مساعدة بشأن قطع غيار chrysler 300c 2011

**ayman_srour** · 03-12-2016 01:24 AM

المشاركة الأصلية كتبت بواسطة leed

شوفت في بورسعيد اكتر من واحد عنده العربيه دي متقطعه وفي الحرفين خصوصا الي شغالين في الجيب
ولو الماتور هيمي هتلاقي معظم مكوناته مشتركه مع الجراند شيروكي الماتور الهيمي

انا ما شفتش في بورسعيد لأنه كان فيه حد متولي صيانتها وتهاون ومسألش.. بس انا لما سألت في الحرفيين لقيت فيه عند واحد نص بس مبالغ اوي في سعر الحجات.. يعني مسعر لي القربة اغلى من عز العرب.. هو ال MOtor HEMI V8 ال٨ سيلندر والحمد لله الموتور ما فيهوش حاجة, بس شوية الحاجات اللي ناقصة دي نتيجة الصيانة المهملة بعد الكراش,
وبالنسبة للجراند رحت ل JEEP MARKET في المريوطية وقال مش هينفع واقترح عليا يجيبهم بس الكلام ده بقاله اكتر من ٢٥ يوم.

**ayman_srour** · 03-12-2016 01:32 AM

المشاركة الأصلية كتبت بواسطة colin chapman

الراجل طالب طلبية قطع غيار بتاعت اسبيشيليست كارز سبير بارتس ده كده ناقص البارتس نمبر وتبقى طلبية ديلر او سول ايجنت!!

الاعضاء فى نايل موتورز شايفين كل شىء سهل
مصنعية الكتابة للطلابية ديه مش اقل من 1000 جنيه فقط !!علشان كتابتها فقط!!
ربنا يباركلك يا بشمهندس احمد حط بقى البارتس نمبر وتبقى كملت وخود رقم الشاسيه علشان الريبلاسمنت ان وجد!!!!!!!!
فروم اند اب !!
من السى دى او بارتس بوك

صباح الخير يا باشا
والله الموضوع مش حكاية سهل ولا حاجة, كل الحكاية ان ده تاني يوم ليا على المنتدى فطلبت من أهل الذكر, وطبعا انا عارف كويس ان الكلام ده بيسواي كتير بس هو والله اغلى من الفلوس, وليك عليا يا باشا اشارك اتبرع للمنتدى بألف جنيه حلاوة لما اخلص مع ان المنتدى والأعضاء مقامهم اغلى وارفع بكتير من كده,
أتمنى تكون فاهم اني مقدر المعلومات اللي اتكتبت واتمنى يوصلك صباحي بالخير
تحية من عضو جديد

**ayman_srour** · 03-12-2016 01:37 AM

المشاركة الأصلية كتبت بواسطة م/أحمد عبد الفتاح

وعليك يافندم - لازم لما تشترى حاجه من برة مصر يكون معاك رقم الشاسية علشان بيتحدد منه حروف المجموعات الفرعية للعربية (زى مجموعة الموتور - مجموعة الفرامل - مجموعة الحماية والامان - .....) وبالحروف دى بتقدر تحدد البارت نمبر بتاع القطعة بالظبط - او البديل ان يبقى معاك البارت نمبر المكتوب على القطعة التالفة وبكده يبقى المشكلة اتحلت.

أنا فعلا عملت كده وبعت له ال VIN Number بس مش أنا فاهم ان ده هيبقى مجدي في حالة الشراء من Mopar أما لو حبيت اشتري حاجة من هنا الحرفيين أوبرة سكراب زي الكويت أو دبي مش عارف ده هيبقى مفيد ولا لأ.

وتسلم ايدك مرة تانية

**ayman_srour** · 03-12-2016 01:42 AM

المشاركة الأصلية كتبت بواسطة Colin Chapman

وخود رقم الشاسيه علشان الريبلاسمنت ان وجد!!!!!!!!
فروم اند اب !!
من بارتس السى دى او بارتس بوك

ربنا يباركلك

طيب امعانا في الجمايل بقى حضرتك ما تعرفش ميكانيكي بتاعها يكون شغال بال Service Manual لأن الميكانيكي السابق كان عنده مشكلة مع الموديلات الأحدث من ٢٠٠٩ وقال لي بالنص حلك تحط عربيتك جنب نص بتاعها واللي تلاقيه ناقص تحله, غير كده هنفضل نجرب.

ربنا يرضى عنك

**Colin Chapman** · 03-12-2016 09:07 PM

المشاركة الأصلية كتبت بواسطة ayman_srour

صباح الخير يا باشا
والله الموضوع مش حكاية سهل ولا حاجة, كل الحكاية ان ده تاني يوم ليا على المنتدى فطلبت من أهل الذكر, وطبعا انا عارف كويس ان الكلام ده بيسواي كتير بس هو والله اغلى من الفلوس, وليك عليا يا باشا اشارك اتبرع للمنتدى بألف جنيه حلاوة لما اخلص مع ان المنتدى والأعضاء مقامهم اغلى وارفع بكتير من كده,
أتمنى تكون فاهم اني مقدر المعلومات اللي اتكتبت واتمنى يوصلك صباحي بالخير
تحية من عضو جديد

صباح الانوار والخيرات والورود عليك يا افند م

**Colin Chapman** · 03-12-2016 09:16 PM

المشاركة الأصلية كتبت بواسطة ayman_srour

طيب امعانا في الجمايل بقى حضرتك ما تعرفش ميكانيكي بتاعها يكون شغال بال Service Manual لأن الميكانيكي السابق كان عنده مشكلة مع الموديلات الأحدث من ٢٠٠٩ وقال لي بالنص حلك تحط عربيتك جنب نص بتاعها واللي تلاقيه ناقص تحله, غير كده هنفضل نجرب.

ربنا يرضى عنك

القاهرة
معرفش غير ميكانيكى واحد فى اخر شارع خيرت من ناحية ميدان لاظوغلى اسمه اشرف متخصص امريكانى قديم وحديث !!

اذهب له بتاكسى سيرا على الاقدام ولو عجبك اسلوبه وكلامه اتعامل معاه !!!
احذر تغير ضمير الناس حاليا عند التعامل مع اى صنايعى !!

القاهرة

اذهب له بتاكسى سيرا على الاقدام ولو عجبك اسلوبه وكلامه اتعامل معاه !!!
احذر تغير ضمير الناس حاليا عند التعامل مع اى صنايعى !!

العنان سنتر !
لاند روفر ورانج روفر ومينى وفيرارى وجميع السيارات السوبر رياضية !!
يرجى الحجز والاستعلام مسبقا للكشف على السيارة !
مهندس مجدى توفيق !الاجازة الاحد!
9 شارع عبد العظيم الزامل خاتم المرسلين الجيزة اول الهرم! موبايل 0101533110
لصيانة السيارات النادرة والفارهة مع توفير قطع الغيار الاصلية او حسب رغبة
مالك السيارة !!

**م/أحمد عبد الفتاح** · 04-12-2016 12:12 PM

فى الحرفيين زى ماقلتلك فيه واحد اسمه ٤x٤ ايهاب الاتربى بيبيع قطع غيار استعمال اعتقد عنده حاجات للكرايزلر ال ٣٠٠ اسأل عنده ورقمه ٠١٢٢٢٢٢٩١٥٦- يستحسن تبعت رقم الشاسية لصاحبك فى امريكا علشان لو حايشترى الحاجات جديدة ولو استعمال يبقى لازم صور للقطع اللى حايفكها من العربيات القديمة - ممكن الفوانيس زى ماقلتلك تصورهم وتبعتله الصورة علشان هما كذا نوع .
بالنسبة للميكانيكى انا باسمع خير عن واحد عند كوبرى السيدة عائشة اسمه محمد عبد الوهاب اللى اعرفه انه شغال فى الجيب ممكن تسأله اذا كان شغال فى الكرايزلر رقمه ٠١٢٢٣٩١٥٦٨٦ - فيه كمان واحد تانى اسمه احمد السلمى بس معرفش مكانه بصراحه اعتقد قريب من المعادى ورقمه ٠١٠٠٥١٧٢٤٨٥

**م/أحمد عبد الفتاح** · 04-12-2016 12:19 PM

بالنسبة لقطع الغيار الجديد هلى سألت عند مكرم اللى فى الوكالة ورا البنك الاهلى الل. على الكورنيش - اسأل عنده يمكن تلاقى حاجه - فيه كمان التوفيقية وشارع دمشق ممكن تسأل هناك - معلش لازم تلف بنفسك شوية وماتعتمدش على حد .