يقنعك بالبديل وللأسف ولا مرة وقعت في الفخ ده وطلع الدوا مناسب .... حسبي الله ونعم الوكيل في الجهل والجهلاء واصحاب الضماير الخايبة ... معلش عوضك علي الله وادينا بنتعلم

**bluemail** · 02-12-2016 03:02 AM

المشاركة الأصلية كتبت بواسطة zeroten