اشتريت عربية ووجدت رقم الماتور الموجود بالرخصة مش هو الى فى العربية

**السعدنى 111** · 01-12-2016 04:25 PM

السلام عليكم
انا اشتريت عربية ولما رحت ارخص لاقيت ان رقم الماتور إلى لى الرخصة مش هو إلى راكب بالعربية , ولما عرضت المشكلة على الأصدقاء كان هناك رأيين
الأول: انى اشترى شورت بلوك واركبة , يعنى هشترى رقم وخلاص
الثانى : انى اطلع ورق للماتور الموجود بالعربية
ملاحظة : الماتور إلى فى العربية جيد جداً وحالتة كويسة
فبماذا تنصحونى

**bluemail** · 01-12-2016 05:10 PM

عليكم السلام
هتطلع ورق للموتور الموجود في العربيه دلوقتي ازاي ؟
ازاي رقم الموتور اللي في الرخصه مش هو اللي في العربيه، طيب طابقت بصمه في المرور ازاي؟
شوف الراجل اللي انت اشتريت منه قوله العربيه مغيره موتور ومش مثبوت علي الرخصه
لو الورق بتاعه عنده هاته منه واثبته انت، كده يبقي الوضع الطبيعي

**السعدنى 111** · 01-12-2016 05:16 PM

الراجل الى انا اشتريت منة قالى انا بعت واضحك عليا وكليك ,
وبالنسبة لتطليع ورق للماتور الى فى العربية , دة ممكن عن طريق اى مستورد بيدخل رقم الماتور حاوية وبيجمركة وبيطلع ورق وبيبعلى الورق دة , اكنة هو الى استوردة وانا اشتريتة منة

**Colin Chapman** · 01-12-2016 07:36 PM

المشاركة الأصلية كتبت بواسطة السعدنى 111

الراجل الى انا اشتريت منة قالى انا بعت واضحك عليا وكليك ,
وبالنسبة لتطليع ورق للماتور الى فى العربية , دة ممكن عن طريق اى مستورد بيدخل رقم الماتور حاوية وبيجمركة وبيطلع ورق وبيبعلى الورق دة , اكنة هو الى استوردة وانا اشتريتة منة

ده معناه موتور بدون اوراق او افراج جمركى مش هينفع يترخص الا بواسطة جامدة ورشوة كبيرة وبيتقال رقم موتور يدق برقم جديد غير كده انسى !يعنى لازم بصمة جديدة وديه لعبة مهندس المرور!