الموضوع: استفسار بخصوص عمرة سيارة لادا

المشاركة الأصلية كتبت بواسطة م أحمد

الحرق الشديد فى فترة التليين ممكن يبوظ عمرة او موتور جديد
كمان لحظة التدوير لو كبست بنزين جامد
و كمان استخدام الزيوت الرديئة تبوظ العمرة و كمان استخدام هذه الزيوت لاقصى مدة تشغيل لها خاصة مع البنزين ال 80
المهم طقم شنبر او عمرة كاملة دا يتضح لما المكنة تتفتح
و زى ما السوق اتملى قطع غيار مضروبة برضه اصبح فيه اخلاق مضروبة
مهم اوى الصنايعى اللى يراعى ربنا فى شغله و يكون جيب الزبون هو جيبه مش ازاى يستنزفك باكبر قدر ممكن

للأسف طقم الشنبر بيتباع كله على بعضه و إلا كنت قلت لك تغير شنبر البستم دا فقط و تلم الدور خالص وهو سعر الطقم مش غالى فى حدود 200 ج لانك ان شاء الله مش هتحتاج خرط كرنك او سبايك ليه ...ممكن برضه الشميز بتاع البستم دا يكون اتخرط وحش.

ادخال كلمة عمرة كاملة فى الموضوع يجب ان يكون غير مبالغ فيه

المهم طقم شنبر او عمرة كاملة دا يتضح لما المكنة تتفتح
و زى ما السوق اتملى قطع غيار مضروبة برضه اصبح فيه اخلاق مضروبة
مهم اوى الصنايعى اللى يراعى ربنا فى شغله و يكون جيب الزبون هو جيبه مش ازاى يستنزفك باكبر قدر ممكن

المشاركة الأصلية كتبت بواسطة zidan2005

انا معايا سيارة لادا موديل 1995

كنت عملتلها عمرة كاملة منذ سنة تقريبا

لكن العربية حاليا فيها مشكلة ان البوجيه الثانى من اليمين بييجى عليه زيت باستمرار و العربية بتتلت بعد فترة بسيطة من تغيير البوجيه

روحت لميكانى تانى غير اللى عمل العمرة قالى ان العربية هتحتاج اما طقم شمبر او عمرة

و لما قولتله ان العربية معمول لها عمرة من فترة قريبة قالى ان كل قطع الغيار اللى فى السوق مضروبة و عشان كدة معظم العربيات اللى بيتعمل لها عمرة بتبوظ تانى بعد فترة بسيطة

ايه رأيكم فى كلام الميكانيكى

هل كلامة منطفى و بكدة يبقى خسارة اصرف على المكنة تانى ؟

و لا ممكن يكون فيه سبب فى المكنة ادى لفشل العمرة

و هل ممكن الاقى مكنة فى السوق تكون حالتها كويسة و سعرها هيكون فى حدود كم ؟

ربنا معاك و الاحسن انك تجيب مكنه استيراد و تريح دماغك و بعد سنه او حسب استخدامك تعملها طقم شنبر بس المهم تجيب مكنه بعبلها لو في القاهره او قريب منها روح الوكاله
لو عايز تعرف تاجر كويس و يراعي ربنا فيك قلي
و متبعش المكنه القديمه لانها عتكون قطع غيار ليك مارش دينمو

شكرا لكل من رد على موضوعى

انا بفكر افتح المكنة عند ميكانيكى و لو طلع الموضوع بسيط يعنى محتاجة طقم شمير اغيرة و لو طلع الموضوع كبير انا بفضل اجيب مكنة استيراد خوفا من انى اعمل عمرة تانى و تفشل

كنت عايز اعرف لو هعمل طعم شمبر اتأكد ازاى انه نوعية كويسة و مش مضروب و سعره هيكون فى حدود كم ؟

و لو عايز اشترى مكنة استيراد ازاى اختبر المكنة و اتأكد ان حالتها كويسة و سعرها هيكون فى حدود كم ؟

و ايه افضل مكان اشترى منه المكنة ؟

بالنسبه لشراء مكنه استيراد لازم تكون المكنه بعبلها يعني متحلتش قبل كده
لما عتشتري المكنه عيحط ليك 1 كيلو زيت فيها لانها بتيجي فاضيه من الزيت
عيركب ابلاتين و كندسر من عنده و ينطق المكنه يعني عيوصلها تيار كهربائي ببطاريه و هي علي الارض
اول ما عتدور المكنه عيبطلها لان مفيش مياه و لا رادياتير واصل ليها
عتاخذها و معاك ضمان 10 ايام او اسبوع حسب الاتفاق تسقطها و تمشي بيها و لو فيها حاجه ترجع اثناء فتره الضمان علشان كده انا سقطها تاني يوم و تختبرها لو في اي حاجه لقدر الله انت بتتحمل المصناعيات حل و تركيب و بتغير مكنه الي مكنه اخري


خد ميكانيكي شاطر معاك

م أحمد