لو خبطك توك توك و جري تعمل ايه

**Terrible_DaRsH** · 04-12-2008 02:56 PM

[CENTER]يعنى هى جت على التوك توك ..!!!
دى ناس معندهاش دم اصلا لما تشوفوهم تفادوهم وخلاص ...[/CENTER]

**pro_samir** · 04-12-2008 06:42 PM

من شهر تقريبا فى شارع السودان توك توك ماشى على الشمال خالص واخويا ماشى فى وسط الطريق وبيعدى منة مرة واحدة راح قافل علية و واخد اقصى اليمين علشان حد من اللى راكبين معاة وقع منة كيس
طبعا ملحقش يفادية وخبطة من ورا بطرف الأكصدام مع فرملة جاممدة طبعا وكسر الدركسيون شمال
وبرضو خبطة خبطة التوك توك اتنطر والناس اللى كانو راكبين فية طارو منة على الأرض
العربية محصلهاش حاجة الحمد لله خربوش خفيف كدة
و والدى كان هيعملة مشكلة طبعا بس لاقى واحدة من الستات اللى كانو فية مغمى عليها فاضطر يلم الموضوع ومشيو لان اخويا مكانش معاة رخصة لسة

**bishoo33** · 04-12-2008 10:27 PM

حصل ذلك مع واحد زميل لى معاه شاهين
دخل مهدى على مطب بمنطقه العجمى التى تكتظ بالتكاتك وكان وراه تكتك مسرع جدا مقدرش يفرمل ويقف فحاول يفادى زميلى هذا ولكنه لم يستطع فأخدله الجانب اليمين كله الرفرفرين والبابيبين
عقبال ما صاحبى نزل يشوف اللى حصل على أمل تكون الحكه خفيفه كان طار وجرى ولكنه طار وراه الى ان لحقه وعطاله علقه جامده جدا اصل صاحبى ده كف ايده ولا ايد المخبريين وطويل وربنا يرحم اللى يقع تحت ايده
ولكن مخدش منه حاجه واضطر فى الأخر يدخل العربيه عمره سمكره ودوكو اصلها كانت على الأخر

**MohaMed_Refaat** · 05-12-2008 04:37 AM

واية اللى حيجيب التوك توك جمب العربية اصلا انا اللى اعرفة ان التوك توك موش بيطلع على الطريق ودة اللى انا بشوفة فعلا عندنا فالواحد لو اضطر يخش عند طريق التوكتوك يبقى هو اللى بيغامر ويقرب منهم ولازم يحرص منهم لان كول سواقينة موش معاهم رخص ولا ترخيص وعلى فكرة انا اعرف واحد اتخانق مرة مع بتاع توك توك فى برج العرب قام سواق التوكتوك استناة فى الموقف لحد لما رجع وجاب اصحابة بتوع التكاتيت وضربوة فالاحسن الواحد يبعد عنهم