السلام عليكم
ذهبت لشراء سيارة وكشفت عليها ولكن وجدت منطقة في الكبوت بها معجون اريد رأي الخبراء هل هذا يعتبر عيب وهل اقدم علي شراء السيارة ام لا
ارجو الرد السريع لاني سأشتري اليوم
عرض للطباعة
السلام عليكم
ذهبت لشراء سيارة وكشفت عليها ولكن وجدت منطقة في الكبوت بها معجون اريد رأي الخبراء هل هذا يعتبر عيب وهل اقدم علي شراء السيارة ام لا
ارجو الرد السريع لاني سأشتري اليوم
بص يا باشا هى باينه انها راشة ممكن تكون خبطة فى الرفرف هى الى عاملة فيها كده لو نفس الموضوع فى النحية التانية يبأ أخدة خبطة حلوة من قدام و ممكن تكون المرايا متأثرة هو و الله اعلم ناس كتير بيقولو المرايا متعيبش العربية بس عالشان تغيرها هتصرف
هو باين ان فيها عضعضة الله اعلم مخبوطة او تريحة تقيلة من قدام نحية اليمين مسمعة فى النحية الشمال
هو ممكن ميكونش فى حاجة وياريت لو حد تانى يفيدك و يقولوك تكمل كشف فيها و تكشف علي ايه بس كل الى اقدر اقلهولك بص على المرايا الى فى صدر العربية و اتاكد من العربية من تحت من قدام و استنى رد حد تانى يفيدك اكتر
بص على المسافة بين العجلة والرفرف من قدام العجلة ومن وراها والكلام ده تعمله فى الناحيتين علشان تقارن لان اى خبطة زى دى ممكن تكون اثرت على الكتلة اللى ماسكة العجلة ممكن تتحرك من مكانها لورا شوية او للداخل وتسبب مشكلة دائمة فى الزوايا وفى العفشة - كمان شوف هل العربية بتحدف منك وانت ماشى بيها على طريق مستقيم وسايب الدركسيون او روح لواحد بتاع زوايا هو اللى يقدر يقولك الخبطة ماثرة على العفشة ولا الزوايا
الصور موش واضحه
لكن لو الخبطه وصلت للرفرفين جوه كده .. و الكابوت متمعجن .. يبقى دى كانت فى الوش
سواء اثرت على زوايا ام لا .. او خزنت فى الشاسيه ام لا .. ابعد عن وجع الدماغ .. لانها حنضايقك فى بيعها بعدين
الا بقى لو انت متقبل الموضوع نفسيا .. و حتأخذها بسعر مريح اوى