الموضوع: ما الافضل برايك بى ام دبيلو 320 او مرسيدس سى 180 او اوبل انسجنيا

ال 3 عربيات اتزانهم خيالي.. التسارع قريبين من بعد.. و ال3 قمة في الراحة و الرفاهية و الامان.. بس رايي يعني نستبعد الميرسيدس عشان طرمبة البنزين حساسة جدا و بتحتاج 95، كدة الاوبل و البي ام.. ارشحلك البي ام عشان دفع خلفي مع ان الاوبل عفريتا بمعني الكلمة بس ارشحلك البي ام.. خصوصا لسعر البيع بعد كدة البي ام تكسب.

في رأيي المتواضع الأوبل أحلى بكتييير من البي إم في الشكل و الفخامة الداخلية و الوسع, ده في حالة استبعاد المرسيدس لأنها تكسب في كل حاجة لولا السعر و مشكلة بنزين 95
ربنا يوفقك.

المشاركة الأصلية كتبت بواسطة svneleven

علي حد علمي ال بي ام كلها خلفي ما عدا ال فئة التانية ال Active tourer زي ال مرسيدس ال A class و ال B class.

بظبط.. و ممكن تتاكد بنفسك يا استاذ عمر، ارفع اي عربية بي ام دبليو ما عدا ال x1 عشان دي جر امامي.. و ورا حل المصفحات عن طريق المسامير.. و هتلاقي كردان واخد حركة من قدام و مدي الكرونة اللي ورا.

المشاركة الأصلية كتبت بواسطة Omar Sarray

تمام يعنى البى ام عامتا كلو دفع خلفى مش امامى انا قول الى بتيجى هنا لمصر عاوز تاكيد اكتر عشان نستفيد اكتر

مين اللي قال لحضرتك كده يا استاذ عمر كل موديلات bmw في مصر او بره مصر خلفي او AWD ، العربيه الوحيده اللي نزلت لحد دلوقتي علي حد علمي هي ال BMW 2-Series Active Tourer و عملت جدل كبير قبل نزولها وسط BMW fans و اتعمل عليها مقالات كتير بتناقش رد فعل الناس عن الفكره -ممكن تدور علي جوجل هتلاقي مقالات كتير - و حابب اصحح معلومه ثانيه اتقالت برضه ان ال X1 بتنزل FWD و ده مش صح برضه ، ال X1 كانت قبل 2009 بتنزل RWD و بعد كده بقت بتنزل AWD لحد دلوقتي و اي حد حابب يعرف اكتر عن specs اي موديل لعربيات BMW في مصر ممكن يدخل علي الموقع ده BMW Egypt





بخصوص الموضوع الاساسي لو بنقارن بين ال 320i و المرسيدس من الاول هطلع مرسيدس من المقارنه علشان مشاكل البنزين اللي حصلت معاها الفتره اللي فاتت و علشان هتجبرك تمون 95 علطول مع احتماليه انه برضه تحصل مشكله في الموتور ، نيجي بقي لل BMW و ال OPEL

- لو بنتكلم علي الثبات و المتانه و الامان الاثنين موفرينهم بشده فلو في فروق هتبقي فعلا مش فارقه معانا لان الاثنين كافيين جدا ماشاء الله

- بالنسبه للتسارع ال 320i تكسب لأنها مطلعه 184 hp و عزم 290 nm علي curb-weight 1430 و التربو بتاعها bi-scroll -هيقلل ال lag قوي معاك - بتجيب من 0-100 km/h في 7.1 sec في حين ان الانسجنيا بتطلع 170 hp و عزم 260 nm علي وزن 1503 kg بتجيب من 0-100 في 9.2 sec

- بالنسبه للشكل فال f30 الجديده شكلها في رأيي مكتسح جدا عن الانسجنيا -في كل الاحوال الموضوع ده اذواق-

- بالنسبه للبنزين و الاستعمال اليومي الاثنين كويسين جدا مع ذلك بالنسبه للانسجنيا من وقت للثاني لازم تفولها 95 علشان مع الوقت و مع عدم جودة حفظ البنزين في مصر بتحس برعشه بسيطه و انت واقف معرفش اذا كان ده اللي بيحصل مع bmw برضه ولا لا بس يعني تفويقه من وقت للثاني مش هتضر

الخلاصه اختياري بين الاثنين ده هيبقي بنائا علي مقدرتي الماديه او ميلي الشخصي لعربيه من الاثنين