استفسار من اصحاب المعلومات المفيدة و أهل الكﻻم الزائد يتجاهلون البوست اذا سمحوا .. بسأل بخصوص منهج اﻷلمانى Beste freunde a 1.1 للصف الرابع اﻹبتدائى..لغة تالتة مع اﻻنجليش مستوى اول و تانى و الفرنسى.. الولد مش قادر يجمع مع مدرس الفصل و طلب منى صراحة انى اساعدة بدرس خصوصى .. اللغة التالتة مش داخلة فى المجموع و هى لغة رخمة و عاذر ابنى فيها و مقدر الضغط الكبير الى علية و هو على حرف العاشرة من عمرة..الخﻻصة ان مدرستة بتستهبل باللغة التالتة و بقت امر واقع..هل من شخص عندو معلومة يفيدنا بيها بخصوص الكتب الخارجية او داتا من موقع على النت او حتى اسم مدرس جيد فى مربع مدينة نصر كحل أخير .. مع ان لخبطة اى طفل بين التﻻت لغات خصوصا التانية والتالتة امر متوقع جدا لكن مدرستة بتستهبل و للأسف انا مكنتش مركز لتلك اﻷثقال قبل بداية العام الدراسى..