الموضوع: خروج الزوجه بدون علم زوجها ...هل دي من الاصول بتاعت زمان ودلوقتي مفيش الكلام ده

و هل ده سببه عدم الثقة في الزوجة او حب للسيطرة من الزوج ؟

دينيا لو ابوها مات ممنوع تخرج الا باذن الزوج https://islamqa.info/ar/226665
لاكن للاسف لا يوجد دين(الا من رحم ربى) فالنساء تفعل ما يحلو لها لان قانون الاحوال الشخصيه فى صالح المرئه وضد الرجل

المشاركة الأصلية كتبت بواسطة subhimust

بصرف النظر عن اي حاجة هو مش من حق الزوج يتحكم في خروج ودخول مراته فعلا الرجالة ماتوا قي 73

انا بصراحة مش متخيل الناس اللي بتحاول تبرر نوعية الاسلوب الرجعي ده في التعامل مع المرأة و كأن الرجولة خلاص بقت تتلخص في فرد العضلات و فرض السيطرة على الطرف الاضعف لاثبات سطوة الرجل على المرأة..
الموضوع ممكن يكون مقبول فقط لو كان بدافع الاطمئنان على سلامة الزوجة و ليس لتقييد الحركة او فرض السيطرة و يكون باتفاق ادبي غير الزامي مع مراعاة لشعور و حريات كل طرف..
الناس في مجتمعنا دايماً بيتعاملوا مع فكرة الجواز كأنه مشروع استحواذ طرف على الاخر و بينسوا انه في الاصل شراكة بين طرفين..

من حيث الشرع
لا يجوز للزوجة الخروج إلا بإذن زوجها ، وعلى الزوج أن يراعي حقها وأن يتلطف بها وأن يحسن عشرتها فيأذن لها في الخروج المناسب الذي ليس فيه منكر.

ومن حيث الواقع العملي
يتوقف الأمر على شخصية الزوج وشخصية الزوجة
والشخص الملتزم عليه أن ينصحها مرة بعد مرة
فإن أصرت على عدم طاعته فلا مفر من طلاقها

أما الشخص المتساهل أو المتحرر من قيود الشرع ، فله أن يفعل ما يشاء

و عليكم السلام
المفروض و الاصول طاعة الست لزوجها و لا تخرج بدون اذنه
بس ده المفروض
و ملوش علاقة بالثقة من غيرها و لا له علاقة بتعقيد المرأة او التحكم بها
و الرجل مش فارقة معاه مادام خروجها ليس به ضرر فليس عنده مبرر يعقد الامور و لكن خروجها بدون اذن يجعله يرى انها مستهترة به غير مكترثة بمكانته فى البيت
و الرجل هو رب الاسرة و له حق
بالنسبة للعلاج-انت اعلم بحالك -لو اهلها يعرفوا الاصول يكلموها-لو تغير اسلوب المعاملة غيره و ابعد عن الضرب قدر الامكان و بلاش طلاق
ليا صاحب فى قمة الخناق مع مراته و سيباله البيت يقولها متطلعيش---بتقعد(صحيح بتكمل الخناقة و تاخد حقها بس هى عارفة ان مينفعش تطلع من البيت فردة على زوجها)