عايزة اشتري عربية ومش عارفة الأنواع
أولا صباح الخير
وثانيا عشان أختصر انا عايزة اشتري عربية
لما دخلت على النت لقيت أنواع كتير جدا وانا مبعرفش في المزايا والعيوب او ازاى أقيم العربية لأنها أول مرة اسوق وانتم هنا ماشاء الله يعنى استاذة في العربيات
انا هكتب لكم المواصفات إلى عايزاها وياريت تقترحوا عليا النوع المناسب
أول حاجة السعر من 60 ونازل عشان لسه هتتبهدل معايا مش عايزة اغلي من كده مستعملة
متكونش صينى
تكييف كويس جدا دى أهم حاجة
صاج كويس ومساحة معقولة داخليا
ثابتها على الأرض كويس
استهلاك بنزين معقول
قطع غيار متوفرة
باور
التحكم فيها سهل يعنى متبقاش ناشفة في السواقة
يعنى دى أغلب الموصفات وعارفة إم مفيش حاجة مفيهاش عيوب بس تكون معقولة نسبيا
وشكرا ليكم مقدما
