سلام عليكم جميعا
ياترى لو حد خبطه توك توك لا قدر الله و جري هتعمل ايه أصل الحكاية دي حصلت معايا و أنا جريت وراه لما جبته لقيته عيل صغير اللي سايق ما بقتش عارف أعمل فيه ايه
عرض للطباعة
سلام عليكم جميعا
ياترى لو حد خبطه توك توك لا قدر الله و جري هتعمل ايه أصل الحكاية دي حصلت معايا و أنا جريت وراه لما جبته لقيته عيل صغير اللي سايق ما بقتش عارف أعمل فيه ايه
حصلت مع واحد زميلي راح جاري وراه وموقفه ونزل الناس اللي فيه وراح قالبه بسواقه بيديه العاريتين :)
لسة كنت هقولك كدة, هقلبة على جنبة
هسيبه هعمل ايه يعنى !
طيب توتك توك و لا عربية نقل بمقطورة ؟؟ أيهما اهون ؟؟
احمد ربنا و حمد لله علي سلامتك , بجد انا مش عارف فيه أيه علي الطرق دي بقت حاجة رعب
التوكتوك ده مجرد شلوت بسيط في جنبه هاتلاقيه اتقلب باللي فيه .. اقلبه من غير ماتبص .. طالما هو جبان وماكلفش خاطره يقف يشوف الأضرار اللي عملها.
حصلت فعلا معايا ..وبرضه السواق طلع عيل صغير ومعاه بنتين بيروش معاهم بالتوكتوك .. خبط العربيه وجرى نزلت من العربيه بسرعه وجريت وراه حوالى 20 متر لغايه ماوقفته واديتله علقه محترمه جدااا .علشان يحرم يخبط ويجرى
سواقين لتوك توك معظمهم شويه عيال او بلطجيه
لابيفهموا فى اصول القياده ولابيعرفوا حتى اشارات المرور وماشيين بمزاجهم
لأ انا حصل قدامى موقف جامد جدا
فالهرم وفى شارع التوكتك عاملين موقف فى المهم وفى واحد جى بعربية النترا والتوكتك راكن بيحمل وهب لف مره وحده لدرجة ان الراجل بتاع الانترا ملحقش يفرمل المهم بتاع التوكتك وخدها عافية عايز يلف برضة وهو غلطان ومش همه راح صاحب الانترا راجع لورا جامد وراح داخل فالتوكتك وفضل يذق فى لغايط مقلبة ونزل ضرب الواد علقة لأ والناس فضلت تتفرج وتقوله تستاهل ومشى الراجل بالعربية والناس بتقوله الله ينور
وانا وصحابى مش قادرين نمسك نفسنا من الضحك على موقف الراجل لأنى مكونتش اتوقع انه لما رجع كان نيته يخش فى انا قولته هيوسعله