شعب تايلاند اجدع مننا 500 مرة ...

**Terrible_DaRsH** · 04-12-2008 06:32 AM

بسم الله الرحمن الرحيم ..
فعلا الناس دى تستحق التصفيق على ما فعلوه ..
ناس شجاعة عندها كرامة وعندها دم والله ...
امبارح وانا بتفرج على Otv فى النشرة الاخبارية لاقيتهم جايبين فقرة على الشعب التيلاندى واللى عملوه ...
عملوا ايه ..؟ اولا كان عددهم قليل مش كبير ...
راحوا احتلوا المطار بتاعهم ومنعوا حركة السفر والتنقل فى المطار لمدة كام يوم كده ..
وكانت مطالبهم ايه بقي ؟ .. اعادة حزب مش عارف اسمه وتراجع الحكومة عن قرار اتخذتـه واجبروا رئيس الوزراء على الاستقالة واتنفذت لهم مطالبهم ورجعوا بيوتهم منتصرين ...
والله برافو عليكم ... انا بقيت فرحان للى بيحصل ده وزعلت على اللى احنا فيه ده ..
وخطر فى بالى حاجة ..

تم حذف هذة الجزئية حيث ان هذا المنتدى ليس محل لأى انشطة سياسية او الدعوة لها، تنبيه للعضو بالالتزام بهذة الجزئية-الادارة4
:

**MoDyBeNz2008** · 04-12-2008 07:25 AM

ناس بتفكر عرفوا يعملوا حاجة و يغيروا للي هما عايزينه

احنا ناكل و نشرب و ننام و نكتر زي الارانب ملناش فايدة

**ahmed76** · 04-12-2008 08:46 AM

احنا شعارنا : كل عيش وامشى جنب الحيط
المشكلة ان مافيش عيش كويس ومافيش حيط تمشى جنبه لانهم شالوا الارصفة ولو مشيت جنب اى حيطه ممكن تقع عليك

**نور القمر** · 04-12-2008 01:03 PM

يا ابني ده لو حد هنا فكر مجرد تفكير يدخل المطار هايعدموه رميا بالرصاص
ويتهموه بانه من جماعه اسامه بن لادن وانه هو الرأس المفكر والمنفذ لاحداث سبتمبر وانه هو اللي قاد المظاهرات في المحلة وانه هو اللي سلط على قتل سوزان تميم وهو اللي قام بمجزرة بني مزار وهو اللي حرق قطر الصعيد وغرق عبارة السلام وهو اللي قتل كليبر
وكله كوم وكليبر لوحده ده كوم .. ده لوحده يوديك ورا الشمس .. بقى تقتل كليبر يا مفتري

انصحك متتفرجش على القنوات الهدامه دي تاني هههههههههههههههههههه

**waled369** · 04-12-2008 01:06 PM

المشاركة الأصلية كتبت بواسطة نور القمر

يا ابني ده لو حد هنا فكر مجرد تفكير يدخل المطار هايعدموه رميا بالرصاص
ويتهموه بانه من جماعه اسامه بن لادن وانه هو الرأس المفكر والمنفذ لاحداث سبتمبر وانه هو اللي قاد المظاهرات في المحلة وانه هو اللي سلط على قتل سوزان تميم وهو اللي قام بمجزرة بني مزار وهو اللي حرق قطر الصعيد وغرق عبارة السلام وهو اللي قتل كليبر
وكله كوم وكليبر لوحده ده كوم .. ده لوحده يوديك ورا الشمس .. بقى تقتل كليبر يا مفتري

انصحك متتفرجش على القنوات الهدامه دي تاني هههههههههههههههههههه

كلام مظبوط 100 في الميه يا أستاذة نور

**Samir Elshahawy** · 04-12-2008 01:16 PM

صدقني مش شعب تايلاند بس اللي أجدع مننا 500 مرة , لا كمان شعب شوكوبونجو دول حتي علي الأقل قدروا يأخدوا شبكة موبينيل القديمة و فوقها القرد اللي بيتكلم و اللي أول مانطق قال " مافيش فايدة "

**Terrible_DaRsH** · 04-12-2008 02:25 PM

المشاركة الأصلية كتبت بواسطة نور القمر

يا ابني ده لو حد هنا فكر مجرد تفكير يدخل المطار هايعدموه رميا بالرصاص
ويتهموه بانه من جماعه اسامه بن لادن وانه هو الرأس المفكر والمنفذ لاحداث سبتمبر وانه هو اللي قاد المظاهرات في المحلة وانه هو اللي سلط على قتل سوزان تميم وهو اللي قام بمجزرة بني مزار وهو اللي حرق قطر الصعيد وغرق عبارة السلام وهو اللي قتل كليبر
وكله كوم وكليبر لوحده ده كوم .. ده لوحده يوديك ورا الشمس .. بقى تقتل كليبر يا مفتري

انصحك متتفرجش على القنوات الهدامه دي تاني هههههههههههههههههههه

يا خبر ابيض ..
انتى هتودينى فى داهية ولا ايه ..
خلاص مش هعمل كده تانى

...

**elassar2010** · 04-12-2008 02:37 PM

المشاركة الأصلية كتبت بواسطة SE_coralsea

صدقني مش شعب تايلاند بس اللي أجدع مننا 500 مرة , لا كمان شعب شوكوبونجو دول حتي علي الأقل قدروا يأخدوا شبكة موبينيل القديمة و فوقها القرد اللي بيتكلم و اللي أول مانطق قال " مافيش فايدة "

فعلا احنا اقل من اى شعب فى العالم

**Terrible_DaRsH** · 04-12-2008 02:46 PM

المشاركة الأصلية كتبت بواسطة SE_coralsea

صدقني مش شعب تايلاند بس اللي أجدع مننا 500 مرة , لا كمان شعب شوكوبونجو دول حتي علي الأقل قدروا يأخدوا شبكة موبينيل القديمة و فوقها القرد اللي بيتكلم و اللي أول مانطق قال " مافيش فايدة "

بص حضرتك من الاخر ... القرد هو السبب لبيع الشبكة اساسا لانه هو كمان زهق ..
القرد زهق واحنا لا ..:k10:

المشاركة الأصلية كتبت بواسطة MoDyBeNz2008

ناس بتفكر عرفوا يعملوا حاجة و يغيروا للي هما عايزينه

احنا ناكل و نشرب و ننام و نكتر زي الارانب ملناش فايدة

لالا يا باشا بناخد كاس افريقيا متنساش ..