السلام عليكم
معايا فيات باليو 2006 1300
لسة كنت عامل صيانة ال 20 الف بالتوكيل
غيروا فلتر الزيت و الزيت و فلتر اللبنزين و البوجيهات و لم يغيروا فلتر الهواء لأني مركب واحد من عندي انا
المهم السيارة سحبها اتحسن الحمد الله
بس حصل مشكلة انهاردة و سبت العربية راكنة عند واحد صاحبي
المشكلة يا اخوانا , انا كنت واقف على جنب مستنيه
المهم انا كنت مدور و واقف , استنيت بتاع 5 دقائق
مرة واحدة لقيت العربية بترج .. رجرجة جامدة جدا !!! وراحت مبطلة, كأن البنزين خلص مثلا ! المشكلة انه مليان
المهم جيت ادور تاني .. بتدور و بعدين في اقل من ثانية بتفصل تاني , جربت كذا مرة . نفس الشيء , جربت حتى سبتها ساعة و رجعت , نفس المشكلة ,
فسبتها هناك لحد بكرة الصبح انشاء الله
يا ترى حد يعرف ايه السبب ؟ صديقي بيقول انه ممكن تكون رشاشات الانجكشن اتسدت و عايزة تتنضف
علما باني شوية بحط 90 و شوية بحط 92 !!
ياترى هو ده السبب ؟ و لو هو هل يتحمل التوكيل المشكلة ؟ وينفع اعملها لواحدي ؟ او عند ميكانيكي ؟
وبعدين كمبيوتر الأعطال بيقلي حتى لما يكون في فانوس مش شغال , مش ممكن ينور علامة للأنجكشن ؟؟؟
شكرا
المفضلات