مساعده فى شراء كسر زيرو من 120 لـ 150
السلام عليكم اولاً بشكر القائمين على المنتدى والاعضاء اللى استفدت منهم كتير
بقالى شهر تقريباً دايخ مابين انواع العربيات وفى ظل ارتفاع الاسعار المجنون الموضوع بقى صعب جداً لان الفلوس اللى معايا مش كتير بس الحمد لله على كل شىء
انا فكرت جدياً اجيب عربية سيدان واشغلها فى اوبر او كريم والموضوع منتهى بعد دراسة متعمقة من كل الجوانب
دلوقتى الاختيار كل يوم يتغير مابين عربية والتانية لانكم عارفين اغلب الناس بتطلع العيوب فى اى شىء حتى لو مش عارفين فا انا حبيت اشارك معاكم لانى مقتنع ان فى ناس كتير هنا ذو مصدقية وفاهمين هايكتبوا اية
السعر من 120 الف لـ 150 الف ومافيش مشكلة لو السعر زاد لحد 160
الاختيار هايكون كسر زيرو اوتوماتيك او ستيبترونيك من 2010 لـ 2013
شيفرولية كروز من 2010 لـ 2013
كيا سيراتو 2010 لـ 2013
ياريت لو فى عربيات تانى تدخل ضمنهم اكون شاكر
طبعاً انا شوفت مقارنات كتير هى حاجة كويسة لان العربيات دى بدأت تظهر فيها عيوب بعد فترة فا اعتقد الموضوع دلوقتى هايكون اسهل فى الاختيار لكن انا مش خبير فى العربيات