اطارات سوميتومو اليابانى للجنط ال ١٧

**shifoo68** · 07-12-2016 02:58 PM

فى حد عنه فكرة النوع دة كويس ولا لا وليه صوت على الطريق ولا ناعم وهل جنابه قوية تستحمل جنط ال ١٧ والشوارع بتاعتنا ولا بيعمل بلالين على طول ارجو الافادة لانى مقبل على شراء ٤ فرد

**أحمد عثمان** · 17-12-2016 12:03 PM

أولاً النوع ممتاز,,, مش كويس بس.
بس المشكلة عندك في موضوع ال17 بوصة ده, للأسف مهما كان نوع الكاوتش اللي حتجيبه فاحتمالية حدوث البلالين عالية للأسف, و أغلب اللي كان بيجيب السيراتو ال17 بوصة كان بيغير الجنط علطول لأن الكاوتش مش بيستحمل حتى لو ماركات ممتازة زي النيكسن و الكونتينينتال.
نصيحة لو مش قادر تغير الجنط دلوقتي يبقى نقى أرخص نوع كاوتش لأن في إحتمال عالي إنك تغيره كتير.
أو الحل التاني إنك تمشي على مهلك خالص و تاخد بالك كويس أوي من النقر و المطبات.
ربنا يوفقك.

**Ahmad Sorour** · 17-12-2016 09:53 PM

سعره كام يا باشا ؟؟
والناس ليه متاخدة من كاوتش الجنط ال 17؟؟؟؟
أمال اللي عنده 19 يعمل إيه؟!
أنا معايا فلونس كاوتش 15 وعايز أجنط ب 17 لتحسين الشكل والثبات

**JapRuleZ** · 18-12-2016 05:54 PM

215 50 17

**shifoo68** · 22-12-2016 08:54 PM

المشاركة الأصلية كتبت بواسطة أحمد عثمان

أولاً النوع ممتاز,,, مش كويس بس.
بس المشكلة عندك في موضوع ال17 بوصة ده, للأسف مهما كان نوع الكاوتش اللي حتجيبه فاحتمالية حدوث البلالين عالية للأسف, و أغلب اللي كان بيجيب السيراتو ال17 بوصة كان بيغير الجنط علطول لأن الكاوتش مش بيستحمل حتى لو ماركات ممتازة زي النيكسن و الكونتينينتال.
نصيحة لو مش قادر تغير الجنط دلوقتي يبقى نقى أرخص نوع كاوتش لأن في إحتمال عالي إنك تغيره كتير.
أو الحل التاني إنك تمشي على مهلك خالص و تاخد بالك كويس أوي من النقر و المطبات.
ربنا يوفقك.

شكرا جزيلا لرد حضرتك وانا كدة كدة بمشى براحة وحافظ الطرق بطباتها ولا استعمل كبارى لحرصى على جنط ال ١٧ ولانى مش عايز اغير جنوط والسوال هو ولا البريدجستون وخلاص مافيش حاجة رخيصة دلوقتى

**بيبو بيبو** · 25-12-2016 08:21 AM

السوميتومو رقم 2 بعد البريدجيستون يابانى زيه بس أقل شويه فى السعر وفي كمان اليوكوهاما حلو

**أحمد عثمان** · 26-12-2016 11:31 AM

المشاركة الأصلية كتبت بواسطة shifoo68

شكرا جزيلا لرد حضرتك وانا كدة كدة بمشى براحة وحافظ الطرق بطباتها ولا استعمل كبارى لحرصى على جنط ال ١٧ ولانى مش عايز اغير جنوط والسوال هو ولا البريدجستون وخلاص مافيش حاجة رخيصة دلوقتى

خليك في السوميتومو عشان في فرق سعر لو قارنت الياباني بالياباني, لكن في حالة عدم وجود البريدجستون الياباني و ده الغالب, يبقى خليك في السوميتومو الياباني أفضل.
و زي ماقولتلك قبل كده الكاوتش السوميتومو ممتاز فعلاً و ناس كتير بتشكر فيه, و لو حبيت تنزل شويه بس حاجة كويسة برضه يبقى الهانكوك لو لقيت في المقاس بتاعك.
ربنا يوفقك.

**shifoo68** · 26-12-2016 01:54 PM

المشاركة الأصلية كتبت بواسطة أحمد عثمان

خليك في السوميتومو عشان في فرق سعر لو قارنت الياباني بالياباني, لكن في حالة عدم وجود البريدجستون الياباني و ده الغالب, يبقى خليك في السوميتومو الياباني أفضل.
و زي ماقولتلك قبل كده الكاوتش السوميتومو ممتاز فعلاً و ناس كتير بتشكر فيه, و لو حبيت تنزل شويه بس حاجة كويسة برضه يبقى الهانكوك لو لقيت في المقاس بتاعك.
ربنا يوفقك.

بشكر حضرتك كتير على الرد وانا لقيت بريدجستون يابانى تورانزا بس مقاس ٢٢٥/٤٥/١٧ ب ٢٠٠٧ الفردة والسوميتومو ب ١٦٥٠ نفس المقاس بس اللى قلقنى منو ان مجارى السوميتومو ضيقة والبائع بتاع وكيل السوميتومو بيقولى ليه صوت على الطريق وبيرشحلى جوديير المانى ب ١٨٥٠ والواحد محتار على الاخر لان الاسعار بقيت قريبة قوى من بعض والهانكوك الكورى ب ١٤٠٠ الفردة بس جنابه ضعيفة بيعمل بلونة بسرعة

**أحمد عثمان** · 28-12-2016 11:52 AM

المشاركة الأصلية كتبت بواسطة shifoo68

بشكر حضرتك كتير على الرد وانا لقيت بريدجستون يابانى تورانزا بس مقاس ٢٢٥/٤٥/١٧ ب ٢٠٠٧ الفردة والسوميتومو ب ١٦٥٠ نفس المقاس بس اللى قلقنى منو ان مجارى السوميتومو ضيقة والبائع بتاع وكيل السوميتومو بيقولى ليه صوت على الطريق وبيرشحلى جوديير المانى ب ١٨٥٠ والواحد محتار على الاخر لان الاسعار بقيت قريبة قوى من بعض والهانكوك الكورى ب ١٤٠٠ الفردة بس جنابه ضعيفة بيعمل بلونة بسرعة

أولاً المقاس اللي انت لقيته الجنب بتاعه أوطى من المقاس اللي الأعضاء قالولك عليه لأن الجنب بتاع الجديد 101.25 مم و القديم و اللي قالك عيه الأعضاء 107.5 مم و ده معناه تعرض الجديد للمشاكل أكتر بداية لازم تتأكد من المقاس المضبوط بتاعك عشان تسهل على نفسك التدوير.
ثانياً زي ما قلتلك قبل كده لو قررت كده كده تشتري ال 17 و بالذات لو ملقيتش غير المقاس الكبير, يبقى أرشحلك الأرخص سعراً علشان لاقدر الله لو حصل حاجة متزعلش أوي.
ثالثاً المجاري بتاعة السوميتومو الضيقة دي قريبة من الجناب و لا اللي تحت, لو اللي تحت يبقى الراجل ده بيشتغلك لأن المجاري اللي تحت ملهاش دعوة بالصوت أصلاً, و لو اللي قريبة من الجناب يبقى للأسف بيشتغلك برضه

لأن كل لما المجاري تضيق الصوت يقل مش يعلىز
أخيراً أنا كان معايا الهانكوك و رغم إن الكلام عندك في ال low profile بس الهانكوك كاوتش محترم جداً و رغم إني قعدت بيه أكتر من 70000 كم و ده أكتر من المسموح بيه بس عمره ما قصر معايا و النشكلة الوحيدة اللي حصلت هو إنه بعد المشي الكتير ده بيقل ال Grip بتاعه و ده معناه إنه مع الفرملة بيزحف شوية و بيصرخ و ده زي ما قلت بعد أكتر من 70000 كم.
أتمنى تكون الصورة وضحت كده.
ربنا يوفقك