لا يوجد فولت واصل الرشاشات محتاج اعرف الرشاشات بتتغذي ازاي
عرض للطباعة
لا يوجد فولت واصل الرشاشات محتاج اعرف الرشاشات بتتغذي ازاي
اعتقد الرشاش بتغذى من الموبينة الالكترونى
وانت محتاج كهربائى محترف معاه جهاز زى التابلت بيكشف بيه
اول حاجه دايرة الرشاش :
الموجب بيوصل للرشاش مباشرة عن طريق ريلاى فى علبة الفيوزات اسمه ASD relay وده بيلقط ويوصل الموجب للرشاش لما الموتور يبدأ يلف بالمارش وتطلع اشارة من الكرنك سينسور - السالب بيوصل للرشاش عن طريق الكمبيوتر بتاع العربية وبيبقى على هيئة نبضات ونقدر نعتبره هو اللى بيتحكم فى ان الرشاش يشتغل او يبطل وكمان زمن فتح الرشاش يعنى طول مالسالب بيوصل للرشاش فالرشاش بيحقن بنزين .
تانى حاجه انت عرفت منين ان الرشاش مش واصل ليه فولت ؟؟؟؟؟ هل العربية مابتدورش ؟؟؟ يبقى كده عمرك ماحتعرف تقيس الكهربا على الرشاش لأن لو العربية مابتدورش يا الـ ASD relay بايظ يا الكرنك سينسور بايظ أو الكمبيوتر لاقدر الله بايظ ودى مابتحصلش كتير واحتمالها ضعيف جداً فى اليابانى . علشان تحدد اذا كان الكرنك سينسور بايظ حاتلفف الموتور يعنى تدوره مارش وانت بتدور شوف عداد الار بى ام لو مش بيتحرك يبقى الكرنك سينسور بايظ ولو لقيته بيتحرك وانت بتدور يبقى تكشف على الـ ASD relay وده مكانه بيبقى فى الغالب داخل علبة الفيوزات ومرسوم على غطا علبة الفيوزات مكانه بالظبط . فيه طريقة تانية علشان تقدر تعرف فيه كهربا واصلة للرشاش ولا لأ ودى بتبقى عن طريق جهاز عامل زى القلم وفيه لمبة لما بتحطه على الرشاش وحد بيدور حتلاقى القلم بينور ويطفى يبقى كده فيه كهربا واصلة للرشاش .
كنت عاوز اقولك حطها عالجهاز بس لو العربية مش دايرة حاتروح ازاى الا لو لقيت حد يرضى يجيلك بالجهاز .